11月20日 秋葉原+八鹽區+羽田新國際空港

最後一日唔想再食飯團喇, 去左酒店隔離間Coffee Shop食早餐, 兩個人都係1000yen度, 仲有咖啡飲, 超讚, 原來有好多分店

跟住就去秋葉原, 呢度同前一日既Tokyo Dome 好唔同, 個邊係arashi既天下, 呢度..... 係AKB48既天下

我以前都好鍾意木村嫁.....

我黎既目的, 都係攞DM, 原本想揾Wii, 點知搵唔到, 淨係見到Hitachi個d

居然仲有AU

最後陪老公去左女僕cafe, 原來好多收費, 齋坐都1000yen 兩個鐘, lunch set + 同女僕合照1800yen, 總之埋單成6000yen, 都幾貴, 不過d男士就好開心囉

成1點半先離開秋葉原, 仲要返上野間酒店攞行李, 好彩好近, 由上野去羽田都係半個鐘度, 我地坐MONORAIL, 最重要係中間經過八鹽區, 唔知大家記唔記得"ピカ☆ンチ"? 一套超爆笑電影.....  呢座係唔係第五棟???

我都知自己行李多, 估唔到兩個人.... 成50kg.... 國泰d地勤真好人, 咁都比我地寄倉, 無surcharge

超正, counter唔洗排隊, 同埋唔會好似ANA同JAL咁, 次次過security都會收左我捲髮器支gas

新國際空港好大, 最重要係有arashi成員主持開幕儀式

個廁所都大過人

見到呢架飛機, 真係好唔想番香港呀

係duty free買雜誌, 免稅嫁, 呢本書陪足我全程..... 飛機

平時多數晚機番香港, 今次呢班4點幾機, 望到富士山, 連副機長新海...... 唔係... 係香港機師黎ge, 都叫大家望出窗外欣賞, 原來個火山口係側邊

見到條行李帶, mud秋田有機飛香港嫁咩????????

又爛喼, 今次醒目喇, 識得去呢度攪, 賠左2舊水

感想:

呢個極奇夢幻之旅終於結束......... 好難得可以放一個星期去日本, 仲要係無連住假期, 本來我諗住未必可以放成個星期, 因為撞正董事會同搬office, 點知........ 超好彩, 董事會提前, 搬office delay, 放假前又做晒budget, 呢個假都算放得幾安心..... 仲要..... hehehe.... 連最唔方便個幾日都可以提前就番個演唱會........ 我覺得可能係上天比我可以好開心咁見到佢地..... 雖然我平時絕對唔lucky, 不過呢個trip都幾lucky, 一定係上天送比我ge禮物

我好希望好希望可以好快見到佢地, really