11月15日 札幌落東京, 見到嵐Jet

其實11月札幌好似無mud野睇, 所以我睇完concert就落東京,  雖然坐11:25機, 但係都成9點幾先離開酒店, 仲無無聊聊係札幌駅影相, 因為我成日以為札幌去新千歲空港好快, 點知......

個架所謂Rapid車成15分鐘先一班, 仲唔知係小樽定旭川開過黎, 無行李架都算, 架車仲勁多人, 雖然大部份都係fans, 去到機場都10:50

大鑊, JAL條隊大排長龍, 我班機11:25就起飛, 點算 跟住老公走去問地勤, 我地先可以插隊過security, 原來當時已經call緊呢班機d乘客, 我諗好多人都好似我地咁遲晒到, 入到去仲剩番少少時間買呢個ARASHI節目推介過ge蛋糕, 我見好多fans都買, 所以都唔執輸

去到羽田, 攞完行李一出閘就見到富士電視台shop, 大大張VS嵐poster

其實點解我坐呢班機??? 因為到東京時間係13:00, 剛好我知班嵐jet會係13:40降落, 無估計錯誤, 攞埋行李出去觀景臺就可以見到, 其實上去ge時候已經有好多fans一齊搭lift上去6/F, 一出到去, 果然架嵐jet已經係我地前面

架機就泊係觀景台隔離個停機坪

One world jet x 嵐jet

影完相就去酒店, 今次住Mitsui Garden Hotel, 上野JR駅徙步兩分

入到酒店房已見到我係樂天訂d貨, 又鞋又衫

然後出去原宿行左一陣, 同埋老公走去配眼鏡, 跟住番上野, 食KFC餐

我地叫左兩個Tomato

呢張poster一定要影啦, 舊年唔記得影, 殘念

11月14日&11月19日 Arashi Concert (給所有第一次睇 ARASHI CON的朋友)

本來真係想寫Repo, 不過......... 參觀過其他飯既Repo, 有D可以詳細到有圖啦, 有五子走位啦, 有晒RUNDOWN啦, 有每首歌細節啦.............. 係呀係呀....... 係講緊你地呀...... 你地D REPO令我好自卑, 因為小妹記性差, 見到五子太興奮, MUD都唔記得, 所以........ 小妹決定............ 唔寫喇............. 寫左都無人會睇

仲有, 你地影自己個位, 個個都鬼咁正, HEHEHE..... 不過你地可能無機會睇到我呢個山頂位, 雖然某飯都影過東蛋個原價山頂位出黎..... HEHEHE.... 唔知佢又會唔會路過我呢邊呢?????

雖然我無詳細REPO, 不過我都有好多第一次睇CON既經驗想同大家分享:

廁所的疑惑 

呢個問題一直都好困擾我, 因為我成日都要去廁所, 尤其是緊張既時候, 係香港睇CON我一般都會中場去一轉, 不過日本..... 仲要係ARASHI, 我點可以去....  我睇札幌DOME場事前知道附近有間百貨公司, 心諗我去百貨公司個廁所咪得LOR.... 點知........ 果然其他FANS都識咁做

我就排左半個鐘先去到個廁所, 其實札幌DOME出面有多個流動廁所, 絕對比香港個D乾淨, 不過就無得洗手LOR, 好彩我有帶濕紙巾, 總結.... 都係要排lor.... hahaha

入場的疑惑

有無人會查FC證?? 係無ge, 不過會檢查個袋有無相機等違禁品, 同埋d staff真係好有心機撕你張飛, 因為知你要keep ma... 唔會好似戲院咁lor

影相的疑惑

真係唔好影得咁揚, 我就係比人話過, 有陰影, 有同行朋友最好搵人掩護, 我係札幌DOME見有個FAN比個STAFF CHECK電話, 唔知係咪DELETE佢D相

黃牛的疑惑

場外都有好多疑似黃牛(男人好似山口組個d), 我本來有打算係東京買黃牛, 佢第一句就問我識唔識日文, 跟住又問我: Do you speak English? 我話yes, 佢地即刻想call個識英文黃牛黎, 不過我其實都有飛, 怕麻煩, 最後都無問價, 東京dome外唔算太多牛牛, 反而札幌較多, 夜晚仲係會場外賣相

買飛的疑惑

係香港多數搵agent買, 如果日本有朋友可以叫佢地係流通網買, 不過千祈唔好買盲飛lor, 有好位佢地都放左出去啦, 點會比你呢??? 最好出左位先買, 有錢唔會買唔到ge... 至於東京, 我知唔少ticket店有飛買, 例如娛樂道, Yokohama Ticket

娛樂道website:

http://www.gorakudoh.co.jp/cgi-bin/ticket/music/1006/

Yokohama Ticket website

http://www.yokohamaticket.co.jp/ticket/test_ticket-music.cgi

應該仲有好多途徑, 不過以一個無人無物係日本黎計, 用呢d方法買都ok

回音的疑惑

我第一次睇札幌坐山頂都覺得奇怪，電視上的映像同ｄ聲好似唔係好配合，唔知邊樣delay左, 但係睇東京dome前左但係聽到好多回音, 係咪咁樣係正常呢??

CON扇的疑惑

見到其他人都好少舉高con扇, 係咪佢地覺得會遮住人, 所以唔舉呢??? 仲有, 見前面個女仔明明有把Nino扇(自製個隻), 點解Nino係我地前面佢都唔舉呢??? 所以我發覺其實身邊唔係好多人舉扇

一個人睇演唱會的疑惑

其實一d都唔會悶, 因為排廁所都排左半個鐘, 跟住你會發覺身邊都唔少一個人ge fans, 同埋3個鐘實在太精彩, 唔洗人陪都ok

 

终於坐一階

剛剛睇完CON番黎, 今次知道個位先買飛, 經過上次札幌極後座位經驗, 我已經同自己講, 我下次入場要向下行, 唔可以再向上行, 比唔起錢買ARENA, 唯有買一階, 我呢個幾側一階位, 原來唔錯, 距離大台同中間個台都好近

開心點:

1. 我感覺到NINO見到我把扇, 佢黎左我呢邊幾次, 唱TO BE FREE升到最高時跟本就係係我前面, 好近, 好開心, 不過初頭佢由於要和音, 所以好專心, 無望過黎, 但係下一首就周圍揮手, 見到自己D扇狂V

2. LEADER真係好留意D扇, 見到佢週圍釣D FANS, 一見自己個名就指埋去, 好鍾意LEADER

3. 松潤今次ONE LOVE唱得好好, GOOD!!!!!!

不過我都有唔滿意, 就係最後個次ENCORE只唱左果空

今次我自己入場睇, 但係一D都唔悶, 只要近距離見到佢地已經好開心, 超幸福

東京dome見

真係真係忍唔住, 明知越遲d飛可能越平, 不過都係買左......

今年d飛都幾貴, 我都係嚮金劵店買, 雖然流通網看似平d, 但係又要搵人幫手買, 又見唔到張飛, 仲要加埋d手續費, 都未必係筍

唔想再為左張飛囉囉戀, 話左睇唔睇又好對唔住自己, 加上之後個兩日都唔係東京, 博唔過.........算啦, 人一世物一世

錢一定搵得番ge, 唔睇我會後悔d囉..... 不過我唔知堅定流, 我上網見涉谷店有張arena飛78000yen....嘩..... 我唔知係咪最平, 但係我so far未見過5位數字囉

見到Arashi, 真係好開心.......

今日卒之睇左arashi con, 真係好正, 雖然我個位好後, 但係好正中, 所以都ok

講下今日個場印象最深刻地方:

1. 松潤唱One Love獨唱時, 走左音, 不過我個行d人聽到係咁笑 個人靚仔, 走音都走得特別型

2. Aiba唱Magical Song全程企係我地個邊, 我地係咁尖叫, 有d鍾意佢tim

3. 我覺得leader好少係中間後部出現

Anyway........... 我已經好滿足喇

Day 1 札幌報導

今次第一次坐凌晨機去關西空港再轉機去札幌, 其實都唔錯, 因為由香港去大阪只係3個鐘飛機, 跟住去札幌個程大慨1.5hr, 轉機等3個鐘, 同樣坐凌晨機, 如果係成田轉就要等5個鐘

關西空港已經充滿聖誕氣紛了

我就係呢度瞓左半個鐘, 跟住去左lounge坐, 洗面同埋化妝

真係好多年無坐過JAL

我絕對相信機上有一半人係fans lor....

由新千歲空港出札幌架車好full, 前面個兩個肯定係fans, 睇下佢地把con扇

d位雖然好闊, 但又唔夠放大行李, 攪到我一個人要擺兩個位, 前面個兩個fans仲要教後張椅, 攪到鬼咁迫

無論係飛機上同去到札幌市, 都好多人咩住呢個shopping bag囉

所以一定唔會唔識路去札幌dome,  記得係坐地鐵東豐綫去福住再行十分鐘就係

無幾耐見到dome

是日諗住去買con goods.... 唔去由自可..... 一去........

大排左3個鐘, 攰死喇, 如果d人仲要今晚睇埋con咪會攰死

我都估唔到我可以一個人排咁耐, 因為我真係無諗過, 條龍一直都有郁嫁

d posters好吸引, 不過我無儲poster

其實我真係唔係好儲呢d野, 諗左好耐, 我諗我老公一定想買松潤, 我呢.... 呢期鍾意NINO

原來真係買得好少野

番到酒店都要隊番罐淡麗......... 爽呀

 

超級無敵靚view山頂位

最後知道座位, 睇到個行數, 當然係山頂位啦, 不過比我發現, 原來未係最後個行, 好過無啦, 其實如果忍到好遲先買, 我估同樣價錢應該買到更好座位囉, 不過算啦, 呢次係我人生中第一次去日本睇con, 比人搵笨都係好正常

至於Tokyo Dome, 我而家心態係買到飛就睇, 唔會太刻意撲飛, 亦唔想用太不合理價錢買, let's see

而家心情好緊張, 不過我呢排成日都講, 係公司真係好忙, 完全無時間做私人野, 所以去玩d地方都無mud plan, 唯有到時去tourist centre 搵

仲有, 個架嵐jet.......... god...... 開con個兩日都唔飛札幌

 

大鑊, 仲未收到飛, 淨番6日咋 (update)

之前真係無諗過會發生係自己身上,  事緣我張CON飛係人地係流通網幫我買既盲飛, 我諗我個位最多係後JE, 唔會無飛架?? 點知, 尋日已經係賣家寄飛比我既DEADLINE, 點知我個FRIEND同我講都仲未收到, 今次真係捉蟲, 我初頭估梗係個賣家抽到靚位, 所以將我個位再SELL出去, 然後再買個張唔靚位比我, 而家都仲未有飛..... 唉

可以點做呀 我都諗緊解決方法, 首先, 無理由個賣家無COMMITMENT架??? 如果我一直收唔到飛, 可唔可以要佢賠嫁,?? 就算佢唔賠, 我都可以攞番全數嫁???? 如果係, 我唔會再係網上買LU, 或者去到先買, 有陰影, 好驚無飛, 去到起碼見到張飛先買, 再唔係, CONTINGENCY PLAN, 去睇東京場, 好慘呀, 有無其他人有呢方面經驗呀???

Update :

真係好多謝各嵐飯ge關心同協助, 更提供唔同解決方法比我, 真係一千萬個多謝 令各位擔心真係唔好意思 arm arm收到消息, 我個friend已經收到email話d飛已經係尋日寄出, 佢應該今日會收到飛, 不過我都未可以安心, 因為我個friend都真係未見到張飛同埋我自己更加未收到張飛, 所以我都仲係處於擔心ge狀態

希望各睇con ge嵐飯睇得開心, 唔睇con ge都一樣咁開心

真係好感動呀