今次呢個旅程最重點係札幌雪祭, 想黎左好多年, 通常雪祭較接近農曆新年所以無MUD機會黎, PLAN左好幾個月, 終於可以實現, 非常興奮
趁住下午稍為好天氣就從3町目開始, 唔好以為真係咁好天, 時而大雪, 時而放晴, 但真心又不算太凍
第一個見到係台灣觀光局既大雪雕, 側面咪係101?? 話說都好幾年無去台灣LU, 可能我太鍾意山風, 變左有時間都只去日本
呢度有免費拍照, 但佢送比你幅相係異常細, 結果又係比左1000YEN買相
無端端有AUDI展覽, 但..... 如果唔係被雪舖住會唔會更似一部車呢???
全場最重點應該係呢個冬季奧運主題既大雪雕, 亦係保存最好, 起碼無比雪落到變形, 呢D大型雪雕係自衛隊整嫁, 有時諗佢地都幾無聊喎, 不過果段時間自衛隊應該主要去剷雪, 成個日本太平洋沿岸都被雪淹蓋
下面呢個係可口可樂贊助, 北極熊好可愛
下面係馬來西亞觀光局既雪雕, 有管樂團表現嫁
呢個唔記得邊度既產品
但老公對美少女比較有興趣
札幌電視台40週年雪雕, 附近仲有人派禮物
裡面好多正野呀, 包括失戀朱古力職人封面節目表, 仲有貼紙, 紙巾, 洗頭水SAMPLE, 最緊要係有一本2014記事簿, 價值1470YEN嫁
行下行下就係日清場
小朋友可以滑雪啊
除左大型雪雕, 沿路有好多小型雪像
始終去到最終日, 都唔係幾完好
札幌雪像都不可以行埋去影相
梨精十分攪笑
我覺得呢個漫畫雪像整得最精細, 點解個女人個胸要咁大???
下面係桃太郎
拍照既話札幌既雪像好似立體一D, 可能背景不算太白
呢個係近期好紅既棒球手, 田中將大
睇左咁多白色野, 彩色既准一變得好吸引
黎到國際賽AREA, 呢件泡菜參賽作品, 居然攞大賞, 完全理解不能??? 究竟佢要表達D咩呢???
不過點騎呢都唔及呢個新加坡参賽作品
相比之下, 香港參賽品美觀好多
初音係今次雪祭既代表
去到最後既小型作品, 差唔多全部變形, 睇得出係咩嗎???
呢位沙羅小姐係北海道出身奧運代表, 大家都對佢充滿期望, 可惜最後佢只得第四
呢隻ANGRY BIRD, 前面個外國人見到變成咁, 都感嘆: ANGRY BIRD... OH MY GOD
無買其他限定, 只對限定可口可樂感興趣
沒有留言:
張貼留言