尋晚個酒店VIEW就係呢度，行去都只係10分鐘
白山洞門
雖然地圖顯示由白山洞門行去足摺岬大概20分鐘, 但係我地都係番酒店攞車揸過去(好懶), 這裡就是四國最南端--足摺岬
天狗之鼻
由於夏天關係, 到處都可以見到呢d小花
完成足摺岬, 我地準備上松山市, 上松山市必須返回土佐清水市, 而之前個日經SKYLINER去足摺岬，我老公話揸車揸到頭暈，我地特登唔行SKYLINER, 選左條沿海既路行, 點知...... 條路中途會有D單線雙程行車既路(即係會有對頭車)
雖則話租過咁多次車, 我最叻都係搵有料同無料道路, 而GPS通常係幫你選最短路程, 但個D路未必好行, 我成日同老公講行到四万十川見到宿毛指示就行過去, 但點知都係MISS左, 結果...... 行左國道441..... 好幣呀, 幾乎2/3路程都係我所講既單線雙程行車路..... 不過.... 個天都對我地唔錯, 話說我地係441初段有架大貨車係咁貼住我地行, 已經好大壓力, 突然仲"BOOT"我地, 咁我即刻叫我老公讓佢行先啦...... HORHOR.... 結果成程有呢架大貨車幫我地開路, 所有對頭車都怕晒我地, 我地後面呢幾架車就好似麻鷹捉雞仔比母雞保護住, 有相為證, 我地一直追隨架大貨車去到宇和島, 就係呢架藍色大貨車, THANKYOU VERY MUCH
去到宇和島終於食左拉麪, 呢度都幾有夏威夷FEEL
由宇和島上松山終於有HIGHWAY喇, 都係個零鐘, 由於時間尚早, 係松山市JUSCO行左一陣街, 先去酒店CHECK-IN, 去到松山, 感覺同四國其他地方好唔同, 就係好多車同埋比較城市化, 係酒店泊低架車就坐市電去道後
呢度坐車去道後都唔係10分鐘, 好方便
由於自駕, 好機會坐公共交通公具, 感覺好新鮮
一出車站就見到呢個鐘
每半小時放一次音樂
有名既道後溫泉
最平地下神之湯, 400YEN, 我地浸呢個
個度D人好似十年無沖過涼咁, 平時去溫泉側邊沖涼個D都唔洗排隊, 呢度D人個個都係咁卒, 係咁卒, 十世都未沖完, 攪到要排隊沖涼, 真誇張, 不過連鬼婆都要黎試, 咁我都唔執輸, 但係我自己又唔覺有D咩特別, 除左人特別多人之外
道後溫泉之所以咁出名除左歷史悠久之外, 相信同千與千尋呢套卡通都有D關係, 所以附近都有間專買宮崎峻作品既舖頭
夜晚返回車站見到呢架蒸汽火車, 其實佢間唔時會係路軌上行走, 真係好似回到幾十年前既世界
返去松山市食晚飯, 唔知係咪呢度多外籍遊客, D MENU都有圖畫, 同埋服務員都識英文, 我地該晚就食串燒, 好好味
呢間酒店好新, 都係7000YEN一晚, 四國D住宿真係好平
沒有留言:
張貼留言