話說我一早plan左坐8:20am船, 之前查navitime由酒店去碼頭只係15分鐘, 不過我知要預鬆d時間, 所以target7:30am出門口, 可惜自己mememomo, 攪到7:40am先出門口, 仲要松山朝早番工時間極之塞車, 想轉右真係難過登天, 唉!都打定輸數要坐下一班船(要等成個鐘), 最後8:15am到碼頭, 見到售票處有兩個男仔, 有一個激似速水もこみち(絕對彼氏男主角), 兩個人揸架綿羊仔去到碼頭, 後面再排左兩個大嬸, 跟住就係我地同我地架車。
個兩個男仔同個售票大嬸講左好耐, 我都唔知佢地講mud, 但係眼見住班船就開, 但個兩個男仔又遲遲未攪惦, 仲係咁講"哥咩呢, 哥咩呢"(即係對唔住), 好彩最後佢地都連人帶車上左船, 然後個兩個大嬸都好快買左飛, 到我地喇, 已經8:20am, 我同售票員講"he囉絲麻"(即係廣島), 跟住指住架車, 個售票員話9000yen, 跟住即刻用對講機同船長講"嵯駝媽爹"(即係等等)..... 好野.... 等埋我地.... 仲叫我地行"二番"上船.....
好險呀..... 跟住個幾日都重複上演呢一幕。要同四國講再見了
船上好舒服, 有梳化, 有座位, 有tatami, 有老虎機, 由於唔係好多人, 瞓係度都無問題
仲有小賣部, 汽水機, 真係好正, 最正係唔洗自己揸車
沿途見到軍艦
同埋呢隻Hong Kong Bridge船
話說我地出發前無線劇集台重播木村托哉既華麗一族, 我老公上左腦, 見到呢間煉鋼廠, 猛話係阪神特殊制鋼
, 其實呢度係"吳", 係去廣島既中途站, 都好多人落船, 包括貌似速水もこみち 個兩個男仔..... 不過我地係船上發現原來佢地係....."基"架
實在太可惜lu
班船準時11點到廣島, 跟住隨即開車去宮島口
呢座大廈好特別
由宮島口坐船去宮島只係百幾yen, 好似坐渡海小輪由香港去九龍咁近
日本三景 -- 原來自己已經去左兩個, 只欠天橋立
宮島上有好多鹿
至於宮島最出名就係蠔
我地試晒燒蠔, 炸蠔同蔥蠔飯, 真係好好味
而島上隨處都可以見到呢隻匙
宮島商店街
未去到嚴島神社, 見到有呢d船出海, 800yen一位, 一於試下.....
如果要坐呢d船就一定要潮漲時先可以, 仲可以係鳥居底下行過
乘客可以扮野玩下
呢度就係嚴島神社
自己願望又多多, 買塊板又鬼咁細, 都唔夠寫
宮島真係好舒服, 我地係沙灘坐左一陣, 享受自然涼風
回程坐JR船番廣島
呢d唔知算唔算紅葉呢
(唔緊要, 我一定會再戰日本)
回程船上睇到既景緻
番到廣島, 梗係要食廣島燒啦, 呢度係廣島站隔離, 成層都係食廣島燒, 我地求其去左呢間
個樣好似好好食, 但係只係一般
個晚住Grand Prince Hotel, 都係9000yen一晚, 間房都幾大, 但係舊左d
爭D漏左, 夜晚有ひみつの嵐ちゃん！, 佢地係度猜緊邊D食物係邊個縣特產, 松阪牛確實係三重縣WOR, 因為我都去過嘛.... HOR HOR
沒有留言:
張貼留言