Day 4 (Part 1) 利尻深度遊

安睡了一晚, 望出窗外, 天氣好似比之前更差

第二次租平d既日產, 5500yen一日, 係利尻預訂租車好似幾複雜, 一般網上未必租到 <--- 其實只係一直無諗過租車, 點解我地可以walk-in呢, 因為渡輪停航左兩日, 好多租車預訂都取消, 變左我地一入去就租到車

一分錢一分貨, 架車好舊下, 行左8萬幾公里, 呢度租車有個特點, 係唔洗入油嫁, 因為島太細, 行一圈都係幾十公里

是日決定深度遊, 平時唔入既博物館都要入去, 唔係點hea到3個鐘, 好彩入場費只係200yen

第一個去利尻島鄉土資料館

我地研究左好耐呢隻海獅係咪標本

島民都係以捕魚為主

呢d咁似撈泥揪

模型都好值得欣賞

在我黎講, 最有興趣係關於樺太犬既介紹, 原來南極大陸真係做足資料搜集, 唔記得影, 有出征南極既狗狗名單, 真係有力奇嫁....... 同埋利尻島派出5隻狗, 對南極考察非常有貢獻

諗起都心酸, 狗狗為左人類牺牲, 但人類只係顧自己而放棄佢地

海膽係咁樣吸上黎, mud唔係由海女潛入去捉嫁咩?? 呢排睇"海

女"又上脳了

昆布就係咁樣撈出黎, 如果唔係打風, 應該可以睇漁民撈昆布

資料館仲有個花園, 介紹利尻特有既植物, 有少少陽光呢

不過車開左一陣又狂風暴雨, 呢一刻唔知可唔可以飛返札幌

重臨龜一食堂, 職員都認得我地, 仲同我地講"昨天多謝了"

其實留島都唔係咁差呀!!

今次唔食海膽, 食燒物

係度買昆布仲有雪糕COUPON送

咖哩飯うまいい

利尻龜一非常有名, 係Trip Advisor推介

NHK都有介紹

醫完肚參觀第二間博物館利尻町立博物館

呢度多一隻海獅喎

仲有兔仔標本

利尻周圍都貼上呢套電影既宣傳海報, 外景場地利尻島, 不過利尻唔似有戲院喎

道北魚類標本, D人成日話日本核爆後出左好多怪魚, 其實會唔會係呢D怪魚一向都有呢?? 呢度有D魚超古怪啊

門口漁船既大型模型

沿路經過前一日去過既地方, 橫風橫雨絕對唔敢落車, D浪大到呢......

以為去左Surfers Paradise, 好擔心要繼續滯留, 已經打定輸數

老公點名要去沓形岬

我都好想企上去影相, 可惜風太大, 恐怕會被吹走

呢度有足湯但關了

8月12日往稚內礼文既渡輪全部欠航, 唔通坐飛機先走到??

最後行藥店, 都幾大喎, 仲有翔哥哥代言既ESSENTIAL洗髮水, DM任攞