去東京慶祝結婚周年+睇紅葉

終於搵到藉口去日本, 我同老公結婚6週年, 要好好慶祝 一於去東京啦, 我地度蜜月都係去東京, 短短地4日3夜都ok

由於我一定要11月22日出發, 因為之前一晚要去我媽個大壽, 同埋我想坐凌晨機, 有restriction, 所以一定買唔到平野, 再加上我結婚周年個日撞正日本假期, 就算機票唔貴, 酒店都有surcharge, 之前又上網又打電話去旅行社問, 有時見d旅行社package好似好抵, 但問真d一係就話無機位, 一係又話唔係標個價, 仲之巧立名目,  最後, 都係揀左康泰4日3夜package住Hyatt Regency Tokyo(新宿), 每位4710(已連稅), 康泰幾好, 可以即刻confirm酒店同機位, 仲可以碌卡比錢, 呢間酒店我都住過兩次, 真係幾high class, 不過就唔係咁方便lor, 無計啦, 正所謂give & take....

明明話好憎住新宿, 點解今次又要住呢? 因為我諗住去高尾山, 吉祥寺, 新宿御苑等, 好似都係新宿搭車, 再加上當年度蜜月都係住新宿間Sunroute, 懷緬下都好, 我老公好好笑, 記得佢第一次入到間酒店, 佢即刻話: 間房咁細, 點住呀??? 我要同佢解釋日本d酒店係咁細嫁, 好彩佢而家已經習慣左..... 咁今次就同佢住得好d啦

去東京就唔會租車喇, 我要度下點樣買pass先係最抵。今次一早換左YEN, 點知而家好似係咁跌