四國之旅(仍在妄想中)

不經不覺，已經去到5月尾，距離我理想睇紅葉既時間只有5個多月，雖然我個行程都係未編排好，不過都應該會係大阪入四國。

不過呢排日本爆發豬流感，再加上d yen都仲係貴，所以令好多人卻步，我呢...... 唔會受呢d因素影響我去日本既心情，但係屋企人始終會哦話又去日本????  anyway..... 我都唔知呀，ANA MILEAGE儲左14xxx，Asiamiles有8萬幾，我會換ana大阪機票，asiamiles就換澳洲機票。講開澳洲，真係有d唔開心，話說早兩個月4.9x個陣買左d澳圓諗住旅行用，點知隔離位又嚇我d外幣會再跌，攪到我無賺即刻賣左，而家6.1喇，我真係投資超黑仔，買股票又係，過年去個老總度拜年，佢叫我分段入貨，話跌到10000點左右會反彈得好快，你等到咁低就入唔到貨嫁喇....... 嗚嗚..... 我隔離位又係一貫睇到好淡又話會跌落八千....... 只怪自己黑仔啦..... 又無錢賺lu..... 今年已經無BONUS，投資又無錢賺，真係.......雙重損失 不過我都信既，食幾多著幾多整定，暫時仲未比人炒已經偷笑，而家金融業係咁向員工開刀，日日都見班雷曼苦主係公司門口示威，真係幾驚嫁，呢d正所謂有咁耐風流就有咁耐...... 哎..... 唔想講落去，真係有苦自己知。越黎越離題tim.........

講番四國，我都係會係大阪關西空港入，跟住坐火車去和歌山，再坐船入德島，唔知呢個方法係咪最平呢，跟住會租車環島遊。本四國書係屋企，聽日先post個初步行程。