終於搵到藉口去日本, 我同老公結婚6週年, 要好好慶祝
由於我一定要11月22日出發, 因為之前一晚要去我媽個大壽, 同埋我想坐凌晨機, 有restriction, 所以一定買唔到平野, 再加上我結婚周年個日撞正日本假期, 就算機票唔貴, 酒店都有surcharge, 之前又上網又打電話去旅行社問
明明話好憎住新宿, 點解今次又要住呢? 因為我諗住去高尾山, 吉祥寺, 新宿御苑等, 好似都係新宿搭車, 再加上當年度蜜月都係住新宿間Sunroute, 懷緬下都好, 我老公好好笑, 記得佢第一次入到間酒店, 佢即刻話: 間房咁細, 點住呀??? 我要同佢解釋日本d酒店係咁細嫁, 好彩佢而家已經習慣左..... 咁今次就同佢住得好d啦
去東京就唔會租車喇, 我要度下點樣買pass先係最抵。今次一早換左YEN, 點知而家好似係咁跌
卒之到左旅程最後一日, 唔知係唔係個天都唔捨得我地走, 連續7日既美好天氣最後都要劃上句號, 呢幅係酒店影出去既日景, 灰濛濛, 因為落雨呀...... CRYING
由於11點前要CHECK OUT, 所以部單鏡機都費事拎出去, 同埋都係行街, 無MUD相影, 個日有一樣好重要既事要做, 就係潮拜JOHNNY'S SHOP, 話說N年前去過東京原宿個間舖, 好多野買(相呀, 貼紙呀)同埋有D貼紙相機可以同木村托哉合照, 去到大阪間JOHNNY'S SHOP, 好唔惦，大部份都係賣相, 仲要係多數都係HEY SAY JUMP、關JOHNNY, 總之唔係好啱我, 所以無買野就走。
係心齋橋見到有間回轉壽司店990YEN任食, 我老公最鍾意任食, 梗係即入啦。話說排係我地前面有六個後生仔, 跟住係兩個十幾歲女仔, 我地一齊安排係同一條回轉帶, 當然我地兩公婆係最唔近食物出口啦, 好幣呀, 個6個男仔好似煌蟲咁, 將新鮮出爐個D壽司一碟碟"蠟"晒, 隔離個兩個女仔都唔弱, 總之我地睇中個D蔥吞拿魚壽司呀、疑似拖羅呀都比佢地搶晒, 佢地D碟好快"洞"到好高, 我地呢..... 唯有食D普通D個D啦。好彩個6個男仔食左半個鐘就走, 隔離個兩個女仔就坐得耐D, 不過都好犀利, 布甸都食幾碟, 最後係我地既戰績。
醫飽肚, 繼續行街, 其實都無野好買, 又無大減價, 由於個日落大雨, 好擔心點樣由酒店行去南海電鐵, 我地摸清條路, 於是就係酒店樓下行, 見到書局有好多雜誌都有D好靚GE贈品, 例如D名牌袋呀, 行下行下, 攪到4點, 其實我地當晚係坐6點10分機, 番到酒店又要執過個喼, 已經4:15PM, 由我酒店行去南海電鐵, 都要差唔多10分鐘(行得好快個隻), 我地之前一早係金卷店買左南海電鐵去機場車飛(普通車), 星期六、日平D, 好似700YEN咋, 但係正價係890YEN。
講番南海電鐵難波站, 當時有架RAPID 4:30PM開(約40分鐘到機場), 另外有架特急10分鐘之後先開, (約一個鐘先到機場), 我仲一心諗住坐特急算啦, 後來諗諗下唔對路WOR, 班機6:10PM起飛, 如果坐特急咪5:40PM先到機場, 雖然話ONLINE CHECK-IN左JE, 我真係唔係好敢博, 無選擇就無得好講啦, 於是即刻走去隔離個月台上班RAPID, 通常係日本坐開火車都知, 就算你無買飛, 你上左架火車隨時都可以補飛, 咁我一心諗住跳上車就得.....點知... 個月台有個關卡, 個職員見我揸住張普通車飛，要我地係部精算機補500YEN, 大佬呀, 萬一我上唔到呢班車點算WOR..... 不過當然以我地兩公婆咁好彩(只限於旅行), 都順利上左車...... 又係好驚險呀
去到機場5:10PM, 仲有成個鐘先起飛, 應該唔趕喇啩, 去到國泰COUNTER, 當然無晒人啦, D職員好似好趕時間咁, 都無幫我個寄倉行李做SECURITY CHECK, 淨係問我個行李有無危險物品, 跟住一幫我地CHECK-IN左, 個地勤即刻收擋, 走入禁區(入禁區催D乘客上機), 我地都過海關, 今次係唯一一次唔洗退稅, 真係買左好少野。我地有D肚餓仲食左個意粉先上機, 未去到閘口, 航空公司D工作人員係咁催D乘客上機, 其實都係5:40PM咋WOR, 我覺得個晚星期六個飛機師趕住番香港去老籣WET, 所以想早D起飛, 果然未夠6:10PM架飛機已經開走。
呢架係BOEING747, 已換上新款座位, 我都係第一次坐咋
班飛機比原定時間早左半個鐘到香港, 旅程結束了, 真係好唔捨得呀
總結支出:
2張來回大阪機票約5100, 帶左210000YEN(洗晒), CREDIT CARD約HK$6000
我諗兩個人洗左HK$27000左右啦, 其實我從來都唔識計數, 洗左開心咪得LOR
係時候分享戰利品:
呢個係3129YEN5件衫福袋, 係樂天訂, 我只係著過左上角個兩件, 二百幾蚊港紙咁多件衫, 我就覺得OK
呢對JELLY BEANS, 又係樂天定, 折實港紙220, 超讚
揚LEGGINGS 同襪都係百貨公司買
呢對JELLY BEANS就貴D, 6190YEN, 其實呢隻款係心齋橋D鞋舖都有得買, 但就唔係JELLY BEANS, 平一半, 不過真係好好著
呢兩條裙係JUSCO買, 1000YEN一條, 日本製, 好抵
係咁YEE買幾盒手信啦, 個兩盒FOG BAR係日本熱賣, 有型男(妻夫木聰、瑛太、小栗旬、三浦春馬)賣廣告, 類似定型水咁啦, SET裝1000YEN
呢D係MITSUI OUTLET買既, EDWIN牛仔裙3000YEN, 日本製, 我覺得係日本買EDWIN係最抵, 因為係香港買都幾貴
仲有之前上網買個D珍珠鍊無影到。
8日旅程好似放煙花咁, 又要回到現實, 總括黎講, 四國D住宿同食野都比較平, 所以我都唔係洗左好多錢, 加上我去旅行都算幾慳, 所以都在預算內, 希望好快又有機會同大家分享我既日本之旅。
一早8點幾係酒店check out
間酒店大堂都幾grand
朝早路面都係比較多車, 廣島同一般城市一樣, d司機都唔係幾禮讓
話說之前一日由松山坐船去廣島個陣時, 船上面有d介紹廣島既雜誌, 介紹左呢個世羅高原農場, 見都ok順路, 就去look一look, 居然要入場費700yen.....
我覺得廣島都幾舒服, 又無咁熱, 天色仲好好
呢d好似薰衣草, 叫ムスカリ , 同薰衣草一樣美, 總之令人心曠神怡
9月份係菊花展
d菊花好似人頭咁大
帶腳架真爽, 可以影好多合照
去完花田, 直踩3個鐘去神戶, 開到140公哩...... 唔係我地特別快, 係成條HIGHWAY D車都係咁快
點解咁趕, 其實係為左要去OUTLET SHOPPING, 由於個日係星期五, 有D塞車, 去到都4點, 但係我地7點要還車, 所以得兩個鐘, 好趕呀, 因為我老公要潮拜FRED PERRY OUTLET, 我就係EDWIN買左一條牛仔裙同一條短褲, 買咁少野都攪左兩粒鐘
我成日以為神戶同大阪好近, 諗住45分鐘都夠, 6:15PM先係OUTLET出發, 首先OUTLET個CARPARK要排隊比錢, 跟住由OUTLET上HIGHWAY個段路已經開始勁塞車, 跟住上到阪神高速, 幣.... 係神戶已經超慢駛, 見到綿綿車龍, 距離我地還車時間7點越來越近(因為間租車公司話收7點), 我試圖打電話比租車公司睇下佢地可唔可以等埋我地, 結果.... 雞同鴨講又點溝通到呢?
已經作出最壞打算, 就係租多晚LOR.... 當然唔想啦, 比多4000YEN仲要比泊車錢, 都係自己衰, 掛住行街攪到D時間咁趕..... 卒之去到難波, 已經係7:30PM, 去到租車公司, 仲有另一架車WOR.... 間舖頭仲有人WOR..... HORHOR
好彩個晚BOOK間酒店勁近租車公司, 行路去都唔洗5分鐘, 呢間HOTEL MONTEREY GRASMERE OSAKA, 09年7月先開業, 大堂係22樓, 5星級格局但只係8000YEN一晚
房間內的夜景實在太吸引了, 望到激安之殿堂wor
夜晚出去道頓崛食燒肉
激安之殿堂
有船坐
同老公都已經黎過3次大阪, 每次都有唔同感受
好險呀..... 跟住個幾日都重複上演呢一幕。
, 其實呢度係"吳", 係去廣島既中途站, 都好多人落船, 包括貌似速水もこみち 個兩個男仔..... 不過我地係船上發現原來佢地係....."基"架
實在太可惜lu
(唔緊要, 我一定會再戰日本)
