演唱會最重要的當然是門票, 和友人在流通網上買的票
和朋友4點半從新宿的酒店出發, 坐都營大江戶線好快就到會場, 7萬人一齊入場果然好求其, 連袋都無check, 我地直驅gate 30
之前已經有朋友將國立個台型send比我, 我地知今次條花道同平時有d唔同, 係好似米字型咁, 而每條花道既尖端都有一個小圓台, 我地去到個座位見到個小圓台就係我地前面, 正呀
從來都唔介意大側, 因為好近main stage, 佢地多數都係main stage
由於我地睇第二場, 之前d人既repo大概都解釋左d流程, 至於我地前面出現既橙色大汽球, 就係JUN JUN, 友人超級興奮, 爆完仲有吊臂升高Jun Jun, 第一首就係我最鍾意既happiness
以下係我最印象深刻的地方, 思緒混亂, 唔順序嫁
1. 國立場總要有d落雨位, 仲係唱好感動既歌既時候, 話說JUN講緊野既時候, 突然好大雨, 7萬一齊
著雨褸, 無人理Jun講野, 佢都話洗唔洗停低比我地著雨褸,佢, 跟住就唱感謝嵐, 真係好有feel
2. 花道上有d會move既路, 就好似pinball runner咁, 但最爆笑係佢地一直同條moving路反方向行, 睇起黎就好似原地踏步, 友人都話咁點解唔企係度呢?? 行得咁辛苦
3. 我好在意, 雖然我地個位簡直係eye level望到moving stage, 但愛人從來無出現係我前面既moving stage, 反而Jun好多, 我都係同jun有緣d
4. 好多我未係現唱聽過既歌, 例如La tomenta, eyes with delight等, 好開心
5. 大宮好好笑, 無dancer到要揸住幾個人形公仔黎跳, 最後見到佢地要打橫行番入後台, 笑死左
6. 大愛唱Gimmick Game, 感動
7. 相葉solo唱friendship, 其他四位大紅米奇手伴舞, 搞笑。sho kun又唱TABOO, 不過今次無惡搞。jun jun shake it有其他member一齊shake, 我覺得NINO shake得好性感
8. 交響樂x白羽毛西裝, 超靚仔, 就係五人舉高手, 然後垂番低, 跟住伸出拳頭, 以為佢地會搞野突然猜拳, 點知唔係, 繼續正經, jun jun唱ONE LOVE無走音呢.... HAHA
9. 自選愛曲, NINO揀左SKETCH, 好彩比佢抽到, 我好似聽到SHO問我地想聽慢版定點, 點知好多人舉手想聽慢版, 佢仲叫我地諗清楚, 雖然佢地無唱到慢版, 但sketch係全場坐係度聽, 超級正
10. 演唱會中途見到直昇機, 希望有收錄啦
11. DJMJ時 aiba唱左幾句magical song, 著番個件發光衫, 我最like
12. 最後之最後, 我聽到佢地話唱voice, 我以為自己聽錯, 我好希望佢地會唱VOICE嫁, 前奏嚮起, 真係, 中間有句係NINO比較高音的獨唱, 我好在意, jun手放在NINO膊上, 面貼住NINO, 個句我好膽心, 但係NINO見到JUN同佢咁親密, 眼都紅晒, 友人話果個畫面好美好, 我可能諗多左, 我覺得JUN 驚NINO走音所以故意咁做, 但NINO有無走音我真係聽唔到, 因為我一直在尖叫
還有好多好多片段, 好開心, 呢個溫度睇室外con超爽, 雖然有落雨, 但有風好快乾, 雖然張飛好貴但絕對值回票價, 雖然無junior伴舞有點冷清, 但我只需要見到佢地五個已經好心滿意足, 好幸福啊
沒有留言:
張貼留言