4日3夜好快過, 唔知係咪因為無租車, 又加上病左, 兩個都又痾又嘔
, 真係好攰, 仲辛苦過去8日, 我諗我地個年紀已經唔可以非自駕去旅行lu, 不過我發覺一樣野, 就係坐長途車反而舒服過坐短途車, 因為可以瞓一陣補充體力, 坐幾個站地鐵又要行上行落真係頂唔順
今次旅行創左好多紀錄:
不過卒之滿足左我睇紅葉既慾望, 雖然出發前不斷留意氣象廳既天氣預報, 但係始終同現實都有些少出入, 所以到頭黎個行程都係同我original個plan係幾乎一樣, 所以有時諗, 做人過多既計算, 真係無mud意思
呢排都好忙, 不過星期六唔洗做facial, 個寬頻又無壞, 卒之可以好專心咁CHECK下D東京既INFO, 首先CHECK到上野一個都好重要既景點, 就係上野アメ横二木の菓子, 定休日係水曜日, 總之唔係星期日休息就無問題啦
我個四日行程其實都可以SWAP既, 見到SANRIO PUROLAND有個優惠WOR, 11月21日及22日下午3時後入場只須1000YEN, 嘩..... 真係超平WOR, 但又驚好多人, 又唔知係咪passport, hm.... 如果可以係大黑屋買到1800YEN飛, 咁都唔係差好遠JE, 我都豪得起, SANRIO PUROLAND最好留番落雨個陣去, 因為係室內。
ARASHI又出左新SINGLE, 我當然係網上試聽左
, 原來係相葉雅紀套新劇MY GIRL主題曲, 坦白講, ARASHI五個之中, 我真係最麻麻相葉, 完全未睇過佢D劇, 不過隻碟都好似幾好聽, 考慮緊買唔買好 今次我真係要去原宿間JOHNNY'S, 上次大阪個間實在太失望
呢次去東京純粹HEA下睇紅葉, 由於而家仲未有下週既天氣預報, 所以行程可能都會變, 不過我想揀日有太陽上高尾山, 因為如果好天既話個度可以望到富士山
Day 1
機場 - 新宿 - 上野 - 新宿 - 汐留 - 六本木 - 新宿
由機場去新宿我決定坐Monorail+都營大江戶線, Monorail會買單程飛, 然後買都營線一日票, 由於星期日到東京, 都營線有Promotion, 500yen 1 DAY Free Pass都営地下鉄「秋」のワンデーパス。由機場坐monorail去到濱松町, 再行路去大門駅, 坐都營大江戶線去都廳前, 就會到達我住既Hyatt Regency Tokyo。去到酒店放低行李後, 就即刻去上野, 今次想去上野恩賜公園, 睇下有無紅葉, 然後就去掃零食, 跟住番酒店CHECK-IN同擺低d手信。
買左pass一定要善用, 我地仲會去國立競技場, hehehe.... 因為SMAP同Arashi都係呢度開過演唱會，一定要潮拜。之後會去汐留同埋六本木，參觀TV Asahi
, 因為我係Music Station Fans, 仲要去埋東京鐵塔
Day 2
吉祥寺 - 原宿 - 澀谷 - 惠比壽
會去井之頭公園賞紅葉, 是日係結婚週年, 夜晚點都要去d浪漫d既地方食飯, 我終於搵到一個同我一樣咁鍾意去日本既同事, 佢介紹我去呢間係惠比壽既"Vivi La Verde"餐廳食飯, d野好唔好食就唔知, 但個view真係超讚, 已經係網上訂左位, 希望可以坐到window啦
Day 3
高尾山 - 相模湖 - 新宿
我會買呢款高尾山割引乘車卷, 平日1320yen, 包新宿-高尾山來回車票同埋高尾山cable car來回飛
秋天高尾山係東京近郊賞紅葉勝地
相模湖同高尾山都係十零分鐘車程
Day 4
多摩 - Sanrio Puroland
我個妹話大黑屋買Sanrio Puroland飛只係1800YEN, 我老公未去過, 順便去多摩附近逛逛, 夜晚8:30PM返港
希望我去高尾山個日唔好落雨啦