Day 1 東京汐博

由於抽唔到國立飛, 又見到盲飛賣到咁貴, 所以兩星期前先決定改睇札幌站, 好彩用asiamiles換到飛, 仲可以飛羽田空港, 我的最愛

第一次坐飛龍客機, 不過我係想坐嵐jet

1點半就到, 比原定時間早25分鐘, 一到羽田機場, 就有佢地歡迎, 超興奮

濱松町好大的看板

去酒店check-in完, 即行去汐留日TV, 一入去就見到怪物君滑梯, 只要身高超過110cm就可以玩, 排隊唔係好多人, 但去好耐先sir一個, 所以要等60分鐘, 我唔等lu

即刻去嵐にしやがれ

排左個幾鐘先入到去

未入去之前, 個staff同我講左好多野(好彩佢識講幾句英文), 主要係話入到去自己可以任影, 但係如果要staff幫我地影, 只可以影一張, 同埋限時

呢part係新嫁

係呢度出面有怪物君咖哩飯, 必食啦

食完飯出黎就係怪物展

呢度排十幾分鐘啦, 唔算好耐

札幌7/30日票累創新低

正常黎計, 星期六場飛係會貴過星期日, 尤其是札幌呢D咁既地方, 不過, 今年有D反常, 係30號平過31號,  我估係7月係北海道旅遊旺季, 本地人飛去D機票都勁貴, 加上7月30日D酒店幾乎全FULL, 當然去到LAST MIN都可能有人放房出黎, 但你都未必會咁博卦, 北海道WOR, 而家CON飛二萬幾YEN有交易, 見到好多`正飛都想買, 可惜, 我無流通網A/C, 要搵日本朋友攪, 但係搵得佢黎, 入到去黎, 都比人買左啦, 所以有得睇, 無得買

仲有一個原因, 就係公司個度, 都仲係有D麻煩, 新老細同我講下星期三有班客黎, 要我幫手BOOK野, 大鑊, 呢個世界唔係BOOK完就算, 佢地成日改嘛, 改到個日都會改, 我偏偏係星期三出發, 雖然有諗過星期四先出發, 但係我已經同自己講, 我唔可以為公司D野影響自己既事, 最多搵同事幫手JE, 我特登為佢改左假, 唔代表佢會欣賞我, 到時佢都係不滿我咁我咪好唔抵???? 反正我係公司做左咁多年, 正所謂老XX, 有咩未見過先..... HAHAHA.... 講到自己好勁

講黎講去, 都係未買飛, 唉..... 唔通我愛上左黃牛??? 都係要幫襯佢地???? 不過大阪初日都未開, 分分鐘完左個場會好多人搶札幌飛, 我要快D買飛先.... 

都仲煩惱緊

又要講, 所有野都齊備, 通知埋新老闆我下星期放3日假, 咁仲有咩煩呢???? 就係我未搵人做我DEPUTY...... 我承認我係公司無MUD朋友.....  不過個個同事都咁忙, 又真係幾難搵人幫我手WOR....

搵A定搵B.... 煩惱中....

聽日先算

有D野又想呻下, 我都唔明, 點解我部門D人成日旨意我攪FUNCTION同買FAREWELL禮物。話說幾年前我部門仲係好少人時, 我地每次有人辭職都出去食飯同買禮物, 但而家我地部門成幾十人, TURNOVER又咁高, 唔洗再成日食飯呀???? 公司無名文規定WOR, 仲有, 我每次攪食飯D人都意見多多, 去過又話去過, 食自助餐又話悶, 好多說話聽, 所以我唔鍾意攪呢D野, 講真, 已經係公司比錢, 又唔係要佢地夾, 都咁鬼死多野講, 真係嬲爆

呢排有幾個同事走, D人好似想我攪食飯同買禮物.............. NO WAY LA

我真係忙爆, 唔好阻住我放假, 收錢又難, 仲要而家我部門有個八婆次次都爭住買禮物, 即係我連賺信用卡積分都唔得.....

唔攪唔攪唔攪

 

呢張飛好似幾抵

雖然我暫時未100%可以確認我北海道之旅, 但係流通網見既價錢好似有少少上升趨勢, 係日拍見到呢個即決價, 有少少心動, 3張飛90000YEN, 即係30000YEN一張, 但係我只係需要兩張飛, 咁淨左個張點算呢??

唔知3連番D位會唔會差D呢?? 呢個盲飛價真係好吸引呀.......... 但係如果收到飛之後先後悔咪仲煩.... 唔通又坐山頂咩..... 雖然好少數例子有盲飛靚位, 不過自問無咁好彩, 除左上次睇嵐學坐1階3列, CONCERT唔會有咁SO嫁喇............ 

仲係心大心細

札幌機票: 有, 東橫inn booking:有

只係無去札幌既決心

點解呢??? 其實札幌都唔錯ya..... 我仲有免費機票, 又可以去埋東京台場同日TV, 點解我都仲咁猶豫??? 好煩呀....

正常的賽果

尋晚收到友人電話通知國立場結果已出, 其實都知唔會中, 後來收到email, 不過心情都有點差, 因為流通網d飛已經炒到好貴。

見到咁貴, 即刻想改睇札幌, 打去asiamiles換飛, 居然有位仲係confirmed, 酒店我一早book左, 所以無問題, 去定唔去好?? 攪到好煩 我知好多飯都睇札幌, 但係我一早話左睇國立嘛........ 點算好呢???

今朝某J同我講, 既然你已經決定睇國立, 就唔好轉啦, 就算睇完札幌我都會心思思去睇國立, 咁咪仲洗得多錢............ 嘩.......... 簡直如夢初醒, 佢而家真係好decisive, 果然係管理層, 我呢d做開"靚"成日都猶豫不決, 係wor....... 定左就唔好改啦....

不過我今朝都收到一個壞消息, 就係我公司個董事會延遲到8月尾, 好幣呀, 一個唔好彩再推遲兩日我又好麻煩, 不過唔理lu, 唔係請兩日假都唔得呀???

原宿AU

又係嵐飯朝聖地, 雖然3月黎過, 但今次又換晒d相

有3D示範, 睇下呢個3D Jun Jun....

仲可以試機

有佢地d廣告, 正!

個度有部機影相, 但係黑媽媽都唔知影左mud

去完原宿就去左新宿, 跟住番酒店執行李又要去機場, 兩日半係有d趕, 番到黎狂瞓都唔夠, 好似由天堂落番地獄, 公司又勁多野做 

而家唯有期待con之旅, 但係都係好矛盾, 因為大阪同札幌都出左結果, 雖然我唔係抽札幌, 但我諗我都唔會中獎嫁喇, 見到d札幌盲飛都係40000yen一張, 都唔算太貴, 好唔好睇札幌呢??  但係我今次又好想睇國立, 不過國立d飛又勁貴, 我諗我只可以一個人去睇, 無可能買兩張飛........ 哎..... 好煩呀..........