2011年12月28日星期三

終於比人劣評左

話說我係樂天有個拍賣戶口, 其實只係買過幾次野, 而家都好少用, 今朝發神經走去bid飛, 點知就出事, 因為我無睇清楚d terms, 表面係1yen, 實際係20萬yen, 個條友擺明玩野, 仲要佢個account仲新過我, 頂..... 最後可以cancel, 但條友即劣評我, 哎..... 算啦..... 買飛呢家野, 一係搵流通, 一係搵黃牛啦, 呢d日拍隨時放飛機, 到時喊都無謂

其實呢排都好黑仔, 話說asiamiles 有個ishop話有10x mileage, 咁我咪上去買野lor, 係JJ買左兩個福袋, 加埋都兩萬yen, 佢要係asiamiles login左再入去JJ個網shop野先有mileage送, 但係佢一直都無我transaction details, 我以為會唔會個福袋未送貨所以無, 點知尋日一check先知已經過左追索日, 真搵笨, 以後都唔好貪呢d小便宜, 雖然mileage呢家野, 有就有, 無就算, 但條氣都好唔順

時間真係過得快, 我既假期好快又得番幾日, 無無聊聊, 渾渾噩噩, 就虛度左lu, 成世人都浪費左好多時間, 但又可以點呢???

2011年12月26日星期一

究竟幾時買飛好???

14天假期的第8天...... 真失敗.... 都無出過門, 最遠都係尋日去左深圳歡樂遊....

我眼中只有明年1月中既福岡行, 今次D票價比舊年還好, 不算天價, 無計啦, 連續3星期的演唱會, 抽唔到飛既FANS都未必買晒3個場既飛, 不過..... 應該係幾時買好呢??? 個天成日都玩我嫁啦, 未買飛時D價會不斷上升, 到我買左後就不斷跌價, 唔止係演唱會飛, 我平時D投資都係呢, 所以話食幾多著幾多係整定

2011年12月16日星期五

嵐JET飛左番屋企

係樂天網BID既嵐JET, 雖然唔平, 但絕對覺得好值得, 因為自製絕對係無可能呢...... 點可以自己係JUN JUN同SHO身上畫機門嫁???? HAHAHA

唔知點解對唔到焦, 其實佢地5個樣都好清

另一個角度

下星期開始會放連續十四日假期, 當然包埋聖誕啦, 第一次放長假無去旅行, 其實當然係被迫放啦, 因為公司要每個STAFF每年都要放一次連續七個工作天既假期, 之前無放到, 所以要焗放, 放假期間唔可以CHECK公司EMAIL同番公司, 初初諗住偷雞番黎公司兩日改去一月先放, 當然想一月去睇CON啦, 不過一同部長講, 佢好似唔係好LIKE, 估唔到我要求部長比我放假番工, 仲要令佢覺得好為難 (worried)

2011年11月27日星期日

自製嵐JET???

日拍OFFICIAL嵐JET, 入場費接近40000YEN, 仲係度諗, 其實有個D貼紙已經可以自製啦..... 果然日拍有貼紙賣.... 勁呀......

2011年11月19日星期六

ANA 787 Dreamliner

前排ANA有個抽獎, 頭獎係日本機票, 另外一個獎就係呢架模型.... 可惜呢架唔係嵐JET...

不過我都好開心, 因為我都恨買ANA飛機恨左好耐, 但次次坐ANA都無買到, 而家居然係免費, 真開心 (thumbs up)

架模型手功好精細, 同我平時買開個D差好遠

作品完成

Day 4 生日坐飛機有得UPGRADE???

初初訂票既時候唔知自己請唔請到咁多假, 同埋好想試下生日坐飛機有無JETSO, 所以回港日揀左自己生日。

去到CHECK-IN既時候, 都係一般CHECK-IN, 唔見得國泰為我安排任何野, 不過我呢D好厚面皮既師奶就問地勤唔知我生日可唔可以比我UPGRADE上BIZ CLASS..... 初初個地勤有少少面黑, 不過都幫我問佢D SENIOR, 跟住成班GROUND STAFF係度開會又噤電腦, 好似真係幫我搵個位, 結果同我講..... (it wasn't me)

唔可以呀.... 咁算啦.... 我都同個地勤講IT'S OK...

都無MUD期望....

點知一上飛機, 個空姐見到我張BOARDING PASS... 就同我講Ms XXX, Happy Birthday!! 跟住話有事搵我.... 然後搵個空中少爺同我傾.... 咩事呢??? 原來CX可以安排UPGRADE比我.... 但只限本人 (worried)

我又真係做唔出唔理老公自己坐上BIZ CLASS... 所以我放棄了

都未完.... 起飛之後無幾耐, 空姐送上香檳, 同埋一個信封... 我初初以送COUPON比我, 點知係全機機組人員簽名既生日卡... 仲有CAPTAIN簽名... 同埋有盒朱古力... 好開心....

其實自從上次地震國泰好快安排到機位比我番香港, 我已經同自己講要盡量要坐國泰, 因為有咩事起上黎都多D機麻.... 又無咁易DELAY... 佢今次對我咁好... 我真係超感動 (blushing)

所以又同自己講下次去日本都係要坐CX... 下年去福岡睇CON, 當然都係坐CX啦.... 停台北都要坐CX呀.... HAHAHA

2011年11月5日星期六

Day 4 (Part 2) Landmark Plaza 朝聖

我去個陣都未播果集秘密嵐, 個預告又短wor, 只係網上d人話係landmark tower, 就揸架車入橫濱, 原來係有兩座tower嫁, 見到呢件衫.... 仲唔係

我唔知nino套衫係H&M, 所以無入到去, 殘念......

逗留兩個鐘, 老公請左我食蟹宴...... 跟住去機場.... 沿路經過富士電視台.... 我地發覺日本好多大型商業大廈都係正d highway出口, 好似landmark tower, 同富士電視台

短短既旅程接近終結, 好唔捨得, 準備上飛機......... 但有驚喜..... 下回分解

Day 4 (Part 1) 河口湖+山中湖 again

早餐不再是fusion了....

酒店門口既大斜路, 揸車無咁上下技術都唔好亂黎

最高個間就係我地間旅館

有cable car, 但無坐

再番山中湖影相

終於要離開富士山

呢日係完左3連休既第一個工作天, 好多車由東京開去郊區, 好恐怖呀, 好彩我地無塞車, 要趕去橫濱朝聖

2011年11月4日星期五

Day 3 (Part 2) 河口湖

食完烏東, 直驅河口湖, 因為完全無準備, 即係又無書, 又無check有咩玩, 淨係見到人地d blog有講過有個音樂館, 好彩最後都比我地搵到, 原來生日去係唔洗比入場費, 可惜我係第二日先生日, 所以用唔到個優惠

好似童話國呢....

當然有arashi歌既音樂盒, 不過唔會好似小樽咁有arashi corner

跟住就番酒店, 都超攰lu, 其實是晚都係今次旅程既重點, 好耐無住溫泉旅館, 今次點都要住一晚, 兼慶生(其實係生日前夕)

由於一早已訂左機票, 所以有成兩個月時間搵酒店, 睇黎睇去都最鍾意呢間

時悠々　楽游

我貪佢有紀念日plan, 有cake又有花..... kekeke.... 雖然係溫泉旅館, 但lobby一d都唔leung, 仲好warm, check-in時可以坐係度等職員招呼

仲有咖啡, 茶同cookies全日供應

終於上到房, 好靚既湖境...... 其實河口湖大部份酒店都望到湖, 仲有好多望到富士山, 但我呢間係無富士山景

比多2000yen浸貸切風呂, 好c服

晚餐當然豐富啦, fusion菜, 唔同一般溫泉酒店

雖然我訂左紀念日package, 酒店之前都有email問我幾時送cake, 我揀左食飯後, 但係等黎等去都唔見有cake...... 於是我去廁所, 點知一黎就見到..... kekeke

arashi色, 老公迫我點埋紫色....

第一次係酒店收花呢....... kekeke

晚上以為無arashi既節目啦.... 點知又見到sho kun

都係千秋樂

之前講左好多次要睇之前未睇過既場.............. 結果....... 睇國立變左睇札幌, 本來一月諗住一係大阪, 一係名古屋, 但係一諗到高昂既入場劵, 有D驚, 然後再諗到未去過呢D場, 又唔知D黃牛會係邊, 有D驚WOR...... 所以最後....... 都係揀番去福岡, 堅嫁喇, 機票酒店都訂晒, 無走雞, 上次錯過港龍特價, 今次買左CX機票, 要停台北.... 無計啦, 成個福岡個兩日D酒店都FULL晒, 好彩經香港旅行社訂都訂到, 唔係都唔知點算

今次D SHOP相超讚............. 但我連隻碟都未買..... HAHAHA