第二日朝早原本諗住去coffee shop食早餐, 但因為太肚餓, 都係嚮酒店食算, 反正免費, 酒店既早餐corner比我想像中無咁混雜, 人都不算太多, 就坐係窗邊食, 點知隔離左右都係香港人
酒店的coffee真係好一般, 不過總算填飽肚, 仲望到難波激安之殿堂個摩天輪, 原來今次都無去難波度行, 因為太累, 又太多地方想去
酒店都預告左京都紅葉狀況, 應該係100%了
一出酒店見到美麗的藍天, 同昨日真係天淵之別, 好彩之前一日都係室內活動
終於搵得番我第一次去酒店個出口, 因為呢度有電梯落地鐵站, 路盲既人去旅行非常有難度
手拖一個細喼再加一個大旅行袋, 大旅行袋放左個pocky喼..... 由心齋橋坐地鐵去梅田都唔係易事, 係大阪站買左張一日JR West Pass之後, 就上左架新快速去京都
以為係京都站搵個locker放行李, 點知全full, 好多旅客都好似我咁拖左個喼但搵唔到, 我心急到走左去郵局諗住寄個喼去機場, 但諗深一層, 反正我有pass, 一係返大阪擺低d行李, 一係繼續照去, 我選擇左後者
本來係諗住去東福寺, 點知坐錯車..... 心諗...點算??? 坐番轉頭??? 點知見到二条呢個站
我正想去個度間Toho Cinema, 出站後見到有Available既coin locker... thank God!!!
大家見到一個大Locker....有鎖匙嘛??? 但唔知邊條粉腸d行李仲係入面, 我有諗過攞出黎但??? 我用左佢個locker會唔會比人報復呢??? 越諗越多
最後只放左所有重野係個細locker, 拖住個喼去觀光, 我whatsapp話比老公知, 佢笑我成個大陸婆
一出站就見到呢
入去梗係為左攞DM啦, 都攞左成十張
仲去埋個廁所, 又大又乾淨.... 哎... 不過.... 我實在太白痴... 話說我買左張pass, 我問個朋友可唔可以用JR Pass去東福寺.... 佢話唔得... 我買左張飛.... 點知原來係得嫁.... 頂..... 我由京都去二条同二条去東福寺用左360yen.... 好唔抵呀!
下次點都試下先嘛... 唔得先去買飛lor
由京都去東福寺好近咋, 坐JR奈良綫一個站就到
雖然由車站去東福寺有一段路程, 但跟住人去基本上都唔會有問題
未到門口已經見到好靚既紅葉
越路見到紅豆餅, 食左先(因為我有一人入餐廳食飯恐懼症)
我就梗係去右手邊
如果有睇過東福寺d相, 都知佢有條好迫人既橋, 原來未入場已經要行一次條橋.... 對面個條係入場後個條
塞完人先去到售票處, 果然好多人排隊買飛, 只係400yen
大家都記得我拖左個喼, 職員話唔可以攞入去.... Thank God!!! 我都唔想攞入去, 要我放低, 仲唔洗錢
又進入另一條好塞人既橋
紅葉真的好美.... 係北海道見唔到, 今次補番, 美中不足係...老公無黎呢
又望番去入場前個橋塞爆人既橋
唔怪得要比錢入場啦, 呢邊望番過去好似靚d
終於可以行出黎, 無咁迫人喇
還是覺得京都既紅葉最美
不過都係要離開, 指示都非常足夠
之後既目的地係稻荷, 係東福寺坐一個JR站, 對面月台好多人番京都
就係想去那個好多鳥居既地方
去京都千祈唔好揸車呀, 非常非常之塞車
紅葉已經紅啦.... 鳥居更紅
狐狸係代表京都.... 唔知大家有無睇鹿男呢??? 無睇你就真係未必知我講緊mud
許願的.....
笑了..... 看懂的就懂
呢幕就係想起章子怡那套藝技回憶錄
不過行來行去都係鳥居既時候..... 都有d悶嫁
出到黎聞到好香既章魚燒, 師傅好有心機整, 雖然等左8分鐘, 但都好值得.... 好好味呀.... 仲有位坐tim
然後由稻荷番京都
之前上網check過京都站附近有aeon mall, 以為行下超市睇下有無咩代言人poster呀... 有咩野食賣... 點知真係mud都無, 不過呢度都有locker嫁, 如果你係京都站搵唔到locker都可以過黎放行李
其實我去超市目的係搵神戶牛, 因為應承老公買比佢, 點知aeon mall得鹿兒島和牛
結果要係京都站間Isetan先有, 我指住塊扒問職員, 佢磅左一塊話要6000yen.... 佢個樣都好鄧我貴.... 跟住我話要兩塊.... 成11434YEN
我放係個背包入面咋... 哈哈
夜晚直接由京都坐Haruka去關西空港, 可以用JR Pass, 不過自由席異常多人, 有d人要企, 但真正去關西空港既人少於一半
最後一餐係機場間Lawson食關東煮, 超美味
回程航班delay左一個鐘, 真係睇完con番香港都趕得切
兩日一夜Popcorn 演唱會 + 京都賞楓之旅完滿結束, 雖然好攰但好開心
沒有留言:
張貼留言