$1000換東京機票

上星期六將軍澳某商場開幕, 只要係商場內的任何兩間商鋪以電子貨幣消費滿1,500(每張單最少$100), 就可以$1000換JAL東京機票一張, 限量100張

其實早於之前一個星期知道有呢個優惠, 已經去左一個pre-trip, 就係睇下個商場有咩買, 我淨係想買Dior咋, 其他又唔係好多arm買既野, 都諗緊值唔值, 因為本身東京機票又唔係好貴, 就算我下次再去日本都未必係去東京, 到左星期六中午, 終於決定去look look

一去到見到換領機票數目係45, 心諗換左45張je, 慢慢買野啦, 係Dior買完野見到數目轉左做40, 心諗唔通有人退票, 都無諗過呢個係淨番既機票數目, 後來越諗越唔對路先知道係剩餘數目, 雖然最後都比我換到, 但係走個陣只淨番30張...哈哈!  相信呢個promotion個quota應該用晒



話時話呢個換機票promotion似曾相識, 個封換領信出信日子係4月28日, 啊.... 上次青衣城勞動節假期唔係有個類似promotion, 不過門檻高好多, 消費要求高d同埋要1600換機票, 上次明明有200個quota, 但換左兩日都未換晒, 所以攞左黎今次用

講番機票terms, 都係一般限坐成田機, 有效期比較長有十日, 星期日至三出發, 星期四至六出發收300附加費, 暑假唔可以用, 十一黃金周同重陽唔用得咁囉, 最遲12月20日出發, 12月30日回港, 最後換飛日期係10月31日, 仲可以$500換一程內陸機, 最多換兩程, 咁飛番轉北海道又幾抵wor

如果用唔著, 放出去會唔會有人要呢????

換完機票仲比左16張抽獎卷比我, 頭獎係一人獨得十張東京機票.... 十張????? 點去呀???