正如之前講過, 我好鍾意住呢d小型西式旅館, 如果加埋落雪, 真係超級浪漫, 點知...... 不可思議的事情終於發生..... 望出窗外...... 真係落雪...... 即刻為呢間旅館加左分
而令呢間旅館變成滿分, 就係呢個早餐, 個多士, 有少少似西多, 但又好軟, 果醬超級咁好味, 我其實係唔食jam, 但係呢個我真係想叫主人添d比我, 牛奶係好新鮮同好滑ge長野縣牛奶
當然滿分點不只係落雪+早餐, 其實當日只係得兩房客人, 由於我地唔識講日文, 所以前一晚主人無mud同我地傾計, 而呢一個早上, 主人問我地會去邊度, 我地話去八戸, 佢已經覺得好amazing.... 因為八戸對於佢黎講係好遠, 因為我地揸左車, 佢以為我地揸車去, 跟住佢問我地之前係邊度黎, 我話之前去左札幌睇con..... 跟住就展開我地個arashi對話
其實佢英文好叻, 佢問我地鍾意arashi d 咩? 我老公即刻答Matsu Jun(我成日都話佢係潤飯
傾完計..... 完全覺得呢間pension係滿點
check-out完揸車去番車站, 其實由pension去車站只係5分鐘, 跟本係輕井沢係可以唔租車
好大雪呀, 紅葉+落雪, 第一次見
雪越落越大, 即刻好想唱Dear Snow
此時此刻, 真係好想過一個白色聖誕
由輕井沢去八戸, 係大宮轉車, 由大宮去八戸, 都係兩個幾鐘
係八戸新幹線出口, 坐100yen bus 去八食市場, 大概10分鐘
呢度天氣好好, 雖然接近本州最北部, 但係仲暖過輕井沢
入到去, 真係嘩嘩嘩............ 好多海鮮好平呀
成條魷魚200yen, 六隻人頭咁大帶子, 1000yen
超大蠔, 200yen一隻(我買貴左), 生食又得燒又得, 拖羅同海膽就好一般
當然我地都係七厘村租爐燒, 都係200yen一位, 不過就好自助, 燒完自己執垃圾
呢個市場都好多野買, 當然包括青森蘋果
我都買左兩個番香港
沒有留言:
張貼留言