興奮咁去機場check-in, 職員已經話札幌飛黎既航班可能會遲, 問我有無問題, 都無計啦
大家如常咁CHECK-IN
一路查住札幌飛黎既航班, 飛行中喎, 點知職員廣播話班機折返
噢...... 見唔到妹妹一家了
大家即刻走出黎改機票
唔知點解個一刻好想走, 其實之後有一班HAC飛札幌, 我走去問有無機位, 職員話得番一個位, 無理由掉低老公嫁... 所以死死地氣去揾返架酒店車回酒店
點解?? 點解HAC架細機都可以降落, ANA話曬都係737居然降落唔到
就係比返間未打掃既房比我地, 不過毛巾朝早已經換左
諗緊呢一日點過, 其實返到酒店都四點幾, 又無車, 可以點??
反正酒店無野食, 行去附近間便利店, 所謂附近都要行半個鐘, 來回用左個幾鐘
岸邊風好大, 總算HEA左D時間
我地要繼續浪費時間, 落去沖涼兼浸溫泉, 又HEA多一個鐘
都未試過係便利店買3千幾YEN野, 因為要儲好多好多糧
估唔到可以一人隊一杯大啤
正所謂苦中作樂
北海道便利店SEICO限定既HOT CHEF, 都幾好食呀
我真係要食下肉
無聊到研究房裡面既樺太島(即係庫頁島)地圖
好彩係星期一, 有月九劇HERO同中居既節目, 未夠十一點就瞓著LU
ANA 都唔好提了, 以往最靠得住, 點知我上稚内班機, 坐咗上去一樣取消.....
回覆刪除OMG 去稚內都取消, 仲要上埋機?? >.< 我覺得而家日本d內陸機好靠唔住, 天氣稍為唔好就取消, 可能打風有籍口唔洗賠, 所以奉旨唔飛
刪除反而d小型airline仲可靠, 真奇怪
我嗰日藍天白雲, 係隻機死咗
刪除咁大間 airline 在新千歲都搵唔到一隻 spare , 幾無奈
可能下午有另一班機所以ANA唔想攪咁多野, 反正內陸機欠航唔洗安排酒店食宿, 我諗緊將來都係要減少坐內陸機, 除非係札幌東京呢D POPULAR航綫, 飛小型機場真係好幣, 一上唔到機就打亂晒個行程>.<
刪除咁又唔得, 唔靠內陸機好多地方都無得去.
刪除其實冬季我都預咗經常受天氣影響會 delay / cancel, 估唔到夏天都中.
夏天又會打風, 可能春天秋天會安全D
刪除