可能要放棄Tokyo Dome

Yen高係人都知, Arashi係日本人氣就更高, 雖然東京dome未出座席, 但係網拍價錢已經貴得驚人, 我又未買飛, 如果真係太貴既話, 我可能要放棄喇 好唔開心呀

日本d黃牛黨同香港d地產商都係一樣, 食水極深 我地呢d fans真係想睇場con都要付出高昂代價

解決方法:

1. 努力賺錢, 為見偶像一面

2. 有無必賺股票? 等我賺番場演唱會飛都好

3. 飛起老公, 自己去睇

似乎3係最有效解決方法

因為松潤而愛上的品牌

Fred Perry

雖然有d遲, 不過我真係好鍾意呢件Fred Perry, 仲專登係英國個website訂左件番香港, 當然唔係我著啦, 比某人著既

Franck Muller

唔好意思, 呢d係轉貼百度有位好有心飯既post, 睇完夏虹之後勁鍾意Franck Muller, 某人又買左隻, 雖然唔係松潤個款, 因為真係好貴, 同埋都唔見香港有得賣。

某人雖然好鍾意扮松潤, 不過我都係覺得佢似YAYA嵐多D

10-11Tour x 小妹生日+NINO

其實可以有關係, 又可以話無關係, 不過我一睇呢個名就諗起自己生日, 因為我係10月11日牛一, HEHE.... 夾梗扯上關係

尋日終於一口氣睇晒NINO D訪問, 真係好感觸, 感覺佢地而家既紅黎得一D都唔容易, 其實NINO一向係我心目中係五子之中最識演戲, 我曾經都以為佢個樣會一直都長唔大, 不過最近發覺佢多左幾分男人味, 結果夜晚發夢見到NINO, 好SWEET

講番訪問, 真係估唔到佢地係日本做藝人, 真係表面風光, NINO話因為收入已經唔可以再維持生活而要拍"給硫磺島的信", 唔怪得佢地04演唱會之後SHO要坐的士走啦(佢有D事唔可以跟大隊), 公司連一架車都派唔到比佢, 真係好慘(呢個係我個人推算)

ANYWAY..... 我老公係咁問我要咩生日禮物, 我一直答要TOKYO DOME個場CON 飛, 希望佢識做啦 好快就見到佢地喇

Yen高企慳錢法

本身自己都好鍾意去日本旅行, 最近發生釣魚台事件, 好多人都打退堂鼓, 改去其他地方, 我唔敢話日本一定好安全, 不過因為我係睇con, 所以除非發黑色旅遊警告, 否則我點都唔會取消個trip, 但係我覺得yen高先有最大影響, 前排日本政府入市先跌得少少, 最近yen又升番上高位, 真係都幾傷下, 所以要諗好多方法去慳錢, 以下係我最近發現d少少慳錢心得

一、機票 - 用mileage換, 仲要記得換埋內陸個d, 咁樣可以去多d地方, 但成本都一樣

二、酒店 - 我以前都係jalan同樂天訂, 因為可以隨時改, 同埋好似平d, 不過今次由於Arashi五子11月13日同14日係札幌開con, 呢兩晚, 尤其是11月13日晚, 札幌幾乎所有酒店都full, 就算有都好貴, 不過我試下搵東瀛遊同priceline, 仲有d HK$600-$700房(聽講因為好多國內人退房..... 正呀!) 仲係呢兩晚, 跟住search埋東京d酒店房,  係香港旅行社book分分鐘有so, 仲唔會受匯率影響, 當然唔好處係無得改同埋唔一定係non-smoking room lor (後記 : 卒之經康泰BOOK到 6, 7百一晚ge酒店, 即時confirm)

三、係網上買pass個rate好抵 - JR East最近又出特價JR East Pass 10000yen 3 days flexible, 我之前問過東瀛遊, 呢個pass無特價, 上星期問折港紙要920, 但係我直接係JR EAST網上訂, 個rate只係兌885, 平左幾十蚊, 所以我諗都唔諗就買左, 好驚佢遲d個rate會adjust番

四、買演唱會飛 - 相信好多人都會係 www.ticket.co.jp 買, 我都係, 不過標出黎, say 10000yen/ticket, 但收收埋埋d雜費, 真係好唔抵, 其實去到日本d 金卷店都有演唱會飛買, 雖然我未試過買, 不過我估明碼實價, 無雜費啩 等我試下得唔得.... hehe

Anyway, 都係個句, 量力而為, 去旅行太慳又無謂, 要借錢又唔係咁好, 大家玩得開心d喇

11月演唱會之旅(行程)

機票: 出左...... 大阪轉機往札幌, 再落東京, 係羽田番香港

酒店 : 係樂天同jalan訂左, 基本上兩晚札幌, 四晚東京加一晚輕井澤

演唱會票: 買左盲飛, 唔敢奢望, 90%山頂位

JR East Pass (3 days) : 上網買埋..... 我見兌8.85.... 好抵呀

雖然呢個trip主要係睇演唱會, 不過都有旅遊部份ge.... 我既然去得東京, 當然係好想睇東京dome個場啦, 不過都要睇下d飛貴唔貴, 我諗住去到東京先買, 因為我之前係上野見過有得買, 今次我都會住上野, 有間新開Mitsui Garden Hotel, 都唔係好貴, 唔洗10000yen一晚, 又好近上野JR站, 坐東北新幹線好方便

Day 1 香港 - 大阪 - 札幌 (一個人)

Day 2 老公呢日先飛過黎...... 好期待......... 一齊睇Arashi Con

Day 3 落東京..... 都好緊要.... 去買東京dome票

Day 4 日光, 鬼怒川

Day 5 輕井澤 (想租車)

Day 6 八戸 (有d crazy, 但想去下八食市場..... day trip去八戸)

Day 7 表面無行程...... 暗地裡準備睇Tokyo Dome場

Day 8 hea一陣飛番香港