尋日比較過份, 係公司簡直全off狀態, 不斷諗緊con事, 原本諗住到時先算既我,見其他飯好積極book酒店同機票, 又好似唔可以過份怠慢, 如果唔計較任何因素, 我想去一d我未去過既場, 好似大阪同國立, 但係一講到錢, 我又唔可以唔計較wor, 呢兩個場都唔慌平得去邊, 不過講真, 應該無一個場會係平嫁喇, 始終con既場數少左, fans又多左, 需求自然大左, 好愁
諗完錢, 再睇下自己d假期, 雖然好想去國立9月2-3日及大阪1月3日-4日….. mud我唔係每個月頭都要做份report咩??? 死喇….. 可唔可以交比同事, 定係我嚮日本做????? 
仲有…. 今次點都要同老公睇一場, 但係佢又好似唔like國立, 我諗佢肥仔怕熱啩
不過講番個schedule, 其實國立之後無con對於我黎講係好事, 因為我年尾通常比較忙, 因為要做budget, 同埋好多report, 買開股票都知, 年尾個市特別旺, 所以放假都會比較困難, 不過我係公司又唔算好重要, 唔係放太長都應該無問題ge, 係驚唔好意思要人幫手je
一句講晒, 到時先算
沒有留言:
張貼留言