Day 3 松島、銀山溫泉

一朝早8:30AM出發去松島，唔洗一個鐘就到，即刻買10點開既船飛，隻船差唔多開過陣，見到幾個香港人上船，原來係我舊同事，估唔到係日本都撞到人。松島遊船最大特色梗係餵海鷗啦，不過一向怕雀仔既我就無餵喇

掛住同舊同事傾偈，都無好好欣賞日本三大美景TIM

遊完船河，去左松島SAKANA市場食海鮮，嘩! 超正，仲記得08年7月去北海道札幌食個D丼係用飲麪豉湯碗咁細既碗裝，都要二千幾YEN，呢度係用正常湯碗，都係二千幾YEN，上面餔滿海膽同三文魚子，超甜唔腥，好惦!

食飽飽，跟住就趕路去山形，由於冬天關係，所以選擇行HIGHWAY，一來安全，二來慳番D時間，同埋聽我舊同事講佢地行錯左條路，因為GPS只會選最短個條路，係山路，行到半路中途先知冬期閉鎖，天又黑又搵唔到路，非常驚險，不過我一早係網上睇人地d blog都知好多人跟GPS出事，所以我知要行國道13再轉國道347先可以順利進入銀山溫泉，所以都係預早d去到會安全d。宮城同山形好似兩個世界咁，宮城一D雪都無，山形就好大雪。仲記得我同事比佢去銀山溫泉同藏王D相我睇，佢銀山溫泉D相見唔到雪，真係有D怪怪地。好彩我未去到已經咁大雪，斷估都唔係無雪啩?

 

差唔多到銀山溫泉，我地去到都唔知應該將架車泊邊，我見到我地住個間古勢起屋個停車場，初初泊左入去，但係唔對路wor，離溫泉街好遠wor，咁大雪，我地又兩大喼行李，無理由要行過去嫁，於是我叫老公駛架車去酒店門口放低左行李先算，一擺低就有旅館職員接我地，放低行李，交低車匙，我地就可以上房lu。

古勢起屋係銀山溫泉裡面少有可以網上book房，再加上我係星期六入住，選擇更加少之有少，所以就算要共用廁所，我都頂梗上。上到房坐一陣，就落溫泉街影相，天開始黑，又落雪，真係好靚呀

影完相6點就番酒店食飯，都唔錯

浸完溫泉早d瞓，雖然要同人SHARE廁所，我住2樓，個女廁有4格，去咁多次廁所都無撞過人，可以接受。