Day 2 福岡初日

前一晚只係機場去酒店, 第二日朝早出去博多駅行, 好多JUN JUN啊

早上去YAHOO DOME的地鐵上已經好多嵐飯

買CON GOODS既隊

點都要影下YAHOO DOME

因為佢地開CON, 打機都有折呢

當時都未同AU断絕關係, 令人懷念啊, RIP

地鐵站的LUCKY SEVEN POSTER

唔知點解去左天神, 但搵唔到呢隻LED燈DM

最後終於入場了, ARENA B3, 好側下, 但又唔夠側......  前面全部都好高, 大鑊

側面的花道..... 次次係DOME偷影我都會手震>.<

前面個兩個人同右手邊個兩個都係6點先出現, 我隔離果兩位FANS都係單拖黎, 因為賣飛比我個SELLER其實有三連番, 我買完張飛之後佢即刻問我係咪一人參戰, 跟住就見佢放其餘兩張飛.... 仲平左好多TIM(哭) 無計啦, 無可能買到最平麻

正如我成日都講, 我記性真係好麻麻..... 好DETAIL既REPO真係有點困難呢

歌聲響起, 五子出場..... OMG..... 我見到只有頭, 頭同埋頭, 因為我實在太嬌小了-----> 即係矮 旁邊係一個極度HYPER既SHO飯..... 佢真係好過份啊, 揸住兩把扇(左一把右一把), 完全將我視線遮擋了, 其實賣家賣飛比我個陣要我注意MANNER, 但係點解佢會賣飛比一個極無MANNER既人, 呢個人好鍾意得閒無聊係度尖叫, 係SCREAM個隻, 仲係我耳邊, 我明白, fans見到偶像一定好興奮, 亦唔怪得佢, 但係我睇咁多次con d fans都有個譜, 例如mc時大家唔會亂叫騷擾佢地既說話, 扇亦唔會高舉阻擋其他fans視線, 如果我地咁做分分鐘比人拍頭啊, 但係我又唔識同佢講, 好慘呀.... 好彩sho只係黎左幾次

講番個con, 唔知點解我覺得nino把聲好沙啊, 佢solo既時候我真係好擔心呢, 好彩無走音

不幸中之大幸係hyper fans係我右手邊, 左手邊先係花道, 不過我覺得真係好攪笑, 就係jun jun同nino每次過黎花道都被無視, 即係明明jun jun同nino係我左手面十米範圍, 都好近啊, 但係可以只有我一個面向左面, 其他人繼續望右面, jun jun真係黎左好多次, 我都有潤扇啊, 當然狂揮.... 呢個時候... 我feel到jun jun指住我.... 個樣好似話"見到你啦" 真係呢個樣.... 因為佢係呢邊被無視

至於nino..... 嗚嗚.... 好似見唔到呀..... 佢今次無之前咁多指fans.... 唔知係咪無劇上, 所以有點兒冷漠, 不過我依然好鍾意, 因為佢真係好可愛, 好靚仔.... hehehe

終於到跌彩帶時間, 好恐怖呀..... 我接到第一條, 都唔記得係咩色, 不過一定唔係黃色, 見到第二條跌緊落黎, 但我右手面個人將我原本揸住個條都搶左, 好驚呀, 所以只有一條紅色..... 幾乎每一次都係接到紅色.... 有d唔開心, 其實有諗過同隔離個sho飯交換, 但係見到佢既收穫, 我都嚇左一跳, 佢同我一樣都係執得一條咋.... 哈哈, 仲係藍色.... 笑死喇

不過事後諗番, 執到紅色係咪預告左第二日既慶生呢???

完場後, 唔理咁多, arena被困, 但我跟其他飯走先, 有d唔明, 我地要上番stand先出到去, d staff居然要check我張飛, 我都走lu, 仲問我睇張飛做mud??? 唔理, 快閃, 又做左早批出去, 老公呢個時候都到左福岡, 原來佢係台灣降落時遇上壞天氣, 架飛機急爬升, 佢嚇親, 仲話以後都唔黎福岡, 所以我都好希望arashi下次開con唔好再揀福岡尾場啦, 我想去下其他dome呢

Webjet 訂機票好抵^_^

 

龍年第一次寫BLOG, 祝大家龍馬精神, 生龍活虎, 嵐飯們抽飛成功!!! YEAH!!! 其實我呢排唔係幾精神, 今日要放病假, 事緣過年前最後一個工作天已經喉嚨痛, 所以睇左醫生, 仲比左5日藥, 由於天氣異常地凍, 感冒最後都演變為嚴重既咳, 真係咳到肺都甩 希望大家唔會好似我咁

講番今日個話題.... HEHE.... 話說我呢D好鍾意去旅行既人, 今年復活節一定走唔甩啦, 放3日有成10日假, 初初都想去歐洲, 但老公話要去日本, 輻射就輻射啦.... GOGOGO!!! 其實我相信遲D都可能會有PROMOTION, 但係復活節+櫻花好難會好平WOR, 所以都係買左先。之前叫AGENT幫我訂左個位, 我都猶豫左好耐幫唔幫趁佢, 因為同我係國泰網上訂個價錢無分別, 仲要我係國泰網用AE CX CARD有雙倍哩數, 呢排為左呢張機票都好煩, 大拿拿9千蚊買機票(兩張東京入名古屋走連稅), 究竟邊張信用卡有so呢??? 我都有唔少信用卡, 但係無一張呢排有優惠, 前排CCB信用卡做緊碌$20000賺到10000哩, 但無申請到, 真係好沮喪

唔知大家有無聽過webjet呢間野, 早前收到呢間野既PROMOTION, 話1月4日至31日用AE CARD係WEBJET個APP買機票(只限真正既AE, 其他聯營CARD係無用既), 頭一百名可以獲得50000積分

 http://webjet.com.hk/travel-toolbox-tc/iphone-app/

之前有試過用佢個APP, 但攪唔惦, 價錢貴兼唔可以MULTI STOP, 最後放棄, 今日心血來潮再係WEBJET CHECK價, 嘩..... 兩張機票加埋平過國泰網300蚊, 仲有機鐵飛送(只限用AE簽帳)..... 但係..... 如果用APP買.... 我可能有機會多50000積分WOR(都換到3000 ASIAMILES).... 但心諗得100個名額, 段估都用晒啦.... 係個WEB玩下玩下既時候, 發現可以CALL CUSTOMER SERVICE, 咁打去問下仲有無名額.... 吓??? 仲有???? 但我同佢講唔識用APP整MULTI-STOP WOR, 職員然後叫我係APP求其訂左張日本機票先, 跟住CALL佢改就OK喇.... 好惦呀..... 好快攪惦張飛, 其實我已經好開心, 因為原本係毫無著數, 但而家可以平$300+賺積分同機場快線車票

跟住再CHECK EMAIL, 不得了.....








  因此 Webjet HK 特別為情人製造浪漫驚喜，送上甜蜜回憶。由即日起至2月14日期間於 Webjet HK 訂購 2 張來回機票，即可獲贈 Jean-Paul Hévin 情人節特別推介 - Boîte 5 macarons 一盒 ，驚喜更會由專人送到愛侶之辦公室，既浪漫又溫馨。請立即訂購機票，與愛侶共度佳節。

今日不是1月27日嗎?????? 咁我係咪ENTITLE TO呢個優惠呢????? 實在太高興了!!!

Day 1 香港往福岡 (戰利品觀賞)

 

 

是日上午仲要上班, 一早係香港站check-in, 下晝直驅機場, 好多人呀, 我發覺逢星期五下午去機場都特別多人。出發個日係黑色星期五, 超黑。首先係security居然嚮, 係我對boot個扣, 唉.... 算啦, 跟住上飛機條通路勁塞, 我係坐路口位, 未起飛前掛住同老公what's app.... 無端端, 眼前一黑, 一個21吋喼跌落我個頭上, 好痛, 滿天星

我第一次坐呢種停台北既機, 都諗緊我需唔需要落機既呢??? 真係去到降落前先通知, 原來繼續去福岡既乘客係可以選擇留係飛機or落機, 如果落機既話就要帶晒所有行李, 否則留係機上既行李係會被清理, 至於選擇留係機上既乘客, 首先一定要留係自己座位, 空中服務員會向佢地確認hand carry行李, 確認後就唔可以落機, 同埋唔可以用洗手間, 咁我當然選擇出去行啦。一落機既出口會有一條隊去台北, 一條隊去福岡, 去福岡乘客要攞一個轉機牌

然後過security, 又要check過d行李, 又beep... 因為我對boot  行左一陣又係時候上機lu, 今次有飯食但我都係喜歡三文治, 雖然班機早左到著福岡, 但係同時有另一班華航, 所以custom大排長龍, 我見到條隊有兩個嵐飯呢....

出到去當然搭的士去酒店啦, 福岡機場超近市中心, 千零yen就到, 強烈建議坐的士, 因為由國際線坐車去國內線轉地鐵都花上十五分鐘, 仲未計等車時間

一到酒店就見到我d網上戰利品

一對鞋+兩福袋

間房都ok夠大

同埋最重要最重要的演唱會飛, 雖然我收到飛, 但我都無即時向樂天確認收到飛, 因為我要睇完先confirm呀....

睇下福袋的東西, 不是太多, 貴精不貴多啦

De Radiance 福袋

簡單褸款

有我想買左好耐既間條

呢件太細, 比阿妹

呢件one piece quality好好

普通花裙

呢個ｍａｎｉｃｓ福袋賣點係羽絨，我買只係唔小心買左, 因為無留意係down.... 所以買左

成個家政婦三田....

one piece

呢件簡單到無朋友


第一晚獨自在福岡就完了, 等待老公匯合...

Day 3 驚險、精彩、令人驚喜、充滿福利的Beautiful World千秋樂

 

 

終於衝完福岡, 睇晒兩場, 實在是意料之外, 因為之前盲票閒閒地12萬一張, 我都預左貴, 如果以我舊年睇福岡場為標準, 我應該只可以睇一場, 仲係自己一個, 不過貴就貴啦, 之前無去國立, 非常後誨, 本來諗住睇名古屋, 但係我諗始終千秋樂會多d報導wor, 所以最後決定睇千秋, 仲係國泰出promotion既時候買左機票(係自己miss左港龍特價攪到要轉機)。

至於點解又驚險呢? 因為我未有買尾場飛, 只係買左14號, 我14號去到yahoo dome撞到我舊年隻牛, 問佢有無千秋樂飛, 佢叫我聽日再搵佢, 其實之後我都諗住去天神間ticket店睇下有無飛, 但又懶無去到, 仲走左去shopping。當日再去搵牛牛..... 佢答我"無"..... 咩話???? 無pair飛....... 頂..... 唔係無.... 係好後+好貴.... $*&)#!(*&!)(#&*!#, 老公即刻拉左我走.... 點算呢, 即刻跳上bus去天神諗住睇下ticket店有無, 然後再睇下yahoo auction仲有無飛, 仲有少量, 但連番就真係..... 唉.... 心好亂, call B小姐求救, 經過佢既幫忙(其實好複雜又要上網bid過d飛+佢同佢d friend換位), 真係非常之感謝B小姐 我終於可以同老公一齊入場, 好開心, 因為呢場絕對值得睇

我又係坐係左邊, 係勁多aiba + jun jun, Leader第三,  nino升高位+極少sho, 成48列都無咩期望, 點知..... 個位exactly係nino升高個度, 加上yahoo dome前列好平, 所以48列都唔係太高呢, 好開心呀.... 仲有好多jun jun, 雖然我係48列, 但我前面係有一個大窿, 即係我個忽好似balcony咁, 前面有一行, 但中間無左二十行度啦, 唔知點解, JUN JUN今次con超落力, 不停向fans揮手/指/V, 講真..... 以前睇佢真係比較少指fans, nino同leader就經常, 我覺得今次佢有指我地呀.... 因為佢望上黎一指.... 係我地嫁喇, 中間係一個大窿嘛.... haha... (唔係都當係)

相信唔少人都有睇微博, 對於慶生環節都有詳細報導, 我都唔諗住特別去寫, 因為自己記性好差唔係好記得細節, 不過我真係無諗過會有慶生, 因為舊年all last也是差不多日子但無同sho kun慶生, 有一位blog友問我會唔會慶生我仲話點會呀.... 點知去到MC尾段... 又係猜程尋環節, 今次係sho輸左, 佢被罰係個台自己亂up.....然後有把女人聲同佢講野, spotlight又轉來轉去, 我第一個感覺係.... 有無特別嘉賓呢??? 唔通又係徹子...... 其實台上既sho kun望落一d都唔好受.... 一臉又比人玩, 就好似上次秘密嵐aiba叫佢去開燈制點知就跌左落個窿度, 不過佢都繼續聽指示, 跟住.... 執事出現.... 我開始估到係慶生, 讀出messages, 好攪笑, 唔係message攪笑, 係佢一路講, 後面d字幕跟住行, 佢忽然停左一陣試下d字幕有無跟住, 都有跟住停WOR, 爆笑, 其實都有d感動

黎料喇....... T.A.B.O.O SPECIAL出現..... 其他四子赤裸上身扮舊年CON既SHO赤裸TABOO LOOK.... 笑死喇.... AIBA既箱頭筆肌肉, NINO打機, LEADER噴水LOOK.... 笑死喇笑死喇..... 都未夠....

四子從高處吊落黎繼續唱.... 再加上COSPLAY..... 我想講個一刻真係好開心, 無諗過自己會有機會睇到呢D場面, 因為自己一向黑仔, 睇親都係中間場, 無咩特別, 呢次真係不枉我既堅
持, 我同老公一路話好正呀好正呀..... 全場唱起生日歌, 好開心

其實攪左好耐, 我仲諗會唔會因為咁而唱少左歌or唔encore.... 無理由長咁多嫁???

去到encore前最後一首歌, 跌彩帶時間, 之前一晚坐arena, 當然同人搶彩帶啦.... 第二日坐番stand, 嘩....... 原來上面望番落去好爆笑, 極度混亂, 有d仲係arena捐出黎執, 好鬼攪笑, 跟住諗番自己之前一日都係其中一名搶野既傻婆呢.....

到最後的最後.... 終於唱新歌.... lucky seven主題曲..... 完了.... Beautiful World Tour終於完了.... 第一時間.... 閃! 約左嵐飯食飯.... 一出到黎d fans係咁跑... 我都唔知跑mud, 我記得舊年又係跑, 又係唔知跑mud, 好彩我都算早批出到場, 已經係路上撞到B小姐, 一齊去博多匯合其他兩位嵐飯食飯

我地講番con既片段, 好回味, 大家都好唔捨得, 希望今年快d公怖con tour schedule, 等我地可以有個預算啦.... 祝各嵐飯今年都抽到飛呢!!!!

BID左其中一場飛

距離下星期出發福岡的日子越來越近, 日日對住流通網睇D票價, ARM價又ARM位, 睇得黎考慮得黎都比人買左LU, 手慢D都無, 諗諗下不如買黃牛算啦, 係就係貴少少, 但唔洗麻煩人麻。日拍我得樂天有A/C, 可能少人用, 幾乎無人同我爭, 可以慢慢諗, 終於BID左其中一場, 其實都唔係BID, 我係用即決價, 初初個賣家未聯絡我, 仲驚比佢放飛機, 不過佢都聯絡左我, 仲寄埋去酒店, 希望無問題啦。

自知日文好爛, 用晒GOOGLE TRANSLATE同賣家對答, 雖然都可以溝通到, 不過都有D唔方便, 佢又問我係咪一個去, 我懷疑佢想我買多張飛, 因為之後佢再放多張飛出黎, 同樣價錢, 又叫我要注意MANNER, 好攪笑, 唔知到時會唔會係佢D友達坐係我隔離

其實都唔知買唔買定好, 以我舊年經驗所得, 尾二場比尾場少D飛放出黎嫁, 同埋我一個去睇, 所以我買左尾二場, 同樣係ARENA, 但今年比舊年平一半有多,  當然都有分別, 今次只係買左B區, 我都好驚呀, 我咁鬼矮, 一定睇得好辛苦, 但我好想執到黃色彩帶呀, 希望有啦.....

剩下黎尾場兩張飛, 去到先買黃牛, 一定唔會平, 不過我想睇下STAND同ARENA會唔會差好遠, 我想同老公一齊坐ARENA呀....

仲未買演唱會飛

明明下星期五就出發了, 連飛都未買, 雖然門外總有黃牛, 但有兩種可能性, 一係好平, 一係超級貴, 都可能係後者居多, 永遠都係, 自己要睇個場總無平飛, 自己要買連番時總無連番, 不過同舊年一樣, all last場放飛比尾二場多, 可能尾場大部份票都落在黃牛度, 唔敢奢望坐靚位, 求其入到場都算, 天啊...... 祝我好運啊!!!