Day 1(Part 1) 大阪站+尼崎

第一天為左爭取時間, 坐凌晨機往大阪, 係機鐵站Check-in時地勤同我地講已經轉左我地個位去Premium Economy

向OSAKA進發

  

第一次坐呢種Class好興奮, 雖然身邊好多朋友都試過, 佢地都覺得好不外如是, 試坐了結果都係有點失望, 因為我身形嬌小, 個位係濶左, 但變左有點吊腳, 老公就覺得OK, 因為佢夠高大, 成程機得都覺得好涷, 無MUD瞓, 老公瞓到豬咁, 結果冷親, 大傷風

飛機準時抵達關西空港, 由於我地坐得比較前, 好快過到關, 去到鐵路站大概6:40AM, 其實趕得切坐南海電鐵ラピートβ俗稱黑武士個款車, 不過唔知點解我揀左坐遲一班開既普通車

買呢隻関空ちかトクきっぷ：980 円, 可以坐多一程地鐵, 留番黎由難波坐去大阪站。

今次住難波SWISSOTEL HOTEL NANKAI, 好方便呢!

 先上去放低行李, 我同酒店職員講我地想收拾下行李, 結果佢招呼左我地去一間小房間裡面, 我地即刻叉電、去TOILET梳洗, 攪左半個鐘先出番黎

然後用埋張飛由難波去大阪, 就係為左買阪神電鐵一日PASS, 只係500YEN就可以全日任坐, 可以去到神戶咁遠, 點解會買呢張飛呢, 事緣係我住難波, 去大阪DOME最快就係坐阪神電鐵, 只需4分鐘,  坐一程都200YEN啦, 咁不如買PASS, 因為散場好混亂嘛, 所以我一般都會買定回程飛OR PASS

不過呢個PASS唔係所有地方都有得買, 我地係梅田駅都搵得好辛苦先搵到呢個TOURIST CENTRE

PASS到手, 裡面仲有好多COUPON, 同埋介紹阪神電鐵沿路既名勝

係大阪站流連左一陣, 係阪神百貨買左D小物, 不過我都係鍾意係難波SHOPPING多D

跟住去左阪神電鐵其中一個重點推介地點尼崎, 由梅田坐快車去只係9分鐘咋

呢度D紅豆燒魚只係60YEN, 好好好好味呀.... 計番港紙, 唔洗$5

見到紅葉就令人身心舒暢

呢個花串好攪笑啊

行左一陣商店街, 不過無MUD野買

然後再坐阪神電鐵去DOME前站, 帶老公行下DOME先

以為好少人買GOODS, 諗住幫下朋友買場限, 點知原來都係好多人排隊

探完路番難波自由軒食野,  其實第一次去

咖哩飯好正呀

蛋包飯一般啦

 老公ZOFF配眼鏡, JINS都係信唔過>.<

番酒店CHECK-IN, 一入房就見到酒店送比我地既結婚十週年禮物

今次住24樓, 飽覽大阪景致, 係酒店房係望到DOME嫁, 唔知有無人可以話比我知ARASHI係大阪係住邊間酒店呢?????

酒店AMENITIES都算齊備

訂左好多貨, 老公見到咁已經話我地唔可以再買野(CRY)

係酒店瞓左個半鐘, 儲番D ENERGY去好好好重要既CON