晴天霹靂....... 11月放假有隱憂

arm arm問左同事, 公司兩個大會會係11月12日同11月18日......... 撞正....  點解咁玩我  雖則話日期subject to change, 但係8月個董事會exactly同proposed 個日子一樣, 雖然我係dept只係small potato, 但呢d 日子放假真係唔係幾好意思, 咁點算好呢???  會唔會睇國立係最安全, 定係轉戰大阪或者名古屋, 好煩呀

國立抽籤結果已出, 網上已經有炒價, 當然都係天價, 我都唔奢望自己可以平價買到ARASHI CON飛, 不過見到有飛又有少少心動, 加上而家工作苦悶, 又未搵到人生ge意義, 真係好有衝動放個暑假去睇ARASHI.....

不過.... 千其唔可以衝動, 我唔想睇國立, 係有原因ge.... 首先, 場太大, 同佢地距離太遠(其實係我無錢買靚位), 第二, 露天有風險, 如果落大雨咪好大鑊 第三 DVD都係國立啦...... hahaha

但係我係一個講一套做一套ge人, 所以..... 好難講

加上得知11月放假有隱憂, 真係唔知點算.......

モテ嵐ダメ嵐特別編(無member跌落去, 真好!!)

7月15日又有モテ嵐ダメ嵐特別編, 雖然好多Arashi fans都覺得呢個環節好殘忍, 當然亦唔希望佢地會跌落超凍ge冰水, 正如Sho話事齋, 呢d唔係普通既凍, 係凍到會令人休克, 不過我呢個成熟ge fan都會睇, 唔知點解, 我好想今次跌落去既係Leader因為得佢一個未跌過落去, Leader 既 fans一定憎死我

後記:

未有字幕都已經睇左先, 我真係估唔到, 原以為特別嘉賓東山紀之係做評判, 點知同佢地玩埋一份, 佢地對"先輩"好尊敬, 段估點計都唔會係佢跌落去卦, 不過我都想講下, 東山紀之都應該四十多歲, 嘩, 真係keep得好好, 仲好型, 點知........ 最後....... 居然..... 係佢跌落冰水........ 不過佢好淡定..... 仲係冰水企左一陣先出黎, 仲無浸番落熱水, 我見arashi成隊見到先輩跌落去都好擔心, 即刻全部企晒起身

咁既賽果, Arashi飯應可以鬆一口氣lu

演唱會之旅(心情複雜)

Arashi Concert時間表已經出左好耐, 雖然仲未有抽籤結果, 加上我都唔係FC member, 連抽都無得抽, 不過我仲等緊d人放飛出黎, 以我估計, Arashi d 飛都唔會平得去邊, 因為呢個係我既宿命, 凡親我需要同我鍾意既野都係特別貴, 唔需要個陣就會平, 唔到你唔信

首先, 我4月去澳洲, 澳元升到7.2, 去完番黎就係咁跌, 最低見過6.3tim

另外, 我最鍾意去既日本, 我05, 06同07年每年去一次, yen只係兌0.06x, 08年去左2次, 平均兌0.07x, 後來越來越鍾意日本, 09年去左3次, 已經兌0.08x, 今年暫時只去左一次, 但係plan緊去睇Arashi Con, d yen最近已升到0.088  真係超黑仔呀.....

我記得我舊年話過想睇Smap演唱會, 因為好鍾意木村拓哉, 但係舊年無Smap演唱會, 今年有喇, 我已經唔係好想睇Smap, 佢地d con飛真係唔係好貴wor. 但係Arashi, 一定好貴, 因為我個心真係好想去睇, 越想睇就會越貴, 好驚呀...... 我估國立最平可能都要70000yen, 大阪60000yen.... 可能仲貴d, 唔敢諗呀, 不過錢都唔係問題, 最緊要買到飛

剛剛係Asiamiles度book 左11月札幌加東京

11/13 HKG/CTS 09:45/15:10

11/21 NRT/HKG 16:20/20:35

11/21 HND/HKG 16:25/20:40

11/21 NRT/HKG 18:20/22:35

以上booking全部都係Waitlist, 如果11/13先到, 11/14睇札幌個場會唔會好"忟"呢??? 會唔會收唔到張飛呢???? 不過暫時太多uncertainties, 又唔知會唔會放唔到假

係度諗緊11月國泰出凌晨機同羽田機, 會唔會有promotion呢 就算國泰唔出promotion, ANA同JAL無晒d靚時間flight, d機票會唔會又平番d呢??? 仲有Hong Kong Airline都加入東京線, 好多競爭呀, d機票平d啦 如果係咁, 我可能唔用mileage去redeem

5x10演唱會Attack it中間一度甩左, 係咪因為松本潤未換好衫????

由於最近狂煲5x10演唱會, 整個演唱會都好精彩, 由於我已經係一個好成熟, 完全接受偶像不是完美的, 我非常留意演唱會中出錯部份, 有出錯更好, 證明佢地肯定係唱現場, Attack it之前一首係松本潤solo "Wish", 其實幾乎成首Attack it係rap, 所以我覺得除左Sho之外, 其他members都唱得幾辛苦, 中段Leader唱完佢部份, 突然無人唱, 我見Sho有點尷尬, 然後接落去, 會唔會原本呢句係Sho唱, 但係佢甩左, 定係Jun未換好衫, 所以個句無人唱????

又到7月了, 下個月將會係第一場國立演唱會, 雖然距離我心目中想睇ge札幌同Tokyo Dome concert都仲有幾個月, 不過難保的會頂唔順去左睇國立

其實我都好想係自己個blog加多d Arashi d相, 不過唔知可以係邊度download, 同埋其他fans實在太好, 睇佢地d blog已經有好多好recent既相同

超鍾意Arashi

C, D, Gの嵐

最近愛上睇舊ge Arashi節目, 其實呢d本來係深夜節目, 但係真係好爆笑, 我尤其鍾意 “相葉棋” 同 “逆回転”, 我笑到死左咁制, 好懷念當時ge Arashi, 雖然個陣都唔識佢地, 但係個陣既節目同而家ge VS嵐, 秘密嵐都好唔同, 可能個陣未係好紅, 所以有好多外景, 同埋d環節好特別，而家睇番都笑死

除左綜藝節目, 最近都瘋狂地追NINO d舊劇, 好似"溫柔時刻" "敬啟, 父親大人" "Stand up", 覺得Nino真係好純情, 同埋做戲真係一流

仲有不停咁睇5x10演唱會, 好期待Arashi10-11 concert, 好希望好希望可以睇到