Day 3 (Part 2) 釧路

參觀完網走景點, 就開車去釧路, 其實對道東有認識既人都知係一個北一個南, 中間會經過阿寒湖, 我又係以為自己時間好鬆動, 所以又同老公停架車係便利店門口瞓晏覺

原本諗住去阿寒湖食lunch, 不過最後都係求其去便利店隔離間餐廳食, 因為聞到好香咖哩味, 雖然賣相唔係好靚, 但真係超好食

豚肉丼只係一般啦

其實呢間係PUB,飲品SELF SERVICE

仲有雪糕送

食飽飽又趕路去

途中經過一個道之駅, 老公覺得呢個荒廢既火車站好淒美, 走左去影相

加埋落雨確實好淒美, 雨越落越大, 一直跟住呢架阿寒BUS去釧路

去到釧路, 老公忽然見到有間NISSAN, 我叫佢停架車入去, 嘩... 又係一楝NINO等身大POSTER, 今次又攞多兩張, 仲有埋DM.... 唉... 不過我好似就係因為落車攞DM所以唔見左頂帽 

夜晚去左幣舞橋影相

然後去食飯, 釧路最有名係勝手丼同鑪端燒, 我揀左食最出名個間鑪端燒, 一入去.... 滿席, 但又無其他人等, 位婆婆叫我等一陣, 不過一等都差唔多半個鐘, 老公好想走呢

跟住有位坐, 個度寫明唔比影相, 不過我都靜雞雞影左, menu 有英日文, 但係無價錢嫁, 個店員英文幾好, 可以叫佢推介, 於是我地食左三文魚, 魷魚同豬肉串, 連兩支汽水, 埋單接近4000yen