記得08年兩集秘密嵐介紹左日光同鬼怒川, 加上我地買左JR East Pass係cover呢處地方, 所以就決定去逛逛
我地去程坐JR由上野去宇都宮, 再係宇都宮坐日光線去日光, 好彩全程有位坐, 呢個係JR日光駅
行過少少, 就係東武日光駅
一見到呢間便當, 就係佢地介紹過ge鱒魚壽司, 呢度都貼左相
飯裡面有當地特產 - 湯波, 即係腐竹, 唔係講笑, 真係好好食, 無推介錯
然後我地就由車站行去東照宮
沿路..... 開始影d無聊野
呢間金谷Hotel就係佢地食lunch個間餐廳, 唔入去食, 淨睇紅葉都值回票價
輪王寺大裝修, 只可以影下附近
其實佢地上次有介紹東照宮..... 可惜, 我老公見入場要1300yen, 又話好趕時間, 唔比我入去, 之後唯有坐番bus去日光駅, 程車好貴, 成330yen
我好記得佢地係坐東武日光線去鬼怒川, 係車上佢地食鱒魚壽司同玩接龍
其實我目的地係龍王峽, 但係我以為呢架車唔去呢個站, 係新藤原落左車, 跟住個站長問我地去邊, 我諗佢知我地係應該去龍王峽, 但班車已開走, 唯有行過去, 行左20分鐘, 攰死
我地只係影左幾幅相又要趕車番新宿
要先坐呢架車去鬼怒川溫泉, 再坐直車去新宿
持JR East Pass可免費坐呢架車(直車往新宿, 約兩個半鐘)
其實係日光同鬼怒川ge時間太短, 食飯都無時間, 係車站買便當食, 呢個.... 真係超好味
既然有JR East Pass, 我地都唔執輸, 係新宿再去吉祥寺, 因為我地好鍾意去吉祥寺, 本來想買500yen恤衫, 但特登去買就無lor
趕黎趕去, 都趕得切番酒店睇Freeter.... kekeke
沒有留言:
張貼留言