第一日, 我地乘坐既ANA航班準時降落羽田空港, 時間係5:45am, 過關同等行李都好快, 由於時間太早, 想坐Limosine都未有, 最快方法係坐Monorail, 我地乘坐6:15am既Monorail前往濱松町。
要去我酒店最快方法係由濱松町行去大門站乘都營大江戶線, 講真行去大門站就唔係好遠, 我地沿路都可以揾到lift或扶手電梯, 為左唔洗行樓梯, 我地要過馬路去對面入口, 由大門去都廳前只係8個站, 即係16分鐘
我地買左都營地下鐵one day pass, 只係500yen(假期先有, 平日係700yen), 可以任坐都營線, 都營線最平車資都要210yen, 坐3程已翻本
不過都營線全部都深入地底, 你要預左起碼行5、6層樓先去到月台, 好彩去程上去地面全部有電梯, 唔係都唔知點托個喼, 不過最後去到酒店出口都要行少少樓梯, 由羽田機場去Hyatt Regency Tokyo用呢個方法全程都唔洗一個鐘。酒店大堂勁Grand, 我最記得呢幾枝水晶燈。
咁早去到, 當然未有得check-in la, 係酒店梳洗完, 放低個行李, 繼續用我地個one day pass去上野, 我都係第一次咁早去アメ横
食完早餐, 去左上野恩賜公園, 日本氣象廳之前預報係雲時雨, 點知一去到上野就落大雨, 仲好凍, 加上我老公又病病地, 真係唔係幾好受
應該係全個公園裡面最紅個棵紅葉
原來地面有d咁靚既燈
天色一般, 紅葉度得50%
公園裡面都有神社
有點蒼涼感
係上野周圍行, 見到好多"嵐"12月4、5日東京巨蛋演唱會飛賣, 最低消費50000yen一張, 真係好好好貴呀, 買唔起呀
好多雞泡魚
由於老公病左, 無mud胃口, lunch只係響McDonald食左個魚柳包餐, 仲要兩個人share, 跟住番酒店。酒店都ok, 12點幾都比我地check-in, 呢間就係我地住3晚既房, 好野, 係king bed
有42吋LCD TV, 免費lan線上網
仲有minibar
至於最正呢...... 係呢個富士山view
同埋新宿中央公園view, 好多紅葉嫁
係酒店休息左幾個鐘, 再出發去六本木, 我地去六本木, 唔係睇名牌, 又唔係睇燈飾, 係去TV Asahi, 呢期熱播梗係"交涉人2"同埋"My Girl"啦
好多精品賣, 不過唔夠富士電視台多
係TV Asahi入面都有個小型鐵塔
周圍都有Christmas Light
去完六本木, 再坐都營大江戶線去赤羽橋, 行十分鐘就到東京鐵塔, 去左十幾次日本, 今次係第一次去鐵塔
鐵塔下的聖誕燈飾
東京鐵塔 x Eneos(我地揸車最鍾意入呢隻油)
雖然好似好黑, 其實只係夜晚6點幾, 跟住我地有去汐留嫁, 不過日TV已經close左, 唯有番新宿, 求其係小田急百貨d餐廳食完飯就番酒店lu
沒有留言:
張貼留言