311一週年

其實一早寫左但無按publish個制

呢一年真係過得好快, 大家請留意整理劵上的日子, 係311, 無錯, 舊年311一大早我去左TBS投票, 我係第一批入場, 投完票出黎都仲有整理劵派, 我仲DUM心早知唔洗咁早黎排隊, 我梗係有攞多張啦, 但投票時間係下午5點, 當然下晝已經投唔到票啦, 下午2:45左右, 就發生了百年一遇既九級地震, 不過TBS都好好, 後來係WEBSITE度公佈如果有整理劵既人可以寄去換番張貼紙

講番地震, 當時都有D不知所措, 但D日本人真係異常冷靜, 我想打電話番香港但打唔通呢, 點知又上到網, 一上MSN就有FRD HI 我, 問我點係日本買山P演唱會飛..... 我即刻同佢講日本地震呀.....好彩我老公都醒目, 識用VIBER打電話比我, 當時得我一個係度講電話個個都奇怪點解我打到電話, 我係TYPICAL香港人, 當然即刻去便利店買定糧餉, 知道機場關閉都以為自己要滯留, 所以同酒店講住多晚, 香港入境處條熱綫仲叫我地千祈唔好湧去機場, 好彩我第二日係酒店撞到香港人, 佢地話只有機場先係最安全, 所以我就去左羽田機場STANDBY(其實我張機票係成田番香港), 312夜晚我都上到機番香港, 當時好多香港人係度怨點解政府唔班架包機黎, 雖然我當時都未知上唔上到機, 但我又唔覺得有需要lor, 因為正常既航班已足夠接載d乘客啦, 同埋唔好以為包機唔洗錢, 包機都要比錢嫁, 要成6千幾蚊呢.... 我就唔會買過張飛lor, 因為我坐可靠既國泰航空

事後反醒番, 遇上大災難時, 其實最重要係冷靜, 唔可以手足無措, 你自己都亂人地又點幫到你呢??? 雖然家人唔知我當時去左日本, 我都選擇唔同佢地講, 因為佢地幫唔到我之餘又係咁擔心我, 我會更加煩惱, 希望日本唔會再有大災難啦..... 我繼續都係想去日本, 繼續都係鍾意arashi, 繼續喜歡日本的東西啊