後面又係花道, L型的包圍
右手邊係通道(ARENA圖紅色箭咀), 即係細車碌過既地方
雖則唔可以話係神席, 但都可以見到好楚佢地個樣
前面係side stage (Nino Solo Part)
偷影aiba, 但失敗
以下係我最印象深刻既片段:
Nino彈琴位, 正正係我前面, 超開心, 終於無買錯位, 以我記憶, solo好少係側邊
我覺得虹其實比較易彈, 但今次首歌都幾複雜, 見佢彈得好大動作, 但超lum lor
Nino唔知唱邊首歌既時候, 但好肯定佢當時係著牛仔褲, 係我後面既花道上與其他Junior跳舞, 咁我當然係睇佢後面, 佢用Pat Pat大力 “bell”開旁邊既Junior, 笑死我喇, 呢幕似曾相識, 好似佢以前都 “bell” 過 Toma, 結果我日日都掛住愛人個pat pat… 好變態
似唱緊迷宮LOVE SONG
大家都知佢地會坐汽球出黎, 第一架係Nino
佢地得閒就拋下d波, 我覺得佢地有刻意拋上山頂, 奈何呢個世界係有地深吸力, 最後都係跌係一階。之後佢地係汽球落黎, 又上黎花道, 第一個見到爆谷Nino, 可愛死, 跟住係爆谷SHO, 佢表情古靈精怪, 真係好想打佢 
MC本來係Moving Stage中間位置, 講講下無啦啦分開兩批, 左邊係Nino同sho, 右邊係Leader, Aiba 同 JUN, 係花道度步行番去main stage, 但又一路講野, 好好笑, Nino同sho并肩係我隔離慢慢行過, 超正
基本上MC都唔係聽得好清楚, 聽得最清楚係AIBA話 I don’t speak English, 但好似得我一個笑, 因為d日本人可能連呢句英文都唔識
老公一向好鍾意Super Flash, 上次Arafes無唱, 我諗都無可能聽到, 點知今次con有, 仲要係Leader排舞, 佢仲問我地有邊個投左呢首歌, 我有舉手呀
今次Mainstage中間有好大個水簾, 好多時會打佢地個樣落去, 當然係預先錄影, 我覺得好靚呀
見佢地係水簾後擔住把遮跳舞, 以為佢地會穿過水簾.... 點知又無wor
唱Wild at Heart時, 彩帶跌落黎, 我初初嘗試伸手去我後面條通路搶, 但唔夠人黎, 後來係番自己位等彩帶跌落黎, 結果第一條就係黃色………. Yeah!!! 第一次執到黃色, 然後仲接到三條, 隔離位個人唔見左, 原來佢爬左去通路出面搶, 但只得3條, 佢番黎望下我d彩帶, 話我すごいい
今年彩帶無寫明場地
係人都知今年goods無con tee, 仲諗緊佢地Encore時著咩出黎, 但原來佢地自己有好靚既con tee, 背面仲有五個場地英文名順序排列: Osaka, Sapporo, Fukuoka, Tokyo, Nagoya
都係個句, 著係佢地身上身特別靚, 可惜又無得賣, 殘念
第二次Encore時, 以為佢地唔會行上花道, 點知SHO 同 Leader 有黎我呢邊, 前面兩位打扮得好靚既Leader飯, 做左四把智字扇, 四筒咁排列, 另外一把扇寫住擊つ, Leader用手擊左4下, 仲擺出4既手勢, 望左佢地好耐, 其中一個飯感動到喊, 如果係我都會lor, 可惜我家愛人唔做呢d野, 講到lum fans, Leader無人能及
呢件背心好似翻兜國立
其實一向都麻麻Arena B, 因為感覺唔前唔後唔左唔右, 如果你係中間既中間, 真係mud都睇唔到, 但今次我個位近花道, 同埋佢地唔知點解成日會係花道行黎行去, 仲要幾個一齊行過黎, 好開心。今年中心係無花道, 變左moving stage由main stage一直去到back stage, 唔怪得今次睇佢地特別清楚
加上前後左右都有好多細路, 我視線無被嚴重遮擋, 好好彩, 同埋覺得關西人都好nice, 知我一個去睇con都有同我傾計, 可惜我識聽d但唔識講, 隔離位仲提我支燈唔記得開
整體來說, 我覺得Popcorn比BW精彩, 好明顯花左好多心思, 服飾呀, 汽球呀, 連彩帶都轉左樣, 雖然一人參戰, 但都非常enjoy
下一站名古屋
沒有留言:
張貼留言