由於我訂左機場接送, 司機比左一本介紹捷克既小書我, Thank God! 初頭真係有諗過買, 咪睇咁細本, 買類似D書仔分分鐘成百蚊港紙, 而家免費真好
攞住張Airport Transfer Voucher仲可以免費參加4小時Walking Tour
Tour 11點開始, 我地去左Mcdonald食早餐
酒店旁邊有呢D攤檔, 好多野買嫁
好多歐洲人都希望春天盡快來臨
Walking Tour就係舊城區呢個鐘度集合
呢度大大話話有十幾個Walking Tour
導遊第一件事就叫我地去欣賞牽逢正點既敲鐘, 其實只係個鐘響11下, 有D旅客睇完說: OH NO
可能大家太有期望呢個時候老公已經遇到朋友, 原來係同一個Tour, 世界真細小呢
個Tour分左兩部份, 第一部份主要係舊城區, 導遊會講好多歷史呀, 捷克人既生活呀, 有咩名物咁
可惜小女子記憶力太差, 都唔係好記得
結論係捷克人都好命苦啊, 共產時代被前蘇聯嚴密監察, 每6米就有一個蘇聯人監視
不過而家都有值得自豪既地方, 就係佢地既貧富比例相差好少, 幾乎全歐洲最低
而佢地最多建設都係CharlesIV在位既時候起
記得導遊都幾詳細介紹兩隻熊
捷克好多建築物地上會鑲左呢D牌, 係話比你聽戰前曾經有呢D人住過
布拉格每晚都有大大小小不同的演奏會, 價錢亦唔貴
上半PART好快完左, 有半小時休息時間比你去下廁所, 食下野咁
我地去左呢間林寶堅尼Cafe食左D輕食
第二Part開始去河既另一邊, 好快就行上查理斯橋
見到對岸既城堡
以為日本先興用鎖鎖上祈求愛情, 原來捷克都興
入到城堡區, 導遊介紹左呢道John Lennon牆
我地一口氣行左一條大斜路上到呢個高處, 真係超索氣
呢位靚仔捷克兵好無奈咁變左我地既Model
終於去到城堡上最大既教堂
壁畫好靚啊
老公點都要影阿當同夏娃
呢度就係我地個旅行團解散既地方, 最後我地都有比Tips導遊
我地就沿住呢條路落山
都係時候介紹下我地D團友, 首先係導遊先生
圖中央位大叔支長炮真係好勁, 可能對面海都影到
後面對情侶成日卷煙草食, 個女既成日腳震震, 唔知係咪煙癮起
前面紅色帽個位少女身材都幾索, 佢同媽媽一齊參加旅行團
Join完個walking tour隻腳勊到想死, 仲好鬼凍, 我腦海裡淨係想食好熱既河粉啊
去左酒店附近一家越南菜, 起初以為無MUD人, 點知裡面幾乎坐滿, 原來捷克人都好鍾意食越南野
泰式冬蔭公好好味呀
生牛肉湯河唔係好似香港果D, 佢好似擺左番西冷扒上去, 不過人在異地有亞洲野食真係好幸福
唔知點解, 我去日本十日八日唔會掛住食中國菜, 但去歐洲食得麪包多真係好掛住亞洲菜, 記得讀書時同同學去歐洲旅行, 就算幾窮我地都爭取係每個國家食一餐中國菜
沒有留言:
張貼留言