我地取車係名古屋駅, 但最後一晚貪平團購左CHISUN INN栄, 所以係栄還車, 我地首先去左酒店放低D行李, 然後入完油就還車, 點知明明入左租車公司個電話號碼, 但GPS顯示唔到, 栄係一處我從來未去過既地方, 好驚呀.... 不過我地後來好鎮定咁睇地圖, 最後都LOCATE到, 但又遲左半個鐘.... 真係唔明點解次次還車都要遲到
呢個唔知係咩塔??
還有公園裡既噴水池
聽說荣係一處購物勝地, 所以有呢間獨特的LV Shop, 不過而家d yen咁貴, 點都係香港買平d
當然都有百貨公司, 我地一到步唔識路係呢度行左好多個圈
呢度都有蟹本家... 但係今次唔想食蟹
老公要食蛋包飯, 呢間餐廳1200yen半自助餐, 沙律飲品任食任飲
呢間亂撞入去食, 只係普普通通
地下街唱片舖有新single預約但我家五子咁鬼紅, 一早full晒啦....
第二日準備買pass, 影張名古屋地鐵圖研究下先
去名古屋城要行名城線
終於到下午3點可以check-in酒店, 好倦, 又要午睡, 酒店係團購4500yen一晚, 可以中午12點先check-out, 行去地鐵站8分鐘啦.... 樓下有便利店, 不過有點舊
廁所仲舊... 只有一個字... 係平... 為免我唔捨得離開日本, 最後一晚要住差d既酒店
晚飯時間要食下名物, 知道Lachic有間矢場丼, 一於試下名古屋名物面豉醬炸豬排飯, 我唔記我以前有無食過, 年紀大記憶力勁差
有幾個人排緊隊, 排隊時店員已把餐牌比客人睇, 仲要點埋餐, 一坐低就有得食喇
可能個日叫得太多.... 覺得d豬排比較鹹, 有d滯
上面係兩食, 即係有個已經用麪豉浸過既, 另一款只係把醬放係豬排上
下面係鐵板上豬排
正如我之前所講, 名物有時都會令人有少少失望....
沒有留言:
張貼留言