樂天購物小插曲

話說我家姐早我一個星期去日本, 我之前都唔知自己會突然去日本, 所以搭佢幫我攞d貨番黎, 我不得不承認我都幾狼, 係樂天訂左6條裙、2對鞋, 咁我家姐自己都有訂, 我個妹就訂左d bb衫。

話說我將所有貨都叫d shop送去我家姐最後一晚住既酒店(即係秋田東橫Inn), 唔知係咪太多貨有d混亂, 再加上我家姐又唔開d包裹黎睇, 番到香港先知............ 漏左我個妹d bb衫同埋佢自己一件衫, 我個妹好唔開心呀, 話bb無衫著好慘呀

我地3姐妹出到黎食lunch諗下點解決, 我家姐已打電話去秋田東橫Inn問佢係咪有parcel未攞, 佢地話有, 但係係花左好多時間都唔係好溝通到, 跟住我家姐話佢有d同行朋友會再去秋田, 不過唔係住東橫Inn, 呢個都唔重要, 個問題係點搵佢個friend呢 好彩我家姐知佢地當晚住不老不死溫泉, 我個妹fax左去間溫泉酒店叫佢地聯絡我家姐, 果然, 唔好睇少呢d溫泉酒店, 我個妹話好快以英文回覆無問題

到我出發去東京個晚, 我家姐call我, 話佢個friend去到秋田東橫Inn只可以攞到佢件衫, 我個妹個d...... 都係無.... 好幣, 我又未執行李, 點算...... 跟住將西松屋(我個妹訂bb衫間shop)個送貨confirmation同我係東京酒店地址send比我個妹, 叫佢fax去秋田東橫Inn再問, 都係諗住博下咋

我第一日去到東京check email, 事緣我家姐之前訂左呢個iphone套, 間shop話無貨, 我已send email同佢講叫佢cancel, 點知個晚收到email話佢送左去秋田..... 唔係呀fa  即刻叫我酒店幫我打去東橫Inn, 順便問埋我個妹d衫, 東橫Inn話有呢件貨, 係無我個妹d衫, anyway, 我又叫東橫Inn courier我個Iphone套比我

到第二日, 收到東橫Inn send黎ge courier, 居然係d bb衫, 無諗過, 最後我都收到, 東橫Inn仲無收我d courier錢, 仲送左d mask呀, amenity pack比我, 千辛萬苦..... 終於都可以搵得番, 係咪個天要我去日本幫佢攞番d衫番黎

其實d衫只係5000yen度, 但係為左追番d貨, 我地都花左唔少長途電話費....都唔知值唔值, 你問我仲敢唔敢係樂天訂貨?? 我自己當然無問題, 不過如果要託友人pick, 都係要搵一個可靠ge人, 好明顯呢次係所託非人

爭d忘記講番個iphone套, 最後個日我地係pepper lunch食左個餐, 兩個人身上淨番二千幾yen番酒店攞行李, 跟住佢地送上一盒包裹, 就係個所謂iphone套, 然後仲問我地收番740yen運費, 嘩, 爭d唔夠錢去機場呀, 臨尾得番幾百yen番香港, 致於個iphone 套, 原來只係張貼紙, 都唔明點解要用個盒裝住, 算啦, 用錢可以解決ge問題就唔係問題啦

Day 3 橫濱

話咁快已經去到旅程最後一日, 由於之前個日誤坐羽田機場車, 無意中比我地發現原來係大門站可以坐京急直去橫濱, 都只係470yen一程, 不過對於橫濱之前真係無mud搜集資料, 所以都只係亂行一通

因為係老公帶路, 更加無計劃, 求其見到條未來線就走左去買pass, 其實一程都係200yen, 但老公話買pass抵, 450yen, 不過我地最後發覺其實橫濱唔係好大, 唔坐車都ok

 

坐左一個站就到左呢個遊樂場

 

行下行下又行到去倉庫

做緊curry同北海道祭

北海道直送帶子

橫濱係沿海, 有郵輪

卒之我地去到中華街, 好驚呀, 超多人, 要我排隊食小籠包, 真係 no way

 

最後就到我地最重要ge目的地, 三井outlet, 要坐seaside line 去, 好鬼貴, 買左d Fred Perry, Lacoste Polo Shirts 同 Edwin Jeans, 收穫未算太豐富 

行到攰晒, 回程坐番JR京葉線去濱松町, 食左個Pepper Lunch, 6:30PM番酒店攞番d行李就坐京急去機場, 去到都係7點鬆d, 時間充裕, 住濱松町都幾方便

2010年羽田新國際terminal將啟用, 希望到時有多d羽田機飛香港啦

我明明mark位mark左31行, 唔知點解回程ANA又比番exit row 我, 好處係好似闊少少, 但我覺得就唔係咁方便, 首先睇戲要攞部電視出黎, 食餐又要好難先攞到張枱出黎, 跟住你個袋一定要放行李格, 仲有安全帶警號著個陣又唔可以除鞋, 總之, 就唔多覺有mud好處

不過睇見d空姐做野都幾攪笑, 首先見到某空姐成日將d杯由廚房碌出黎, 跟住又見到降落前將d飲品倒落垃圾箱, 又見佢地會數一數係咪每個餐櫃都lock好, 都幾辛苦嫁

回程個餐我地揀食魚, 好好食呀, 我老公仲攞多兩枝白酒番屋企, 超貪心

3日旅程完了, 再次打破去日本最短紀錄, 遲d唔知會唔會玩即日來回呢.... hahaha

Day 2 汐留日TV、五反田、上野、新宿

是日買左都營線Holiday Pass, 500YEN任坐都營線, 就已經去晒我想去既地方

第一站 : 汐留

今期Arashi有個新節目係日TV, 再加上Arashi成員leader有套新劇怪物小王子, 所以今次決定潮拜NTV, 之前聽d人講, NTV只係得間shop, 無得參觀, 今次去到見到做緊黃金週Promotion, 可以入去座building, 雖然都係無mud野睇, 但係有d攤位遊戲

呢個都算係汐留ge地標

 

裡面有勁大怪物小王子廣告

 

仲有d劇集剪報

 

我最鍾意個兩個廣告

 

入一入去間shop, 就敗左成萬yen, 白色個件係怪物小王子T-SHIRT, 藍色個件係武士高校T-shirt, 仲有怪物小王子folder同匙扣, 同埋魔女宅急便、龍貓毛巾

出黎就係麪包超人shop

 

番落地鐵站, 又有Arashi

 

第二站 : 五反田

買左pass, 唔怕搭多幾轉車, 番酒店放低d野, 就去五反田, 去五反田係因為諗住幫我個妹買d bb衫, 網上面話五反田有平bb衫買, 我地又見都營淺草線經呢個站, 於是就去下啦

我地間酒店一落去就係都營淺草線月台, 咁arm一落月台就有車, 我老公話呢架車arm嫁喇, 雖然有d質疑 但都上左車, 坐下坐下點解去左品川, 我明明見個都營地鐵線都無品川呢個站, 老公仲話我print個地鐵圖雞, 都show唔晒d站名, 越來越唔對路, 跟住架車係咁飛站, 去左京急蒲田 原來呢架車去羽田機場嫁, 拿拿林去對面月台坐番轉頭, 卒之都去到五反田

呢處地方都幾新鮮, 因為未黎過, 首先食左lunch先

食大阪燒同霜降牛lunch set, 約4000yen

食完飯去買bb衫個度, 去到先發現個座building原來係outlet, 有好多shop, 例如ABC Mart, Uniquo

最後買左呢d日本製bb用品

五反田沿路好多shop都大減價, 好似右手邊個本知床阿寒, 只係200yen, 雖然係2009年版, 我諗唔係東京, d野唔會成日變卦

第三站 :上野

跟住即刻又趕去上野買食物 淡麗啤酒係Arashi賣廣告嫁, 真係好好飲嫁

第四站：新宿

然後直驅新宿激安之殿堂買野

不過新宿真係好多人, 怕怕, 番濱松町食飯, 但係由於係日本黃金週, 好多餐廳都無開, 我老公仲講笑話係日本Good Friday (註: 如果有睇我Tasmania + Melbourne 之旅, 都知我地係澳洲遇上Good Friday, 所有舗頭都close), 所以唯有食拉麪

個晚我好趕時間, 因為要睇怪物小王子, Leader表情多多, 真攪笑

接住係Arashi最新節目

松本潤扮阿婆

不過最攪笑都係相葉, 個晚我爭d笑死左

Day 1(Part 2) 秩父神社, 仲見世商店街, 原宿

秩父神社呢邊無羊山公園咁熱鬧

就係呢度有免費bus

 

有韓文.... haha, 呢間廟最多人求學業

跟住我地由神社行番去車站, 由於一早已訂左3:25PM車, 又未夠鐘, 行陣街先

之前個蕎麥麪唔多夠, 食多個烏冬先

回程又狂瞓, 一醒已經係池袋lu, 跟住番酒店check-in, 我都想推介下呢間酒店, 2009年9月新築, 由JR濱松町行過黎唔洗10分鐘, 仲唔洗行樓梯, 另外激近都營線大門站, 我地黃金週住都係9600yen一晚, 張床都有5呎闊

有埋speaker, 擺部iphone落去可以播歌, d staff仲好helpful, 呢度尚算方便, 一落街已經有4大便利店, 唔憂無野食, 不過當然無百貨公司啦, 但係我自己最怕新宿, 好壓迫, 我自己住近地鐵就ok, 唔洗附近有野買

我地有個JR PASS, 當然唔可以浪費, 馬上又去原宿, 我真係好鍾意去原宿, 一來可以睇下有咩流行事物, 二來呢度好多明星相同concert 飛賣, 仲有比我發現呢間好正既 AU 館, 因為有arashi做代言人

成間館都有arashi poster, 仲有大銀幕不停播arashi廣告

仲有d staff會用佢地賣廣告款手機幫你影相, 個background同佢地個廣告一樣架, 仲即刻print埋幅相比你, 超讚