Day 8 台場、富士電視台、銀座

最後一DAY，係酒店房影番張相先，有東京鐵塔VIEW

一早10點check-out，由於酒店有宅急便服務(有隻貓個間)送行李去羽田機場，我地話坐ANA，個位小姐就幫我填上TERMINAL2取行李，我聽人講其實國際線都可以PICK UP，我地3件行李，盛惠1500YEN，我就覺我勁抵喇，唔洗番轉頭攞行李，又可以玩耐D先去機場。

跟住坐JR+無人駕駛車去台場，眼見去富士電視台人潮，咁不如食左野先啦，我地係富士電視台附近間酒店收到宣傳單張，意大利餐聽SET LUNCH只係1500YEN，即入，個SET LUNCH一D都唔馬虎，有SALAD，有MAIN COURSE同埋DRINK，味道仲唔錯，呢間話晒都係5星級酒店....... HORHOR

食完LUNCH去富士電視台，依然咁多人，又熱又迫，只好放棄入去參觀，係出面影幾幅相就算。

織田裕二當時新劇，無睇，唔知得唔得

去完富士電視台，當然要參觀豊田汽車館

長

最後去筋肉雷台

玩完台場，番銀座行左陣街，6:30就直接坐車去機場，兩手FING FING去機場感覺實左太HIGH，因為已由酒店直送行李往機場。

8日行程結束，呢次係我第一次暑假去日本，北海道好舒服，食物又正，滿地花海令人心情特別愉快，東京就太熱喇，所以可能唔會再夏天去日本LU..... 希望我可以秋天到日本賞紅葉

Day 7 淺草、涉谷、原宿

雷門觀音寺係所有跟團必去地方，但奈何我老公未去過，都要陪佢去一次。是日我地買左JR+私鐵pass，1580yen一位，我老公話要享受想坐咩就坐咩既樂趣，其實我諗無人咁笨會買呢種pass。由品川坐私鐵去到淺草，行一陣就到，雖然話朝早十點零，但已經好熱，熱到想死個隻

 

仲見世商店街

星期六好多遊客

由於太熱關係，去完淺草，身水身汗，我地決定番酒店放低部相機同換衫。再出黎去左涉谷，食和幸炸豬排

然後當然要朝拜涉谷109、原宿、表參道HILLS，我地仲坐左新開既副都心線，最正係個廁所又大又乾淨。不過對於第一次夏天去日本既我非常不習慣，三十幾度仲熱過香港，由於還保，d百貨公司空調溫度都set得好高，結果你行百貨公司未上到四、五樓都feel唔到冷氣，其實都幾辛苦。

最後去左銀座，有展覽最新款GTR

個晚係銀座d居酒屋食飯

Day 6 旭川買LV、札幌食蟹、東京

又到北海道最後一日，有樣野好重要未做，就係買日版NEVERFULL，當時係熱炒，雖然我唔係特別鍾意NEVERFULL，但07年去歐洲買左一個中、一個細SIZE番黎，中SIZE係米蘭站放左賺左$800，今次知道有日版NEVERFULL，當然要買番個，第一日去到旭川已知道LV地點，是日特別一開舖就走入去買，當然佢都係同你講無貨。但個位SALES哥哥見我係香港黎，仲拎住個細SIZE NEVERFULL，所以話將佢留比客個袋賣比我，真又好假又好，成功買左

其實都要去東京，點解唔係東京買?? 好簡單，去東京既香港人點都多過旭川，D人去旭川都唔會走去買LV啩?? 所以我呢個策略係啱既

我今次就無賣番出去，留番自己用

係旭川行左幾個鐘，跟住去札幌，臨走前梗係要食番餐蟹宴啦，蟹本家5點前都係當旦食...... 平好多嫁，唔洗諗，就食最貴個兩個啦

埋單都唔洗一萬YEN，食完蟹去機場還車，再飛東京。唔知係咪我地好彩，咁多日係北海道都無落雨，臨還車就落太雨喇，呵呵!! 再見喇，北海道!! 我會再黎探你嫁

由於今次係羽田機場，所以試下住品川，話說我地坐京急列車去品川，我見到有個PROMOTION，只要你坐ANA，又係個段時間來回品川機場，就可以600YEN買到來回車票，我地即刻買唔切啦。但係去到品川，幣，要行樓梯，就係呢個時候出事，個喼手抽突然爛左，個喼係樓梯碌左落去，好彩條樓梯得幾級，唔係就會整親人

今次住呢間係Grand Prince Hotel高輪，都幾貴呀，兩晚要成30000YEN，又唔係好近JR站，夏天熱辣辣仲要行成十分鐘，最慘我地攞住個大喼又搵唔到路........... 哎............ 不過間房就好大，有21平方米，以東京黎講都OK，其實係JR站有SHUTTLE BUS去酒店，不過我地唔識搭之麻

個晚好無聊，就攞左北海道買個D野出黎影

Day 5 然別湖遊船河 + 層雲峽

之前睇酒店d postcard 成日影到唇山倒影，唔知幾點可以見到呢，終於係我零辰4點去廁所個陣見到，即刻攞部相機出黎影............ 不過，太大意，應該開左隻窗先影..... 結果影晒自己個影

呢幅係早上時份影

食飽早餐就去買船飛遊湖，全隻船得十個人度，全部香港人

好大霧，不過遊湖比我想像中舒服，只係600yen遊成粒鐘

個船長仲叫我地試揸tim

遊完湖，馬上出發去層雲峽，原來都幾快，12點前已經去到。不過個GPS又老點我地行上山，其實層雲峽係山下，我地白白行多好多路。

呢間係纜車站個間餐廳，旅遊書有介紹

意粉好齋下，但芝士味好香，值得一試

坐纜車上到黑岳駅，再轉LIFT上山頂

都無人坐，1人1架無問題

層雲峽有名的瀑布(唔記得係流星之淹定銀河之淹)，我諗秋天佈滿紅葉一定係好靚。

遊完層雲峽都係兩點鐘，有d肚餓，溫泉街食番個Soba先。

3點幾就去朝陽亭resort酒店check-in，諗住實悶死啦，點知去到沖個涼，浸個溫泉，跟住5:30pm去食buffet，食足兩個鐘，夜晚9:00去試岩盤浴，咁就1day。其實我鍾意住洋室多d。

Day 4 帶廣、然別湖溫泉酒店玩煙花

之前睇旅遊書介紹富良野夏天有熱汽球坐，咁我食完早餐問reception，佢即刻用手打左個交差，原來要朝早8點前先有........... 好失望

咁唯有離開富良野，諗住去十勝d牧場揸下牛奶，睇書介紹呢個牧場

 

原來係無得揸牛奶，只係一大遍草原

路過有間樹屋，呢間樹屋係拍過雀巢廣告

 

咁點算呢，無地方去，跟住就去左帶廣食豕肉丼，由於個間元祖飯店大排長龍，唯有去呢間係Rurubu介紹既Najah

好味道呀........................

除左食豕豬肉，去帶廣就梗係要去六花亭啦

 

呢件朱古力蛋糕超正，真係推架車係你面前切件cake比你，再加d cream

呢個pancake又係推介，用六花亭花紋碟更加有味道

係帶廣行左一陣，就直驅然別湖風水Hotel，酒店upgrade左我地住新館，個度所有房都有湖景，新館似係新裝修，間房都幾大同乾淨

 

夜間食set........ 唔錯唔錯.......淨係對住個湖食飯都夠晒happy

 

話說我地係美瑛買左d煙花幾日都無機會放，個晚無野做，一於攞出黎玩，點知d煙花好勁，燒起上黎有成兩層樓咁高，我地隨即比酒店職員 "打咩"，所以呢個故事教訓我地，放煙花都係放酒店有得賣個d

Day 3 富良野 + 肚臍祭

大概9點已經黎到富田農場，好彩都仲有好多車位

我就係上網聽人話要睇呢個七彩花田最好朝早黎,咁就影到正光,唔知係咪比人老點，無錯，個花田係正光，但係想影埋個人就變左背光，可能我太早黎，可能12點黎就無呢個問題。仲有我係7月29日黎，但最側邊都已經無左一忽

富田農場d薰衣草開始謝lu......... 唔係好夠紫

係富田農場逗留左一個鐘就轉易陣地，去日之出公園，呢度少人d，但全部人都係講廣東話。見到咁大既向日葵，好想影合照tim，點算??? 有個揸住Leica既日本大叔，我地梗係唔放過佢啦，佢攞住我地部相機，講左好多野，唔知佢講mud，但係就完成呢幅大師之作

 

其實我覺得日之出公園都好浪漫wor..........

d薰衣草仲靚過富田

 

去完兩個花田，都要醫肚，我地之前兜左去唯我獨尊，嘩.......... 大排長龍，咁唯有去rurubu介紹既正直村，個蛋包飯超好味

食飽飽，再向麪包超人館進發，由富良野去都要半粒鐘

其實我都唔係麪包超人fans，不過都覺得幾得意

 

我地臨走個陣終於無人龍，可以同麪包超人合照，呢個係真人扮嫁

 

跟住再去芝士工房，無mud特別，食左件pizza

 

呢間係我地係富良野住間Lavender Pension，一個字......... SHIT......

間房好舊，個dinner好唔得，d豬排柴皮, 我仲以為有牛排食tim....... 仲要成19800yens一晚

其實我知我去富良野個日有肚臍祭，話說我去唯我獨尊時見到d人採排，所以知道係邊度舉行，初頭都擔心無位泊車，但我地一早知道可以泊係唯我獨尊對面間銀行門口，於是泊左係個度，不過都係得番一個位咋

全個表演大概半個鐘，都幾特別ya.....