Day 1 大阪買GOODS

坐PEACH AIR因為夠晒平同埋時間勁正, 零晨機去大阪, 夜晚9點幾先番香港





香港CHECK-IN都係T2, 但只有離港係T2, 抵港都係T1, 夜晚再加上T2異常冷清。因為機上無飲品供應, 所以我係LOUNGE攞左兩支水

去程MARK左EXIT ROW真係超闊, 但EXIT ROW係唔可以放任何野係座位前, 可惜坐呢個特闊座位我居然瞓唔著

5:45AM準時到關西空港T2(好好彩), 坐廉航要自己行樓梯落機同行去航廈, 雖然只係行幾步, 但都最好預備褸唔好寄艙, 抵步時好大雨, 但有工作人員會遞上雨傘

航廈裡面無電梯全部自己行, 但路程好近嫁咋, 過海關好快, 只係CHECK行李時問長問短又開喼

咁心急去邊呢??? 就係買CON GOODS, 約左朋友8點係DOME等, 懶懶既我唔想轉車去T1, 直接由T2坐LIMOSINE去上本町再轉車去DOME

淨係程LIMOSINE1500YEN, 坐近鐵先勁貴, 三個站收我350YEN, 明明坐LIMOSINE時經過DOME呢

係地鐵站同友人匯合, 其他人都跑去DOME, 我地兩個仲好姿悠咁行去, 好彩去到條龍未算好長, 起碼我地係DOME既遮蔭範圍。個朝又凍又落雨, 個個都擔遮, 雖然公告係話9:30AM先開始但8:45AM條隊已經開始郁




後來D人已經要排出DOME外

到10點鐘, 即大概排左兩個鐘, 最後被分開兩批, 一批係室外買, 另一批係室內, 我地幸運地被安排係室內

我不斷排場限, 朋友幫我買齊其他GOODS, 太感謝了

我目標係買二十個場限, 好彩都買齊, 買咁多做咩?? 唔知嫁, 總有人要卦, 不過已經搵晒主人LU



只有一部份係我自己... 始終我唔係專業代購 雖然我會去名古屋, 但我應該唔會去買GOODS, 名古屋出名排得耐呢..... 我自己最多要個場限JE (如果係黃色), 大不了就上網BID

排GOODS真係太艱巨



排完GOODS番酒店, 都未夠十二點, 買左張地鐵一日PASS

擺低行李就出去食飯, 呢餐係呢個旅程唯一一餐係食店食飯, 因為克服唔到自己一個人去餐廳, 好無用呀 希望老公會陪我去名古屋啦

其實當日一整日都係勁大雨, 無MUD心機行街, 三點係酒店CHECK-IN, 收到我個包裹, 有人忘記自己坐廉航呢, 不過呢個子供喼真係CUTE爆, 我一向都好鍾意食POCKY, 愛人未代言之前都已經好鍾意

話說成個心齋橋D酒店都FULL晒, 我係東X遊BOOK咋, COMFORT HOTEL只係HK$530一晚, 好掋, 間房好新淨.... 雖然CHECK-IN左又好攰, 但我唔敢瞓, 因為當晚已經要去睇CON, 我驚自己一睡不起

一如以往5點先離開酒店去DOME, 心齋橋去DOME只係3個地鐵站, 5:30PM已經去到自己個座位... 我就係唔想太早入場, 晚餐都係便利店攪掂, 晚上又見到佢地