首先....因為同老公去, 過份放心, 漏帶好多野.... (1)唔記得帶腳架, 攪到要係日本買 (2) 唔記得帶IPHONE換卡個支針, 攪到換唔到張B-MOBILE係我電話, 我老公部GALAXY SIII又成日無電, 所以成日都上唔到網 (3)帶漏左件褸, 少左衫換 (4) 帶唔夠襪, 有一對襪要著兩日
(5) 呢樣去到日本先發生, 就係我係酒店攞漏一個插頭, 好彩相機D電唔洗叉, 唔係都唔知點叉電話論盡事..... (1) 一去到已經倒瀉左支香水 (2) 第三日唔見左一頂帽, 都唔知係邊度唔見, 明明戴係個頭度
(3) 應該係最嚴重事故, 居然係番香港既航機上倒瀉麪豉湯, 成身濕晒, 仲要D湯勁熱, 仲諗緊點捱幾個鐘番香港, 邊有人個HANDCARRY會有SPARE衫嫁???? 點知我諗諗下原來我有WOR.... 因為我之前係網上訂既衫遲左送黎, 所以回程係東京番酒店攞衫, 所以有SPARE....又由於我同老公分頭去機場, 佢一早將所有行李都CHECK-IN左, 所以我HANDCARRY D衫.... YEAH!!!!仲有去到北海道日日都落雨咁滯, 其實北海道都唔係成日落雨, 唔知係咪因為落雨, 所以好多蚊同烏蠅, 後來睇電視先知, 北海道就快進入雪季, 所以有好多雪蟲.... 而我好期待既阿寒湖船河, 被迫腰斬了。
不過北海道都係一處好美麗既地方, 無論點影相好似一幅畫咁, 仲有美食處處, 原來花咲蟹好美味.... 呻左咁耐, 都係開始遊記
講開坐JAL, 小妹十幾年前第一次去日本係坐JAL, 跟住差唔多次次都係JAL, 但自從9年前同老公去日本渡蜜月後就無再坐過, 仲記得D咖哩飯超好食, 加上有佢地代言, 實在好期待
23號閘, 附近全部都係大陸機
當然要影機艙, 有休班空姐, 不過座位比ANA同CX窄一點
有食物都唔錯, 有雪糕食
果然有佢地既劇播
飛機上望到富士山, 十月既富士山係無雪嫁
架機3:45PM LAND, 過關完全唔洗排隊, 因為我地係香港已經發現唔記得帶腳架, 所以CHECK左酒店附近有無電器舖(今次我地住京急蒲田), 最近5分鐘車程係京急川崎, 去到京成綫問職員點去, 佢教我地坐4:32PM班成田SKY ACCESS, 跟住要轉兩次車, 但我唔記得係咩站, 總之有一次係對面月台轉, 有一次要落電梯轉, 坐左兩個幾鐘先到, 但車費只係1520YEN
平時淨係識坐SKYLINER或NEX, 未試過坐呢隻車
呢個路線圖真係睇極都唔明, 有時係押上轉, 有時係青坻轉, 真係唔知點樣坐先係最快
不過都好多人坐
我以為會係D好特別既車, 因為貴過坐京城線, 點知都係普通車
車上D座椅有飛機圖案
呢架車叫快車, 但架車成日無啦啦停係度, 唔知等MUD
, 總之要一個鐘先到押上最後要坐去三崎口既車就會去到京急川崎
一出站就見到YODOBASHI OUTLET
一直用開呢款腳架, 夠平, 實收920YEN
買完即刻去京急蒲田, 我地住CHISUN INN, 5760YEN一晚, 非常平, 最緊要係第二日要坐6:55AM機, 個度10分鐘去到羽田空港
蒲田最出名係食餃子, 全部都係中國人開
第二朝要四點幾起身, 有夠早
沒有留言:
張貼留言