忍痛取消左個機位

尋日ANA打電話黎通知我復活節waitlist左東京-香港有機位, 唉...... ANA打到電話黎, 我都無得再逃避, 因為我真係要cancel lu, 個位staff好有禮貌, 同我講我可以keep張飛直至7月, 我諗7月前都好難去到東北, 所以叫位staff取消左, 即刻退番34000哩比我

不過一上網check, 我d哩數原來有d會係今年7月份到期, 究竟我照換番日本機票, 定去第二度??? 不過如果我係去日本, 相信將來都會有好多promotion, d機票斷估都唔會貴卦  除左日本, 有櫻花睇應該係韓國, check下復活節.... 有位, 但係我要用多一萬哩去換呢兩張韓國機票囉

唉.... 真衰仔.... 今次.... 居然離棄日本, 不過我唔想我屋企人擔心我, 雖然我真係有諗過復活節去大阪(順便睇gantz), 但我老公已經reject 左我

 

思考日本的真實情況(純粹亂UP)及對秋田的遺憾

日本剛發生地震後, 我個MAILBOX完全無來自日本既EMAIL, 真係好驚, 因為呢D相信都係我係RAKUTEN幫襯過既舖頭, 都唔知有無比地震影響左運作, 不過呢個星期已經收番晒D EMAIL, 佢地D EMAIL通常都有對被災者既慰問, 同埋有優惠, 仲會捐助, 發揮左互助精神

從來都對香港媒體既報導有所保留, 無論地震前或後, 對於港聞又好, 日本新聞又好, 香港傳媒最鍾意嘩眾取寵, 誇張失實, 當然佢地會將唔好既事放大好多倍, 好既事提都唔提, 最緊要令你PANIC, 我最記得上星期所有本港週刊封面都係世紀天災, 日本末日, 東北全毀, 首相考慮遷都.... 類似新聞, 心諗佢地一定好想福島核電廠事故好似切爾諾貝爾咁, 好担白講, 我都好擔心情況會係一樣咁壞, 但係自己都有分析, 切爾諾貝爾當時無立即疏散居民, 同埋發生係20年前, 當時科技點都無而家咁先進啩 咁而家烏克蘭人係咪繼續生存先?? 都無滅國啦, 係咪??? 日本試過比原子彈炸過, 我諗當時D輻射比今次更直接影響到佢地, 咁而家長崎同廣島係咪一樣有人住先??? 雖然而有又有所謂專家話而家日本之情況可能比切爾諾貝爾更差, 呢個我真係唔敢諗, 希望D報紙所講既所謂專家預測錯誤, 因為份報紙連個專家名都無引述, ANYWAY, 香港傳媒一貫作風, 要人PANIC

而家日本情況似穩定落黎, 但最影響日本當然係輻射問題, 個個聞日本色變, 當然我都覺得呢D係比D香港傳媒放大黎講, 佢地最興係話驗出某食品超標xxxx倍, 呢個係標題, 但係內容最後先話, 一個人連續食一年個樣野先可能等於超一次X光, 我相信好多人睇見個標題都唔會再食日本既食物, 當然食唔食係個人喜好, 我都唔希望日本再運食物黎香港, 因為我希望佢地可以優先比自己D國民食, 同埋就算送到黎香港, 都唔會有人買, 棧浪費

不過今朝睇到呢個報導, 為之一振:

(星島日報    報道)昨日羅志祥    (小豬)接受新城訪問，透露下月在東京    開騷的行程不變，「我不太擔心，趁機幫他們打氣，慰問一下當地的歌迷。」他謂會在東京逗留3天，亦不怕輻射    ，「正常生活中也有輻射，不防它也會出現，擋也擋不住，好難去保護。」問到會    否飲當地的水？他說：「我飲百事嘛，很少飲水。」

去個幾日, 唔會咁易死啩??? 咁D日本人一早要搬走啦, 小豬真可愛 起碼無離棄日本, 希望佢係日本更受歡迎, 小豬最高

仲有最近香港傳媒又報導, 日本D酒店十室九空, 我當然唔排除個D主要接待外國人既一定受影響, 不過我八卦睇下JALAN D房有無好平先, 唔知可唔可以趁火打劫...... 結果係..... 呢間係我係大阪好鍾意GE酒店, 4月22日至25日價錢... 絕對無平

呢間係銀座MONTEREY, 同樣都無平

試圖分析原因, 可能係日本人尊嚴問題, 唔會頂爛市, 同埋其實佢地好多酒店都有被災者優惠, 因為好多人家原盡毀, 或者暫時逃到南方避難, 好多酒店仲要比被災者優先入住, 甚至唔收錢

我唔可以一面倒話香港傳媒失實, 佢地都有表揚日本人面對災難鬆容不迫的精神, 我相信中國人一百年後都唔知可唔可以做到, 正如NINO係節目中都話要做番平時的嵐

最近睇番3月5日嵐にしやがれ, 原來介紹秋田, 非常殘念, 相信我復活節新潟+秋田之旅要泡湯, 雖然ANA容許旅客取消6月30日前之訂位, 但我一直都未做

NINO真係好聰明呀, 一估就估中秋田有なまはげ鑒定 其實我對秋田都有一定既認識, 雖然未去過, 但係睇韓劇IRIS同埋旅遊雜誌都有介紹

個D類似鬼既物體會走出黎捉D懶既小朋友, NINO好抵死, 叫佢地捉LEADER

秋田超人氣超人............. 咁都比翔君撞中???? 秋田健..... 係咪真係撞嫁

就係呢個超人..... HAHAHA 必殺技係比內雞CRASH

秋田仲有好多呢D名物..... 如果去到秋田, 會唔會都見到呢?? 聽講週圍都係, 係公路旁都有

就係好似花形狀的雪糕

冰屋睇IRIS都有呢..... 不過如果可以同佢地一齊食年糕..... 真係最高

仲有呢個遺憾, 就係去唔到乳頭溫泉

LEADER真誇張, 洗唔洗咁怕熱呀????

非常非常殘念, 由於我原計劃去既係東北, 相信暫時都未必適合去, 同埋我下次一定要同老公去旅行, 為左唔好令屋企人擔心, 唔敢去日本, 我自己爛命一條無所謂, 但係我唔希望影響我老公, 如果我地去日本, 佢屋企人一定好擔心, 有咩事我賠唔到個仔比人, 其實可能有好多日本FANS同我一樣, 好掛住日本, 但係又怕家人擔心, 所以唔敢去

我呢排真係唔係幾開心, 首先無得去日本已經令我失去人生目標, 第二流流長的復活節假期, 都唔知去邊好? 你叫我轉第二度, 全部都勁貴兼夾無MUD興趣, 第三當然都擔心個邊D人啦, 我真係唔想再睇新聞喇, 日日都係日本輻射範圍擴大.....

又八卦走去ANA CHECK復活節去大阪機位, 呢D係用MILEAGE換, 居然日日都有位.... 唉........

繼續亂UP

好多所謂專家最鍾意危言聳聽, 未發生之前無人預測到會有大地震, 地震後D所謂專家就話東京可能再發生大地震達唔知幾多級以上, 可能會成個東京裂開, 會唔會發生真係唔知, 不過我都覺得D專家永遠係事後多多野講, 正如匯豐09年3月跌到$33個陣, 個D所謂財演叫你買多定係叫係沽多呢?? 好多叫你賣正股然後供股, 而家匯豐又係幾多錢? 都成$80啦, 仲有舊年EURO勁跌個陣, 好多專家話歐羅會消失, 大佬, 我當時都諗點會呀??? 咁多國家用緊呢隻貨幣, 唔用歐羅用MUD呀??? 相信歐羅由舊年低位到而家起碼升左20%, 巴菲特最近叫人買日股, 香港D所謂專家又話趁火打劫, 唔通見日本而家咁慘仲狂沽佢地D股票咩?? 所以我依然好相信巴菲特名言別人貪婪時你要恐慌, 別人恐慌時你要貪婪

真係講左好多無聊野, 都唔知自己講緊MUD.... HAHAHA

繼續發放正能量

呢間係上野既電器舖, 有成幾百本DM任攞

係咁YEE攞D番黎啦

買左幾罐淡麗番黎比老公做手信

GANTZ VISUAL BOOK

呢本SPECIAL BOOK真係唔見有得攞, 網上BID

不過唔怪得無啦, 真係成本都係佢地

 

呢本係機場買

マネキンファイブ投票

雖然設網上投票, 不過都係想攞到呢份紀念品

未夠7點就去到TBS, 唔係好多人

排隊個陣幾乎凍死, 呢個TBS地板, 好似雪櫃咁, 有凍風吹出黎, 所以中途去左買暖包

9點後D人先陸陸續續黎, 我排呢個位黎計, 等於坐ARENA A區

未開D人已經好興奮

我係第一批入場

呢位啡色衫哥哥一早已經係度維持秩序

準備開喇, 尖叫

其實佢地5個有無個公仔咁高呢

由始至終, 我都係鍾意一號, 不過好似JUN, 因為著RED WING, 同埋加左副眼鏡

呢件真係 得一個係相葉丈, 唔通真係AIBA

呢頂帽真係有D嚇親

3號有D似NINO.... 後來我係0101見到外面件恤衫, 15000YEN, 我老公問做MUD見到都唔買比佢

4號有幾分似LEADER.... 但係佢好似好少打TIE.... 唔通又係NINO????

起初好多人鍾意5號, 但係原來係抄人地, 好過份呀!!!! 不過會唔會係SHO.... 仰或又係NINO

投完票, 當然在去新宿朝聖啦

其實如果有留意我張整理劵, 都會發現我投票個日就係地震日, 大家望下地震前既天空, 又點會估到係一個大災難既來臨

最近有好多關於日本既醜聞, 例如核電廠埋藏核武, 災區無糧食, 日本人都要垃圾堆度找糧食, 日本食物中有輻射, 我好明白呢個世界只有一沉百踩, 又邊有雪中送炭?? 你問我信唔信日本收藏核武, 信.... 我真係信有呢個可能性.... 不過我亦好相信佢地D民眾係不知情, 我好希望佢地可以盡快重建家原, 盡快有水電, 盡快有糧食, 元氣...... 我亦都捐出我人生中最多GE捐款比日本大地震, 希望出一分力, 希望我可以重回美麗的日本