10-11 TOUR (札幌場仲有兩個幾月)

相信呢幾日好多香港人都為左菲律賓事件感覺很憤怒, 其實事發地點我都去過, 係多年前公司旅行既地點, 當時如果唔係免費, 真係諗都無諗過去馬尼拉, 好彩個次成班同事去, 都無mud野, 希望大家既心情會好快平復

至於我既北海道之旅, 我當然想去多幾日, 最好去埋東京, 可惜11月真係好多事, 除左極有可能會發生ge董事會, 仲有係好有可能會搬office, 唔好啦!!!! 就算真係個個星期搬, 我最多之前pack定d野, 我一定要放假呀, 我比左7千幾買左兩張飛, 點都唔會改嫁喇, 老細, 如果我放左假, 麻煩你等我番黎先unpack d 野啦, 仲有如果個鬼佬director黎香港, 麻煩另一位同事幫幫手 唔該, 呢個係我期待已久ge演唱會, 唔希望錯過

講開張演唱會飛, 其實係我同事係日本個哥哥幫我係 www.ticket.co.jp 買既, 由於我係差唔多一開始有飛放出黎就買, 所以都幾貴, 之後見到札幌場不斷跌價, 都有d dum心, 不過最近d價又上番, 唔知係咪好多香港飯都同我一樣, 諗住呢個場d飛比較平, 所以多左人買呢, 雖然我知一定無東京個場咁靚, 但係唔知細場會唔會同偶像接近d 呢  不過我都預左坐山頂嫁喇, 唔敢有咩期望

我同事個哥哥話可以幫我join FC, 但係唔知好唔好join呢?? 因為就算join左都未必抽到, 而且要麻煩人, 好似唔係幾好 呢d下年先算啦

好一點的轉機時間

距離北海道之旅仲有三個月, 之前我個friend同我講, 如果係asiamiles度waitlist, 3個月前會confirm(當然係指d唔係特別爆ge機), 我雖然已經confirm左 HKG-NRT-CTS (凌晨機), 但轉機時間要成5個鐘, 12:55先到札幌, 比直飛札幌只係早兩個鐘到, 但要犧牲前一晚無得瞓, 好慘wor.... 同樣係凌晨機, 我係網上睇d人話係大阪轉機d時間好d, 但我之前book要waitlist.... 我心諗, 唔係化...... 邊有人坐嫁  不過尋日(剛剛出發前3個月)終於confirm左, 而家轉機時間只係3個鐘(都唔係好好), 不過10:55到著, 咁比直航早4個鐘到, 都唔錯wor  又save一日假

可以去諗下係北海道有咩玩, 咁早租車去下其他地方都好wor

11月北海道演唱會之旅 (好煩呀)

卒之買左Arashi 10-11札幌dome飛, 我買個價係貴左, 不過為左偶像, 貴都係值得ge(自我催眠), 不過而家好煩, 因為我係用mileage換飛, 當然唔係你話坐邊班機就邊班機啦, 最慘個段時間我未必可以放到好耐假, 所以唔得flexible。

由於香港-札幌(直飛)都仲係waitlist, 所以我都confirm左去程香港-成田凌晨機, 再轉機去札幌, 不過中間轉機時間要成5個鐘, 都唔知點算, 去築地食壽司, 定過去羽田飛札幌呢???

我呢幾日為左呢件事好煩, 其實我知11月去札幌一定唔係旺季, 因為無野睇, 但係又唔可以大安主意一直wait落去嫁???

仲有, 唔知係咪因為arashi開con, 11月13日晚札幌d酒店好多都full, 我都book左Cross Hotel, 都要成12500yen一晚, 哎札幌d酒店都咁貴.....

睇完演唱會繼續留係北海道定落東京呢???? 北海道真係好少機會去, 但係11月又真係無野睇, 落東京又心思思想去睇埋東京dome場, 但又唔知放唔放到假wor, 真係超級煩呀