Day 4 四万十川 足摺岬

是日行程無咁趕, 係酒店嘆完早餐, hea到11點先check-out

我知呢間villas個主人經常到希臘d小島取經, 其實都模仿得幾似, 因為我擺左d相上facebook, 真係有個friend問我係咪去左希臘

我地就係住呢間房,間房真係只得呢個小窗, 呢個我相信係主人忠於原著, 因為我以前去希臘住個d小白屋都係無mud窗

門口留影

 

其實係隔離有間國民宿舍, 價錢平好多

由土佐去四万十川大概兩個多小時, 黎到四万十市, 梗係醫左肚先啦, 呢間食四万十川料理, 兩個人都有獨立房, 好secret.... 不過又係有d無圖既menu

 

由於係香川食唔到骨付鳥, 見到個menu有骨付兩個字就點左, 原來係牛仔骨, 不過都幾好食

呢個lunch set有鰻魚飯同烏冬, 唔洗1000yen, 好好味

真係當地料理.... 哈哈!  其實我地架車都算一架外省車, 因為係大阪黎, 我係呢間舖居然見到架岐阜車, 嘩, 仲遠過我地

四万十川稱為日本最後一片清流, 水確實好清, 亦都好寧靜, 呢條橋最大特色係好窄無欄但又可以行車, 我見有d車行上去都覺得幾驚, 我都叫老公揸架車上去, 睇下橋上面d人會避去邊........ 佢肯定驚跌落河所以

架車只係泊係橋邊...... 真係無膽鬼

跟住再去足摺岬, 其中一段叫SKYLINER, 成段路又上又落又多急彎, 連揸車個個都話頭暈, 坐係隔離既我當然wing晒啦, 有驚無險到達酒店, 其實都未天黑可以出去參觀, 但見d景點下晝背晒光, 所以寧願第二朝先去

當晚間旅館只有四房客(但呢間旅館有幾十間房), 我地全部被安排住係5樓

居然有LCD TV, 我最鍾意

房間望出去係無敵海景, 超讚

原本係餐廳食飯, 但當晚太少住客所以改係房間食, 有些少驚喜, 因為呢晚只係18000yen, 但居然有魚生船同龍蝦仔, 呢個海鮮宴真係物超所值

有四國出名既鰹魚, 拖羅.......

間房都幾舒服又有獨立冷氣, 經過一日疲累既旅程終於可以瞓番個好覺

Day 3 (Part 2) 大步危, 祖谷溪, 土佐

由琴平揸車去大步危大概兩個小時, 中途一定要醫肚啦, 呢間祖谷soba正正係大步危上面

呢度最出名係蕎麥麪, 一人要一份

雖然睇過旅遊書, 但都唔係好分得清邊度係大步危, 小步危

其實坐船都係1000yen, 但又無MUD特別, 所以無坐

然後向祖谷溪進發

我一向都對呢條吊橋好有興趣, 雖然要比過橋費500YEN, 但我都試一試自己膽量, 前面撞ARM有個日本男仔, 佢超驚, 行到好慢, 比佢塞住左, 我唯有爬佢頭, 其實只要向前行唔望下面, 都唔係好驚嗟

吊橋附近有個瀑布

參觀完祖谷溪, 就向我夢寐以求係高知縣既小白屋出發, 話說N年前去希臘D小島, 覺得D小白屋好正, 成日話第時度蜜月一定要去希臘, 但最後都無去到, 見到四國有呢D小白屋, 一於去試試

房裡面仲有Jaccuzzi

夜晚有法國餐食, 呢間villas d staff居然識英文, 仲每一道菜同我地介紹, 我好鍾意去日本d小型旅館食西餐嫁

 

Appetiser

其實法國菜出名係涷湯

魚

心型牛排

我覺得呢個餐有少少失望, 因為無我想像中咁好食, 但service就非常之好

星期一, 要睇SMAPxSMAP, Smap終於有新歌出

Day 3 (Part 1) 金刀比羅宮

由於當日好多地方要去, 所以一早8點幾就出發, 呢個就係離開高松時影到既商店街

見到木村托哉廣告, 影番幅相先

由高松向琴平進發, 都唔洗一個鐘就到

我比navitime老點金刀比羅宮最近停車場係琴平站, 結果泊到鬼咁遠, 其實近入口都有d停車場, 不過貴少少啦, 我泊個停車場300yen/hr, 個d 300yen/0.5hr lor

其實一早知要行過千級樓梯, 所以著左波鞋, 經過商店街

未到正門見到呢個燈籠覺得手工都好精細

終於都到達正門, 其實一向無mud運動既我已經喘晒氣lu

一連串石碑係紀念捐贈者

係咁行係咁行

終於去到本宮喇

仲可以欣賞琴平市全貌

望番落去先知自己行左咁多級樓梯

呢間係全四國唯一一間Shiseido Parlour Cafe, 咁攰真係要呌呌

夏天最適合食雪糕啦

呢間cafe連個廁所都好正, 全部都係用shiseido產品

沿途見到呢隻白馬, 好少近距離見到馬

見唔到紅葉, 都影下黃葉啦

感覺上同行上山寺差唔多, 不過上次係冬天行, 今次係夏天行, 金刀比羅宮規模大d, 山寺就寧靜d

Day 2 (Part 2) 香川縣栗林公園

上集睇完旋渦, 都係1點, 睇書教附近有間好出名既活魚料理, 即刻入個電話落GPS, 點知未去到已經見到長長既車龍, 唔知塞去邊, 所以即刻調頭向高松方向, 我唔信沿路無野食..... 點知行極都唔見有食肆, 我老公又極之肚餓, 佢肚餓就好幣, 因為無力揸車, 最後卒之見到有間活魚料理, 唔理三七二十一隊架車埋去, 死喇, 間野又無人, 個MENU全日文, 點算? 唯有叫個1000YEN SET(都唔知係MUD) 再加一個1300YEN大盛

首先黎個SET, 有刺身, 麪豉湯, 飯, 同一條燒魚, 其實我一向抗拒食燒魚(尤其係D日式早餐必備個D), 因為多數都幾腥同好鞋.... 但係呢條燒魚勁好食, 又多肉仲好鮮味，至於另外個大盛, 原來係魚生飯, 睇住個老闆係個魚生櫃逐件逐件放係D飯上面, 未食已經流晒口水, 由於太肚餓, 所以唔記得影相, 但確實係大滿足 唯有係出面影番幅相啦

醫飽肚再向高松出發

高松名勝-- 栗林公園, 我都係第一次參觀呢D日式庭園, 正所謂一步一景, 都幾有特色嫁..... 可惜中途我老公發現唔見左張泊車飛, 佢好驚, 所以無MUD參觀就走LU.... 其實日本人都唔會屈我地比全日泊車錢嫁啦, 洗MUD咁驚呢?

 

 

D錦鋰超大條

睇下個天....... 萬里無雲..... 就知個日有幾熱啦.....肯定超過30度

註: 事緣我地去日本個幾日撞ARM有個颱風係日本略過, 所以個個星期都係陽光普照兼夾好焗, 好彩係自駕遊, 唔係肯定熱死

呢個VIEW最正最舒服, 幻想下如果秋天有紅葉應該好正(只可以幻想), 好多人係個亭度飲茶.... 點解我地唔去? 因為要比錢麻..... HAHAHA

去完公園即刻SEARCH下附近有無百貨公司, 有間"天滿屋" WOR, 行左一陣就去酒店CHECK-IN, 今晚住SUPER HOTEL田町, 雖然明知SUPER HOTEL唔可以有D咩要求, 同埋只係4980YEN一晚仲包早餐...... 之不過, 點解佢要比間有碌架床既房比我呢???? 我地得兩個人咋WOR...... 攪到我地都無位開喼, 不過我又唔識同個職員講換房, 唯有算啦, 一晚JE..... 結果..... 都瞓得好舒服... 我老公仲話諗起以前瞓下格床,好有親切感.... HA..... 咁我咪要瞓上張上格床, 我細個瞓開上格床WOR

唔知係咪我大鄉里, 原來而家D BUSINESS HOTEL係用密碼鎖, CHECK-IN個陣要自助比錢, 跟住張RECEIPT 出黎會有你房號同密碼, 要入密碼先入到間房嫁

雖然酒店係高松商店街附近, 但條街好靜無MUD人, 黎到香川, 梗係要食讚岐手打烏冬啦, 不過原來之後都好多機會食烏冬, 最遺憾係試唔到當地出名既骨付鳥, 因為廚師個日休息...... 殘念