Day 3 長野高遠城址公園、諏訪湖

一朝早睇電視就有ARASHI新歌GUTS MV發表, 舞步太攪笑, MUD解咁似鄭多燕既健康舞, ANYWAY GUTS係一首好元氣既歌, 聽完就覺得自己好元氣

點會真係四點幾起身呀..... 後來瞓番先起身, 食完早餐8:15係酒店Check-out, 去對面上野駅坐長野新幹綫去佐久平

特登揀呢班係E7系, 果然新得要命, 地下都感覺好乾淨

不過唔明點解D座位咁鬼直角, 唔校低真係坐唔到

一個鐘頭十五分鐘就到達佐久平了, 呢處地方好似從來未黎過, 係呢度落車皆因KANTO PASS只可以去到呢度

就係呢架ASAMA

落車只見好大霧,實在有點揀錯日子黎, 個天黑到呢..... 爭在未落雨, 不過算啦, 反正係自駕, 經JALAN租NISSAN, 14700YEN租3日兩夜MARCH, 包埋保險, 後來改輕井澤還車都OK

開車去.................. 

沿路都見到好多櫻花, 長野不只紅葉美, 櫻花也很美

由佐久平去高遠要兩個幾鐘, 中途係休息站醫肚

去高遠有好多種方法, 如果非自駕可考慮由新宿坐火車直達茅野, 再轉巴士, 話說我自駕同樣可選兩條路, 就係經茅野(沒有路費), 同另一條要行一小段高速, 經伊那到高遠, 去程選左後者, 應該係最好既選擇, 話說之前見網友話伊那去高遠呢條路好舒服, 又唔塞車, 初頭以為有無咁誇, 點知回程我地由高遠去諏訪湖經左茅野, 嘩, 又上山又落山, 又多車, 彎彎曲曲, 差D嘔

去到見有停車場指示, 就入左去泊 

停車場既櫻花已經靚到爆, 呢隻係偏紅既櫻花, 我LIKE呀

免費耶, 當然免費要付出代價, 就係要轉shuttle bus

100YEN一程shuttle bus, 直抵高遠城址公園入口

我地後來發現有更近入口既停車場, 不過要比錢同埋都係要轉車先到門口

當日開花狀況係滿開

都未入去已經見到滿滿既櫻花, 可惜單用相機係唔可以表達個度有幾多櫻, 只可以話係我去過咁多次日本見過既最多最多櫻, 仲係同時綻放, 你話震唔震撼呢??

我地從南口入去

星期五都多人都爆, 官網已經預告周末會非常混雜, 因為之後既星期六係好難得既周末+滿開+晴天

所以我決定陰天都去左先

雖則話陰天, 係櫻花樹下拍照都不算太差, 起碼影人唔會陰陽面

呢度櫻花特色係D樹特別高

當然有櫻花祭啦

好多野食嫁, 不過我一定唔會食燒魚囉

唔食聞下都好開心

呢個就係高遠閣, 唔似一般櫻花配廟咁齋

上去高遠閣要預訂嫁, 我當然無訂啦

賞櫻一定要食櫻花雪糕

雪糕裡面真係有櫻花

最後都食左個燒そば

回程又坐SHUTTLE BUS返停車場

巴士站都靚過人

其實高遠值唔值得去呢?? 如果真係只去呢處賞櫻係花好多時間, 由東京去起碼要3小時, 遇上假期更係超塞車, 如果唔係住長野, 就唔係咁推介, 自由行確實唔會特登黎, 但我地都見到有d香港團黎呢度, 可能復活節剛巧長野有櫻花啦

之前已經講過回程行茅野山路好辛苦

去溫泉酒店前行左藥店, 好大張Jun Jun Poster

呢間溫泉酒店叫湖泉莊, 講都無人信, 訂呢間酒店係貪佢平

呢間房有50平方米, 2012年新裝修, 只係28200YEN一晚, 仲有湖景, 呢款和洋式房我最LIKE

不是一般溫泉酒店既洗面盤

廁所都好COZY, 小燈好精緻

間房大成咁

仲有50吋TV, 正呀.... 夜晚MUSIC STATION有ARASHI

房租仲包貸切風呂, 約左6點浸

天仲未黑呢

洗面用品齊全, 日本的溫泉旅館就係咁貼心

旅館大堂就無想像中咁COZY

晚飯了, 量真夠多

信州牛食幾塊已經飽到反肚, 唔知點解最近食牛都覺得有騷味, 係時候要戒牛嗎??

ORDER左一支酒

好彩趕得上MUSIC STATION, ARASHI X 小新, 有夠攪笑