今日掛住訂機票

原以為呢排d package好平, 可惜無我份, 除非我老公有多假期, 因為ANA個平package只係去到6月24日, 但係我地想6月25日下午出發, CX都有二千幾PACKAGE, 雖然專業旅運幫我HOLD左CX既位, 但係呢間野真係好唔惦LOR, 一時又話呢個價錢, 突然間又話又貴$200, 跟住又要我落訂先BOOK酒店, 我真係信唔過呢間旅行社, 所以決定都係機票同酒店分開BOOK(雖然會貴D)

我不得不承認自己對酒店都有D要求, 其實無論ANA定CX PACKAGE, D酒店都唔係好合心水, 合心水又太貴 , 我唔係要住5星, 但我鍾意D比較新同方便既酒店LOR, 之前都有猶豫住新宿定住上野, 不過我地夜晚8點幾先到成田機場, Narita Express同SKYLINER都要成個鐘頭先有一班車, 咁趕番酒店做MUD先??? 大家唔好唔記得星期六晚10點有咩節目先得架??? 可以趕到番酒店睇, 只可以住上野囉, 同埋我又好想去東京博物館(有睇GANTZ都知係咩啦.... HAHAHA)

機票方面, 唔知點解ANA梗係鍾意人WAIT, 佢而家有D所謂平機票, 一定要最少二人同行, 但係要網上訂, 網上訂又硬係有一程係WAITLIST, 不過.... 我知ANA最後都會有位既, 後來又發現原來同我一齊抽飛既B小姐行程同我地一樣, 但當時我已經有兩個CONFIRMED既位, 跟住打去問ANA點解決 D STAFF好好人, 佢教我係網上再訂3個位先(即係可以KEEP住我本身個BOOKING), WAITLIST都唔緊要, 然後再打去追位 結果我地3個都可以買到$2500飛, 我又唔洗放棄我兩個CONFIRMED既位重新排過, YEAH!!!!!!

煩完機票酒店, 跟住先醒起今次EVENT D飛咁平, 不如同老公睇尾場, 又叫個日本朋友係流通網買, 今次係旅程時間太短, 我唔想去到先買黃牛LU, 同埋我老公好驚青嫁, 叫佢同黃牛傾佢會叫我唔好睇LOR

所有事情終於解決, 真係要多謝我日本朋友R先生, 佢為左呢件事都打左幾次電話比我, 又要幫我入金, 我真係好唔好意思呀, 非常感激

當然都要多謝B小姐 抽飛都係B小姐幫我攪 去到EVENT仲要麻煩B小姐幫我少量翻譯, 真係唔好意思