Day 1 札幌、旭川

寫完日本東北遊記，上左癮，決定追加2008北海道+東京遊記。

其實恨左去睇北海道花田好耐，基於種種原因都未成行，2007年8月決定用ANA Mileage換機票，用左40000哩換左兩張札幌機票

一知道ANA開羽田線，即刻將機票改為經羽田轉機去札幌，零晨兩點上機，第二朝7點就到東京，咁大個女第一次去羽田機場咋，好多野食嫁

見到比卡超飛機，不過唔係我坐個班機

話咁快，10:30就到札幌，即刻去MAZDA取車，今次終於租到新款DEMIO

跟住直驅札幌場外市場食海鮮丼，不過好失望，因為好細碗呀

 

食完飯去左札幌SHOPPING，跟住先去旭川。

 

嗚謝篇

鳴謝:

1. ANA Mileage Club - 舊年8月去完北海道番黎體驗左日本大減價既吸引力，即刻又想去日本，不過想係1月去，適逢09年農曆新年又係一月尾，FIT晒，上ANA check 下有無位，1月22日下晝機去東京，有位WOR，回程1月29日最夜個班番香港都有位WOR。睇下自己D Mileage Balance，換2張機票(34000哩)無問題，隨即出飛 有人贊助機票，仲要農曆新年WOR，真係慳唔少


2. 我個妹，其實自己一個LOOK CARD同坐飛機儲MILEAGE又邊有咁多哩數YA，咁我叫我個妹出差(如果佢坐STAR ALLIANCE)記得將D哩數入落我個FAMILY A/C，都進貢左唔少哩數嫁，哈哈 仲要多謝佢借個大喼比我，不過最後都比我整爛左LU


3. 其他網友D BLOG詳盡既報導，無論係成功定失敗個案，都對我行程編排有重大幫助，尤其有關雪地駕駛同冬期閉鎖


4. 我個FRIEND K先生借出佢個TAMERON鏡頭，我地唔係好識影相，只係得部CANON1000D，不過個跟機鏡頭真係好SHIT，上次去北海道用過K先生部相機影D相都幾靚WOR，今次淨係借鏡頭，我覺得我D相都影得唔錯YA......... HEEHEE


5. 我隔離位個同事，佢一早08年中已經叫我LONG YEN，所以我舊年9月已開始入YEN，最後平均價0.076買左30萬YEN，慳左唔少


6. 最後梗係要多謝我既私人柴可夫 - 老公，我都知雪地駕駛應該唔容易，好彩我老公有多年駕駛經驗同埋佢對駕駛既熱誠，除左有一次少少跣呔外，基本上大風雪下、濕地定係雪地都無MUD問題。佢後來先同我講番其實雪地揸車好攰嫁，因為D路會反光，又要揸實個駄盤，比正常駕駛要用雙倍精神，所以要比十個多謝比佢

埋單: 兩個人帶左280000YENS去，全數沽清，買入價0.076，即係用左HKD21280，係全部酒店、食、住及部份手信開支。另外我自己shopping碌左HKD8345.41咭。機票只係HK$760x2，咁其實唔計買野都係大概12000一位啦

Day 8 池袋、再去台場、返香港 + 部份戰利品

10:00係酒店check out，放低行李就出發。由於老公黎咁多次日本都未去過池袋，所以就坐山手線去，由有樂町去池袋，差唔多係山手線既一半，好彩有位坐，半個鐘好易過。

差唔多十年無黎過池袋，最記得個度有三大百貨公司，東武、西武同Parco，真係好大呀。我淨係響西武都買左４萬幾yen野，買左把ＰＯＬＯ縮骨遮比我老細8400yens，抵啦，後來佢比左$5000利是我 (可惜佢就快離開公司，我被炒指數將大幅上升)。仲有係特賣場買左一條連身裙、一件褸、兩件冷衫同埋d Hello Kitty精品。然後係ANNA SUI買左兩隻介指同手鏈(每件3千幾yen)，三折，好抵，又係Agnes b買左個化妝袋。

我就滿載而歸，我老公一直都唔係幾開心，因為d男裝衫減價唔多，佢買唔到野。其實我地一月尾先到東京d百貨公司已經無晒福袋，但之前一日係台場見到好多舗都仲有福袋賣，Brooks Brothers有個福袋只係20000yens, 裡面有大褸、恤衫、有帽長袖T、樽領衫、背心冷衫、長袖冷衫、頸巾同手巾仔，我記得香港Brooks Brothers d 野都幾貴，所以我地再去台場買個福袋。Brooks Brothers d Sales 真好，開左個福袋比我地任試，我覺得個salesman有d似北村一輝。退埋稅個福袋都係19000yens

然後再係台場間Sanrio買左個福袋，記得杜如風係流行東京都係呢間Sanrio買過福袋，3000yens 全部都係Hello Kitty產品，不過我就無mud興趣，都係送比人做手信je

行下行下差唔多4點，番銀座行多一陳就番酒店執行李。本來諗住坐的士去濱松町轉Monorail，不過見咁多時間剩(執完行李都係6:30pm, 8:45pm機)，咁不如坐JR去濱松町啦，我地之前已經揾左一條路由酒店去車站(全平地)，再係有樂町站搵埋扶手電梯上月台，不過兩個喼都重20kg，仲有一個旅行袋既hand carry，我就行左10分鐘，隻手臂都幾痛呀。好彩就係唔洗托個喼上樓梯，同埋雖然係放工時間，山手線都唔算好多人，由有樂町去濱松町只係兩個站，轉車去Monorail都好方便，全程600yen，架列車有放大型行李位

其中一個喼(左手邊包晒膠紙o個個)手柄一開始已經爛左，我覺得係我由香港飛東京個程機整爛，不過我第二日先發現，ANA梗係唔肯賠啦，淨係肯出封信比我話個喼爛左唔關Airline事。個喼買左6-7年，係我個妹借比我嫁，佢買番黎都係百幾蚊，居然要我賠番$150比佢不過好彩旅遊保險肯賠番$200比我，咁我都賺左$50

右手邊o個個就係Brooks Brothers福袋

好唔捨得但都要番香港，其實兩日係東京係咁行係咁行真係好攰，我覺得玩8日感覺最好，有d依依不捨又未開始悶，玩4、5日對於我黎講又太少，所以我通常去日本都係去8日。

自認唔係咩潮人，去日本買野無mud追求名牌，咩Bathing Ape、undercover、visvim通通都唔啱我，我都係見到咩鍾意就買個隻(最緊要平同最好係日本製)，正如去食野都係去到邊食到邊，不過，我都好想分享下我部份戰利品(唔好意思，都係d cheap野):

呢盒野其實係之前係樂天訂，2000yen 十一件衫福袋加一條990yen裙，買個3000yens野仲要免費送貨

Here we go..... 個11件衫圍起黎百幾yen一件，quality比我想像中好，當然d衫係中國製，但各位有係日本買衫既網友都應該知日本買既衫就算係中國製，品質同cutting都係比較好, 番工攞黎打底都唔錯

呢條裙990yens，我好鍾意嫁，因為著得我唔肥，good

呢d係之前係石之森度買o既

條westwood頸巾好似係3000yens，頂冷帽係仙台買，仙台d款真係好少，不過係東北好凍，無mud選擇之下都買左

富士電視台手信

L'est Rose買，3折左10000yen(日本製)，雖然好多人都話個牌都係釘上去既je，咁都好過買d寫明中國製

都係L'est Rose，3折左10000 yens(日本製)

仲有之前都有介紹過我係樂天訂個d貨

最後個日買個d野無影到，所以睇住咁多先啦。

今次買衫比較多，所以就算個喼好大，都係20kg同21.5kg，無超重

Day 7 潮拜富士電視台

由於極愛煲日劇，所以決定潮拜一番，其實舊年8月黎過，個陣撞啱星期日兼有冒險王，人多到爆，淨係排隊上個BALL都要兩個鐘，我就梗係唔會排啦，所以無入去。今次特登閒日去，果然無MUD人

新劇VOICE，瑛太做法醫?? 有D人話有D似神探加利略

終於可以坐係BISTRO SMAP個張枱喇

 

交響情人夢演員簽名POSTER，好掛住千秋師兄呀

 

神探珈利略精品

當然唔少得我偶像木村套CHANGE既精品啦

 

參觀完富士電視台，就去左對面間築地壽司好食LUNCH，2300YEN一客。仲記得03年渡蜜月就係去左築地食壽司好，仲諗住去築地再食，既然台場有就無謂特登去啦

離開台場，番酒店放低D野，跟住去左原宿同上野行街。

Day 6 東北的最後半天＋東京銀座SHOPPING

早餐同樣好有誠意，熱騰騰的麪包，仲有好CREAMY既忌廉湯，同埋好有奶味既YOGURT，令人精神為之一振

又要收拾行李上路，成個車頂都係雪

由於無做功課，都係周圍跟D路牌睇下有MUD景點，呢個就係五色沼??真係睇唔到係咩色

繪原湖- 上面係可以冰釣。時間太早，完全無人

無咩好睇就去福島還車，我係JR駅前租車公司租，佢網上話租車買JR車票專享8折優惠，咁我還車個陣就問租車公司職員點樣可以有8折，跟住佢話要係取車個陣攪嫁WOR................. 吓............. 我仲諗住坐新幹線落東京會有折TIM...........

無計啦，唯有買正價飛啦。由於有兩大喼行李，所以同售票姐姐講，佢劃左最後一行位比我地，放大行李無問題

最後我都係住銀座Montery La Soeur，我都未住過，行李又咁重，梗係坐的士去啦，由東京站坐的士去酒店７１０ＹＥＮ，我就覺得好抵喇

係酒店行５分鐘已經係銀座ＬＶ旗覽店，上次買左個日版ＮＥＶＥＲＦＵＬＬ，今次無ＭＵＤ好買ＬＵ。