DAY 2 (Part 2) 網走閒逛、能取湖

行行下又去到網走魚市場,  眼前就係鄂霍次克海, 冬天會有流冰同破冰船呢..... 呢兩個像好有俄羅斯色彩






早上有好多海鷗, 超怕雀鳥既我當然唔敢行出去



因為天氣開始轉差又加上太早起身, 所以當日都係附近算, 行下藥店





上次係名古屋勁凍買唔到暖包, 今次要買最大盒, 其實暖包好有用, 著唔夠衫可以用, 女性某D日子貼上暖包都會舒服D嫁

跟住又去醫肚, 去左RURUBU書推介既迴転壽司,

呢個湯係免費





知床最出名係三文魚同魚子, 果然非常鮮味, 食落口有爆開既感覺



海膽非常新鮮, 無腥味啊



我記得呢個丼只係630YEN, 不過當然都好細



生蠔..... 正!



話就話迴転壽司, 但我地係用ORDER紙落單, 全部師傅即製



食完晏去能取湖博一博有無珊瑚草.... 當然只係得番呢D枯草



跟住雨越落越大, 我覺得有一處好重要既地方要去, 就係日產SHOP, 因為上次去NISSAN館完全無佢地既DM, 超失望, 諗緊真係賣車個D SHOWROOM會唔會有呢???

最後去左北見既SHOP, 一入去就見到好多NINO, 我當然有同佢合照啦

然後比我發現..... 枱面上有一楝朝日新聞NINO等身大POSTER.... 係一楝.... 個店員見我望住, 跟住同我講.... "多助".... OMG..... 隨便???? 係日拍成1000YEN一張嫁WO, 仲有NINO個張細DM, 都可以任攞, 反而部車仔佢就話唔攞得... 唔緊要啦....HAHA

是日只係攞左兩張