DAY 1 & Day 2 (Part 1) 東京暴風雪, 花了接近24小時才到旭川

話說一踏入馬年就開始惡運了, 重感冒, 四天假期一直在睡, 希望出發前可以痊癒, 好彩總算病好, 但出發當天日本暴風雪, 大鑊!! 我坐下午機往羽田, 剛好係天氣最差既時間降落。結果出發前一晚一直睡不著, 可能之前瞓得太多, 最後果幾日一直都無得瞓, 好慘

出發當日, 老公仲一早係香港站CHECK IN, JAL出到BOARDING PASS比佢, 但到上午11點就收到JAL的EMAIL說我原本下午3:40的航班要延遲到22:15先起飛, 去到東京會係凌晨3點, 咁都諗住算啦, 反正第一晚都只係住羽田機場附近既東橫INN, 咁既話我唯有取消酒店, 其實我當時的行為都有點蠢, 因為當日先取消其實都係100% CANCELLATION FEE, 咁點解要取消呢??

點知一取消之後, JAL就打電話黎話可以轉我坐下午4點幾起飛既國泰航班, 當時我只係想快D到東京, 亦好傻地認為呢班機可以準時降落, 但問題又出現了, 我無左晚酒店BOOKING喎, 咁瞓邊???? 上網CHECK羽田附近的酒店都全FULL, 咁我打去BOOKING.COM問我原本訂間東橫INN可唔可以RESUME個BOOKING, 結果當然唔可以, 仲BOOK唔番

但已經要趕去機場了, 其實我都預左瞓機場, 因為記得上次311地震時係酒店遇到既香港人同我講, 發生咩事既時候, 只有機場係最安全, 無論如何都要諗辦法去機場

我同老公講要瞓機場, 佢好唔開心, 話要沖涼, 結果朋友好勁, 幫得撲到我原本住間酒店隔離間東橫INN, 咁總算安心了

興奮地去到日航COUNTER, 工作人員幫我地轉去國泰航班

睇下我地原本班JL026嚴重DELAY了

見到果架飛機被拖走有點攪笑呢, 其實我好想坐果架777客機嫁

國泰架機係747, 有點舊呢

準時起飛了, 機師無話要DELAY, 到8點幾去到羽田機場附近, 機長廣播, 由於天氣惡劣, 羽田機場跑道有積雪, 所有航班都不能升降, 只能轉飛附近的名古屋中部空港, 當時仲諗會唔會要我地係名古屋落機呢???

名古屋一D雪都無呀

等呀等呀..... 隔離都有幾架泊左係度既飛機, 有燈光, 我懷疑都係等候飛東京既飛機

飛機開始加油, 工作人員上飛機補給食物

我地每人獲派一盒SNACK, 好可愛呀.... 不過我地只食左一盒

 隔離那位日本乘客有點不耐煩, 問可唔可以係名古屋落機, 結果當然唔得啦

機長不停UPDATE我地情況, 由原本話好快可以再飛羽田, 到後來通知我地羽田最快要凌晨一點先可以重開, 講下講下仲話考慮改飛成田, 不過跟住又話收到消息成田機場已經FULLY OCCUPIED, 附近D酒店全FULL, 交通全停.... 好彩, 如果佢飛左我去成田都唔知點算

1點左右.... 我FEEL到隔離架DELTA已開走, MALAYSIAN AIRLINE又開走, 我地架機好似開緊個ENGINE, 機長終於話帶我地去羽田了.... 超開心啊

可惜我係飛機上真係無MUD瞓

準備降落時架機好搖晃, 有點想嘔, 但到跑道時又好順, 可能係冰面上滑行啦

不過係羽田搵位都搵左好耐, 三點終於可以落機了

機長辛苦了, 機員也辛苦了

睇下機場幾多雪

去到東京只係惡夢既開始咋..... 又收到EMAIL話我地07:45既東京-旭川航班已取消

羽田機場當時好多人, 有D瞓左係度, 我地執左行李先, 換上禦寒衣物, 第一時間要由國際綫去國內綫

當時只有巴士, 但要4:54先有第一班車, 4:30已有人排隊了, 我地都唔執輸, 係2度既室外排隊, 順利上到第一班車

不過巴士開左幾分鐘已經出事了, 左後轆跌左落雪中, 司機越踩油, 架車越跌得深, 我當時正坐在左後方, 架車真係差D反, 我有諗過點解我地唔成車人落去推車呢??? 橫掂我地咁多人, 但我又唔識同司機溝通, 車上有一班芬蘭人帶住好多滑雪用品, 老公仲講笑話芬蘭無雪滑嗎??

後來司機打電話去其他職員求救, 職員教佢救車方法, 總算開得番架車

全部都欠航

去到國內線, 要630先有職員處理我地, 有理無理排住隊先, 大概幾十人啦, 我同老公講你當自己排CON GOODS啦... 哈哈

本來老公好唔耐煩, 但見到可愛既日航職員就變得好爽, 當時已經可以任我地揀飛去邊, 我最後都standby番旭川, 有張整理劵, 稍為安心了, 可以去吃早餐

機場既展望台都CLOSE了

排隊去CAFE食早餐, CAFE個VIEW真係超讚

好少見舖滿雪既羽田

辛苦左一晚, 終於有得吃了

我地10:30去STANDBY的COUNTER等候, 雖然最後都換到BOARDING PASS, 但DELAY得好嚴重, 問題唔係天氣, 唔係無飛機, 又唔係無乘客, 只係機師成點鐘先施施然上飛機, 唔怪之我地要等咁耐

好彩我地都有食左野

起飛了.... 噢.... 東京一片白色, 難得一見

下午3:30終於到達旭川空港, 我地落機時機場既旅客都展露了笑容, 可能佢地等緊我地班機飛東京

外面好凍啊! -9.7度

結果比我原定到達時間遲左6個鐘, 咁我取消左去層雲峽, 其實損失又唔係好大, 因為來回層雲峽都要4 5個鐘, 咁咪住旭川囉

總結整件事我覺得係耐性既考驗, 香港人一般都無耐性(包括我自己), 發生事故後只懂抱怨而唔諗方法解決, 反觀日本人遇到這些事一點都不慌亂, 安靜地等候, 這點好值得我地學習

後來知道好多港人滯留東京, 其實航空公司一般都會優先比位已係機場等候既乘客, 如果你連等都唔肯等既話真係無人會幫到你囉