Day 4(Part 1) 飛驒の里

酒店package包早餐, 估唔到有咁多野食... 正如之前都講過, 間酒店好混雜, 食早餐又係好多人, 燒物有師傅即場燒, 最右手邊既魚蛋最美味, 燒魚就一般啦

又係名物樸葉麪豉

細細碟好的色, 唔洗畢來畢去

可樂餅好正呀

樣樣都食下, 大滿足

酒店門口仲有足湯

呢間就係酒店... 好高呀... 一出火車站一定見到

10點先CHECK-OUT, 跟住就大半日高山市內觀光, 初初仲諗成日流流長唔知點算

去到BUS STOP, 就買左個PASS

後來發覺跟本唔洗買PASS, 因為我地只係去左飛驒の里

全部都係女生

十分鐘就到飛驒の里

呢度又係有D合掌屋, 彌補之前一日白川鄉唔夠時間既不足

閃閃發光既雪啊

呢度無MUD人, 好寧靜

敲鐘許個願先... 明年要繼續中票啊

仲可以玩古法滑雪

但對於我地黎講, 最重要係玩擲雪球同砌雪人, 有晒架生

製成品出現了! 原來砌雪人都好攰, 不過非常之有趣, 好好好開心

 

 

Day 3 (Part 2) 金沢、高山食飛驒牛

 

由白川鄉揸車去金沢大概一個鐘, 幾乎全程都係隧裡面, 好處係安全D啦, 唔怕落雪, 唔好處係好悶好眼瞓

去到金沢淨係知有個兼六園, 又係唔知點解泊左係一處免費既地方

雪唔算好多

個天越來越黑

最後落起大雨, 攪到我地無晒MOOD

無地方可去之下揸架車去日產諗住攞DM, 點知D SALES超勤力, 係咁SELL我地... 但我地都唔識聽, 結果一本DM都無攞

好無癮之下番去高山.... 沿路又經過白川鄉... 終於落雪

番去高山第一件事..... 以為CHECK-IN酒店, 但老公太肚餓, 去左酒店隔離間味藏天國, 但未夠六點已經排晒隊, 個STAFF叫我地30分鐘後再去

番轉頭就有位坐LU

我地點左呢個8925YEN既味蔵盛套餐



好多好多牛呀...

飛驒牛都幾好味, 咁多款我覺得牛方塊最好味,  但如果你要我比較神戶牛、松阪牛同飛驒牛.... 我真係唔係好識答 飛驒牛脂肪比較重, 好易滯

又係時候介紹下間酒店

飛騨花里の湯　高山桜庵

我之前都睇過好多BLOG友介紹過, 首先交通好方便, 就係高山駅旁邊

酒店裡面有SHOP, 好多高山名物都有得賣

我見D日本人都買好多個福袋

房間都係好有STYLE既和式房, 仲有得上網

我鍾意呢D房多過好傳統既和式房

有獨立廁所



同淋浴

其實酒店有幾個貸切風呂比客人用, 但果日係日本假期, 超級咁多人, 所以我無機會去私人風呂

不過我都有去女湯, 夜晚浸露天風呂, 一路望住天上既星星,  人生一樂也

晚上10:30開始, 仲有拉麪供應

不過果晚又係好多人排, 好彩有籌派, 飛驒拉麪係幼身, 好好味呀....

 

 

Day 3 (PART 1) 像童話一樣的白川鄉

 

一早坐7:45車去高山, 我懷疑成個車箱都係好似我咁買JR TOUR PACKAGE, 因為好多人都揸住呢個袋



但呢隻PACKAGE既車飛係唔可以改時間嫁



坐火車最好係可以睇風景, 由無雪既地方去到有雪.... 




一見到雪成車人都好興奮



去到高山10點正

即刻去TOYOTA租車, 高山駅前只有TOYOTA租車公司... 即係無選擇, 不過去高山既人又比較少租車, 因為濃飛bus實在太方便

去過咁多次日本第一次租Toyota



然後起程去白川鄉, 話說我2006年去過一次, 知道展望台係可以揸車上去, 之前係村口泊車再行上去, 鬼咁遠仲要比500yen泊車, 今次直驅展望台諗住影幅相就走



呢度泊車唔洗錢嫁..... 你幫襯佢就得喇, 不過我懷疑唔幫襯都無人收你泊車錢




招牌相..... 而家有專人係度影相, 幾乎焗你買




有雪既白川鄉果然好美 好聖誕呢.... 咪以為落好大雪, 其實只係D雪掛左係樹上, 所以有大雪既效果, 亦唔係好凍, 超舒服




影完相就去展望台間餐廳醫肚, 一個SET千零yen, 都幾齋下, 不過好彩食左呢一餐.... 因為之後要頂到好晏先有野食

成個飛驒地區最出名就係呢種樸葉麪豉

原本食完野諗住儘快去金澤, 但我地無端端行左入村入面.... 見到雪景咁靚, 忍唔住停低架車入去影相



呢棵係咪聖誕樹???

呢個畫面係我最最最喜歡..... 完全係一幅畫....... 有時去旅行見過實景同人地影既相, 影相絕對有美化效果, 好多時去到現場都未必有相咁靚, 但呢個畫面係好真實, 原全無加工

軟棉棉既雪啊..... 好似我最鍾意食既cream

呢個係人地砌既雪人, 預告: 本人親手製既雪人照即將大公開

由於我地偷偷地泊左架車係村內某角落, 所以無時間嘆番杯咖啡,  呢間係coffee shop黎嫁

 

記得第一次去白川鄉係徹徹底底既失望, 覺得好商業化, 又唔係想像中咁靚, 因為無雪, 今次黎當然有心理準備, 無期望, 所以見到白雪綿綿既白川鄉, 感覺好似發夢咁, 可能自己好耐無去過落雪既地方, 感覺好新鮮, 其實去旅行選擇適合既季節係好重要啊, 如果唔arm季節不如唔好去