好恐怖呀.....個blog明明有字, 變左無字.... yahoo blog太恐怖喇, 害我又要再打過
話說我地去左富士宮, 跟住番湯河原啦, GPS顯示只係大概60公里, 但點知遇上星期日晚好多人番東京, 大塞車, 塞左超過兩個鐘, 其實我地一直行國道, 點知去到湯河原之際忽然變左有料, 雖然只係幾百yen
之前都有講過我係團購呢間旅館, 話原價50000yen, 半價25000一泊兩食, 仲有好多特典, 呢間旅館有咩特別呢?? 就係Freeter SP第一幕既溫泉旅館, 我當然係慕名而來
最後六點幾先番到酒店
酒店房有d舊
咁趕番酒店都係為左去呢個風呂, 因為只有晚上6-9先係女士專用, 要行長長既路先到個風呂, 仲要有個大叔看門口, 一個人行確實有d驚
原以為我可以係度洗頭沖涼, 因為之前一晚係坐零晨機, 但點知呢個野天風呂係得更衣室, 無得沖涼
終於見到個溫泉喇, 仲有個瀑布, 真係好靚啊, 但比我貸切左, 一個人黑媽媽真係驚有鬼
本來訂房時知道係部屋出, 但當晚太多客人, 宴會廳都full了, 所以早晚餐都係部屋食, 好野!!!
重點係鮑魚, 睇住佢係度掙扎, 有d殘忍呢.....
晚上仲遇上地震.... 不過我一向住溫泉酒店都瞓得麻麻, 因為怕鬼
第二朝一早去浸女湯
老公好懶瞓, 話要瞓到8點, 點知我7:30番黎個陣見到有個職員係我地間房攞d被出黎, 心諗.... 咁老公咪無得瞓?? 一入房就見到佢好無奈咁坐左係度....
早餐到....
可唔可以走燒魚呀???? 我最怕食燒魚...
豆腐就like
都唔明點解我個booking名變左咁, 係朋友幫我打電話book
食飽早餐再周圍影相, 其實個野天風呂已經CLOSE左, 但職員知我係嵐飯, 所以比我地入去影相
我地個團購仲包2000YEN COUPON可以係旅館任用, 同埋有兩個禮物包, 超讚
告別了, 青巒莊
沒有留言:
張貼留言