去到第四日, 依然落雨, 去左Aeon Mall食廻轉壽司, 吸引我行入去食, 當然係因為間舖播緊arashi既歌, 但係d壽司好唔錯
雖然好多人話千祈唔好係日本食魚生, 話驚輻射
成日周圍去行, 去下去下去左西松屋
買左呢D
又去左duty free同d mall, 最後去左呢度食菠蘿放題
其實只係一間shop
無驚無險, 已經去到最後一日, 今日又係天陰有雨, 去左最南面既平和公園
如果天色好應該好靚
再去到附近GLASS工房
5日沖繩之旅就結束了, 雖然落下有點掃興, 但總比地震好
總結一下: 不嬲都唔係好鍾意跟旅遊書, 尤其是香港出版既旅遊書, 今次買左本Rurubu沖繩2011就出發, 未必去晒所有出名既地方, 但係我而家唔係交功課嘛, 無必要照足指示做啦, 同埋想食咩咪食咩囉, 洗mud樣樣都要跟旅遊書呢?
唔知再有無機會黎沖繩, 不過今年要去既話都會係東京或者北海道.....yeah!
沖繩最出名梗係水族館啦, 我地住果間酒店係南面, 而水族館係北面, 所以當日要揸成兩個幾鐘頭先去到, 其實而家日本實施有料道路無料化, 加上落大雨, 所以我地梗係行highway啦, GPS顯示要830yen路費, 一上highway........ 行到收費亭前..... 架架車都停低攞飛??? 唔係無料化嗎??? 點解仲要攞飛.... 真奇怪
去到最後一段路, 最後一個出口, 最後一個收費亭.... yee.... 個收費亭有工作人員wor, 正當我準備錢時.... 個工作人員收左張飛..... 就ありがとうございました, 我問老公, 都唔收錢, 點解仲要攪咁多野? 唔通佢地唔想推高失業率, 所以keep住d staff?? 不過我好想知全國其他有料道路真係無料化, d路費真係好貴嫁, 我試過由鹿兒島上福岡要成七千幾yen
我地之前已經係酒店買左水族館飛, 係1620yen, 入到去都好多學生黎旅行
呢個魚缸好大, 但係我有個friend就覺得日本既水族館顏色比較plain....咁又係, 海洋公園個大魚缸好似colorful d, 但係, 呢度無大陸人, 爽好多, 起碼唔會比人撞先
雖然有台風一號吹襲日本(唔係一號風球, 只係個風個名叫台風一號), 我地都出左去睇海豚show
有鯨魚呀, 我老公好鍾意睇鯨魚, 佢仲好掛住海威
完show之後係隔離個水池仲可以近距離睇海豚, 雖然好大雨, 但係都好開心, 未試過咁近
行下行下仲有個海龜館
是晚重要節目, 睇Gantz Perfect Answer
我覺得係日本睇gantz真係特別清, 番香港再睇都係有d黑點, 唔知係咪加左字幕所以會整污漕個條片, 我用我張前賣劵換左一張飛, 另外買左一張late show飛, 1100yen
日本人睇戲真係好靜呢, 開場無耐已經聽到鼻鼾聲, 跟住聽到我老公好清脆既食爆谷聲, 全場戲無電話響聲, 完全無字幕, 連日文字幕都無, 好彩都睇得明六七成, 都係一個好好既經驗
第二日朝早都仲有d陽光, 就去左酒店附近個沙灘影相先
可惜無游到水
呢個係酒店既私人沙灘
跟住去食早餐, 有對新人結婚, 個新郎都幾靚仔, 但係個新娘就好似秘密嵐果d攪笑女藝人咁, 又肥又...... hahaha
呢個係結婚既場地
呢架就係我地架戰車, 沖繩真係好大風呢, 吹到頭都亂晒, 有無人可以教我點樣去旅行又可以keep住個頭唔亂呢?? 我知可以戴帽, 但係大風到連帽都吹甩
然後去左呢個首里城, 好唔日式呀, 好鬼中國化
個水龍頭都幾特別
下晝諗唔到去邊, 就去左國際通, 呢條街好唔得呀, 又要比錢泊車又無野睇
跟手去埋outlet, 食左dinner
沖繩最出名係苦瓜, 真係幾好味
香港直飛沖繩暫時只有Hong Kong Express, 我都係出發前3日先買機票, 出發當日天色非常好, 雖然話d人仲好怕去日本, 我出發當日班機都有8成人
細機無personal tv, 唯有自己娛樂自己
一降落就見到好多戰機
第一次經樂天租車, 最平係呢間Paradise, 4日4夜11400yen仲包埋保險, 都對間租車公司無mud期望, 由於我地係國際線, 要行番去國內線出面既巴士站坐shuttle bus去租車公司, 所有租車公司都係呢度嫁喇
入到去都係一般雞同鴨講, 不過我都聽到最重要個句, 個職員問我地想要FIT, DEMIO 定 MARCH, 我老公梗係揀FIT啦, 但係架車唔係"嘟"佢開門, 而係要用鎖匙開, 唔知係咪所有沖繩車都係咁呢???
好! 出發!!
今次唔理咁多, 四晚resort酒店
夜晚去食石垣牛, 好正!!
