Day 3 (Part 1) 為左ARASHI而去既山梨縣

自從yahoo blog upgrade左之後, 劣評如潮, 我都睇唔番以前blog友d blog, 亦唔知有無人有興趣睇我個blog, 不過我個blog收視率一向都一般, 因為要睇arashi消息既人, 係我呢度一定無lor 不過我都好樂意share我去日本既開心事, 寫blog都係為左自娛, 加插自己一d無聊工作鎖事, 廢話少講, 先送上今程既收穫......



出發...... 架車同我地香港架車都好似啊...... 都係藍色

雖然自己都去左好多次日本, 但係每次都要想去D特別既地方去, 記得7月21日秘密嵐相潤XPERFUME介紹既山梨縣, 好爆笑, 所以決定要去一去

由御殿場去河口湖, 先要經過山中湖

之前上網見到山中湖有個公園又有花, 又見到富士山, 不過我唔記得抄低個電話, 好彩都行行下都見到, 不過泊車又要成300yen, 入場又500yen, 都幾貴, 比老公偷影左我買飛tim

巨蜂提子雪糕好好味

行左1個鐘度就出左黎, 點知隔離唔洗比入場費既地方d花仲靚




終於都見到富士山, 似唔似火山爆發???? 好彩唔係, 我黎之前都好驚嫁,

跟住去河口湖途中遇上.......

好明顯係秘密嵐介紹過, 體驗富士山頂溫度既地方....

一入去已經有職員叫我地試..... aiya...... 我應該揀中碼啦.... 好有可能jun jun著過

跟住繼續朝聖, 就係佢地食烏冬個度, 果然好出名, 要排隊, 同埋只係開到兩點架咋

呢度係咪佢地跳舞果度???



待續....

Day 2(Part 2) 御殿場

係新宿逗留左兩個鐘, 跟住就去御殿場, 途中要經過東名高速, d休息站真係好先進, 有晒顯示邊d廁格有人...... hahaha



未到御殿場已經通知出口涉滯4km, 我地不以為意, 見到一條好長車龍, 但係我地梗係唔會係條車龍度排隊架..... 因為gps都無叫我地出去, 但係............. 到我地見到要去出口既時候, 原來d車一早就排隊行出口, 但係我地唔知, 唯有涉出去, 好彩d車又讓我地出喎

由於係假期, 呢度同東京都差好遠呢, 非常多車, 全部都塞去outlet, 五個停車場都full晒

好彩我地唔係去outlet, 我地係去賽車場 Fuji Speedway, 我老公恨去左好耐呢, 因為睇得木村套"engine"多

真係有車係度賽嫁..............

果日好熱鬧, 仲有好多野食tim

臨走前再係個門口留影



果晚老公唔知點解突然間腰骨痛, 真係好擔心, 因為全程揸車都係旨意佢, 所以當晚只係求其去酒店附近一間外賣壽司店諗住買外賣

點知老闆好好人, 同我地講可以即整比我地, 個度仲有一張枱, 我地梗係堂食啦, 又有茶同麪豉湯送..... 我覺得d壽司個樣好假.......... 但係真係好好味, 又新鮮, 仲要好平呀......... 只係2600yen咋, 超讚

就係呢間壽司舖, 真係好多人幫襯

個晚我地住super hotel, 老公條腰痛得好緊要, 所以去左浸溫泉, 我就無去浸lu, 因為好多人, 所以都係房裡面沖涼就算

當然成晚最重要係睇jun jun主持既節目

個晚真係好攰, 好快就瞓著lu

Day 1 & 2 東京市內駕駛

由於受唔住國泰$1890日本promotion的吸引力, 所以買左飛去東京, 順道慶生, 生日真係想係一個自己喜歡既地方渡過, 原來我既選擇都無錯, 原來香港日日都落雨, 第一日又係坐下晝機, 之前用iphone download左ibutterfly, 買機場快綫飛有半價呢

因為決定左租車, 反正第一晚都無節目, 所以住係成田日航酒店, 只係7000yen一晚, 不過間酒店真係好舊, 下次都唔想再住lu

Day 2一朝早番去機場nissan rent-a-car 取車, 係一架新款march

我地都係一貫用錢買時間, 全程highway入東京, 由千葉縣行下行下就到東京都, 唔知點解對面綫入成田機場條路勁塞

其實第一次揸車入市區都好驚呀..... d人成日都話千祈唔好係東京揸車, 因為係勁塞, 不過我入一入原宿同新宿je, 希望無事..... 唔記得講, 個幾日係日本三連休

第一次揸車入彩虹橋, 勁興奮

好快進入汐留, 六本木, 行下行下就去到涉谷, 然後進入表參道, 一見到標位, 即泊, 對面就係表參道hills, 300yen一小時, 差唔多啦

講黎講去, 點解要去原宿??? 都係為左呢張poster呀...... hahaha

果然好大幅

附近仲有淡麗看板

去左au館, 可惜..... 連個館出面d相都無晒............ 
再驅車去新宿, 非常暢通, 一早上網已經check到呢個新宿東口駐車場有泊車優惠, 只要係lumene購物滿3000yen就有兩小時免費泊車, 如果要比錢既話, 係300yen30分鐘, 勁貴

今次既目的係新宿地下通道既hitachi大poster........... 可惜我搵唔到, 我懷疑已經換左, 睇下以下個幅圖, 係咪原本係hitachi廣告呀???

雖然見唔到hitachi廣告, 不過都有重大發現, 就係勁多hot pepper catalog..... 之前係放到亂七八糟, 我地執左先係咁嫁咋

Day 2 下半部..... 待續

 

就出發, 好緊張

不經不覺, 2011年又過左一大半,  我既人生都過左一大半, 好似好傷感 下星期又要去我最愛既地方, 原本諗住要BY PASS東京, 因為今年都去左幾次, 但係..... 點解, 無端端, AU又有新CM, 仲有原宿限定HOT PEPPER超大JUN JUN POSTER...... 結果要揸車入東京LU

好想攞本JAL時刻表






呢本TSUTAYA CLUB MAGAZINE係咪免費嫁????