歐洲點點滴滴

雖然去旅行唔係好鍾意計自己洗左幾多錢, 但今次好想知道總共用左幾多錢

埋單........... 兩人共用左約HK$30,000(包晒機票酒店洗費車費), 唔計SHOPPING

其實都幾抵呀, 同去日本差唔多價錢, 可能張機票免費確實慳唔少

以下係我係歐洲發現既有趣事:

1. 意大利廁所馬桶勁高, 捷克勁矮

2. 唔需要帶太多紙巾, 多數洗手間, 食店都有紙巾供應

3. 意大利防扒手, 我用左呢隻綁係身裡面既腰包, 所有錢同信用卡都放係裡面, 絕對安全, 當然自己都要小心啦, 人多時一定要注意, 不過我又唔覺得意大利治安好差, 捷克比意大利更安全呢





4. 歐洲最抵都係買名牌, 唔洗諗, 去OUTLET更抵, 好似我呢個銀包係OUTLET買240EUR, 退埋稅當佢HKD2,200, 我最近係香港PRADA SHOP見係要HKD4,100, 一模一樣, 顏色都一樣, PRADA OUTLET賣既貨并唔係月下貨, 分分鐘SHOP有一樣既貨品, 真後悔自己買得太少, 不過好似每人只可買3個銀包。至於SHOP呢, 正價貨你當香港SHOP既七折啦

5. 唔洗帶好多CASH去捷克, 絕對係LOOK CARD最平, 跟住係ATM, 最貴係找換店

6. 最好準備上網卡, 係歐洲有時唔知自己去左邊可以查GOOGLE MAP, 如果無得上網都幾驚

7. 歐洲酒店係無拖鞋同牙膏牙刷嫁, 記得自己帶

8. 我以為有星既酒店要比TIPS, 但跟本無BELL BOY幫我地拎行李上房, 所以慳番

好耐無去歐洲都幾有趣, 同老公講起都好開心呢

下一個非日本之旅去邊好呢???? 我有點想去HAWAII, 雖然我都去過

 

Day 9 好重要既Tax Refund

 

最後一日果然係終極披星帶月, 因為約左司機5am係酒店接我地去機場, 明明係好凍但又唔可以著咁多衫, 因為要番香港, 不過有車接送真係超爽, 最後超小氣既老公居然比tips司機

大清早已經有好多班機從布拉格往歐洲其他城市

OK就係Czech Airlines

Check-in係一條隊, 即係所有OK航班都係排一條隊, 雖然好多人, 但效率非常高, 好快已經輪到我地, 地勤人員問我Milan係唔係我地Final Destination, 我話我去香港, 不過老公話無用嫁, 無得Check-thru, 因為OK唔係One World, 當時都有D奇怪, 但費時麻煩, 最後都無同佢講我地去香港

又用PriorityPass去Lounge

 

捷克機場既Lounge都算幾新

好準時上機

 

終於要走了, 飛機上又係好多越南人

來回程小食都唔同

奧地利上空全部都係雪山, 好狀觀啊! 不過我記得當年係奧地利留左四日, 唔想再去

 

轉眼間就去到米蘭

 

一落機就有個人舉住個牌CX234, 問有無人去香港

我都好猶豫, 不過都跟左佢, 原來機上都有十幾廿人係去香港, 當然有一部份係越南人




但係去到行李帶度我就唔敢再跟佢, 因為我一行左出去就唔可以番去攞行李

結果究竟果班人係咪check-thru既呢??? 咁果個人又帶左佢地去邊呢????

 

去到CX個Counter都未開, 有個manager走出黎同我地講仲有半個鐘先開counter, 問我地要唔要tax refund, 如果有就去退稅先

吓 唔係要攞左Boarding Pass先咩??? 個Manager話而家改左, 可以做左Tax refund先check-in

就係咁我地去左Customs度, 聽人講要睇D貨, 點知貨都無睇就吸左印, 我都唔相信原來就係咁簡單, 不過我都係唔敢將我d戰利品寄艙, 唔見左咪好大鑊

Check-in完過埋海關即刻去攞錢, 退到12.9%, 好開心

係機場最後衝刺, 係FURLA買左好多手信

最後去左BA個Lounge, 又迫人又無野食, 不想久留, 同埋今次去得太多Lounge 

其實CX比左張香港Arrival Lounge Invitation我地, 不過想番屋企多D

去程坐中間位一d都唔爽, 所以回程mark窗口位, 班機都唔滿呢




要同歐洲說再見, 下一次唔知要幾時

呢個starter好正, 唔知係咪意大利產???

 

因為下午上機, 又係瞓唔到, 半夜叫空姐整左個雲吞麪比我食, 係幾千呎高空食雲吞麪份外好吃, 正如係飛機上食杯麪都係特別爽

今次歐州之旅都係年頭先計劃, 可以順利完成算好好彩, 一來復活節好多同事放假, 攞假真係唔容易, 幸運地找到同事代職

另外, 用飛行哩數換機票要日日都目及住有無位, 同一班機換兩個商務位係比較困難, 所以有時行程要少少遷就, 雖然我最後發現3月26日香港直飛米蘭有位, 不過26日開始放假又唔係太適合, 仲有, 如果早知去英國轉機我係應該先去捷克再飛米蘭, 咁可以坐少一程飛機, 但因為我訂晒酒店同內陸機, 所以唔可以變

至於今次歐洲既酒店好滿意, 以前去歐洲住酒店又殘又貴, 今次全部住brand name都唔洗HK$1000一晚, 都幾超值, 我覺得係要早訂同埋要挑選適當既日子, 好似米蘭係商業城市, weekday好貴weekend好平, 假期住就最好, 反之布拉格就平日便宜假期貴

成程trip最遺憾係去outlet既時間唔夠囉 

其實純觀光地方我覺得一生人去一次就夠, 我list左幾個歐洲國家可以一去再去 1. UK 2. France 3. Italy  有生之年唔介意再去, 至於未去過既西葡北歐等, 暫時未係考慮之列

Day 8 極度失敗既KV遊+concert

呢日真係全個Trip最失敗既一日, 我一早係網上訂左去CK既巴士飛, 一直以為係酒店行大概十分鐘既巴士站上車, 點知...... 第一件事係行到一半唔記得帶張Confirmation, 要番酒店攞, 之後又要跑番去車站

話說以下紅色座building係我一直諗住訂既Hotel Elephant, 好彩無訂呢間, 原來周圍好靜, 唔係咁方便

我就係去錯呢個巴士站

點解顯示板無去CK既巴士呢?????

攞張飛問車站D人先知去錯巴士站, 問職員去果個巴士站要幾耐, 佢地話要坐幾個站Metro, 應該趕唔切, 但退飛要30分鐘前, 所以我網上訂張飛報廢

唔知點算之際, 見有巴士去KV, 咁改去KV啦, 不過唔係Student Agency囉

呢架巴士都無十個人, 又凍又無廁所又無WIFI

其實3小時後我見到KV呢個站但只得一兩個乘客落車, 然後居然仲有人上車, 我諗唔通未到

不過越黎越唔對路, 個巴士司機仲去左入油




幣..... 可惜我地張Data card已經報廢, 我好慌亂之下開番自己香港電話公司既一日Plan, Check下自己去左邊

老公又嚇我...... 話架車去緊德國

個一刻係堅驚..... 我地又唔識捷克話, 個度搵架的士都無, 唔知點算, 諗緊應該幾時落車好???

跟住去到一個站有好多巴士, 個度叫CHEB, 真係唔知咩地方, 附近無餐廳但有個火車站, 巴士站顯示有一班去Praha(即係布拉格)既車係10分鐘後開

我地第一件事係去左廁所先, 當然要比錢啦

然後諗緊應該番KV定去Prague, 我個一刻只想盡快番Prague

行番出巴士站見到架黃色Student Agency巴士, 比我地張飛佢博下可唔可以上車, 個職員話唔得, 要我地買過張飛, 老公猶豫, 但我叫佢即刻比錢

跟住我同佢講, 我地原本張飛可以番到Prague先refund嘛

知道自己唔可以遊KV, 求其係架車度影幾幅相就算, KV都無MUD特別啦 

呢間係歐洲既連鎖超市, 我地係意大利都幫襯過, 好似香港既百佳咁




呢架Student Agency巴士有服務員派咖啡嫁, 我老公話佢成個體操運動員, 都幾靚女呀

服務員身後突出黎個度係廁所

老公攞左佢帶黎既麪包送咖啡, 佢話好窩心, 未食過咁好食既野




所以有時做人係好簡單, 唔一定追求食咩山珍海味, 只要係最肚餓既時候食最簡單既食物已經好開心
 
成日坐左7個幾鐘頭巴士但咩地方都無去, 唯一安慰既係趕得切退回程既車飛

總之成日就買飛退飛, 坐巴士, 唔知自己係邊

番到Prague, 市區非常擠塞, 唔怪知個個玩Prague都係行路

突然好想食壽司, 係酒店隔離間Sushi Bar食, 都係越南人開

雖然唔係正宗日本師傅, 但由於食材新鮮, 都算唔錯呀




係歐洲最後一餐晚飯, 想食法國菜呢, 又係酒店對面, Trip Advisor都有推介

一點都唔貴




頭盤試左鵝肝醬

仲有煙三文魚

Main Course係牛扒

同鴨胸



美中不足係叫得太多French Fries

加埋酒成餐唔洗HKD600, 呢個係好主觀既感覺, 係捷克食其他菜更抵啊

晚上終於睇到一場期待已久既concert,唔係Arashi, 係orchestra

 

 

呢個Hall又係超近我地酒店, 原來交響情人夢歐洲篇, 千秋師兄真係黎過呢個Hall拍呢

 

都係一般既歐洲演奏廳有包廂

真係好小型既演奏會, 老公話首席好似千秋師兄咁靚仔

就係呢個Hall

歐洲之旅差唔多結束, 不過對我黎講差唔多喇, 已經無力氣再玩LU