我到達既時候已經天黑了, 呢張係第二日補影
一入去見到前台, 有職員招呼嫁, 我比張預訂確認信佢, 佢就比左鎖匙我, 仲話我知大浴場, 食堂係邊, 6:40pm晚餐, 7:40am早餐等資料, 但我第二朝9:30am機, 我問佢可唔可以早d食早餐, 佢話唔得, 然後.... 居然收我地平d, 原本係8400yen/人, 而家只須7980yen, 唔係平好多但都唔好浪費食物嘛
以為旅館好簡陋但都有d佈置wor
仲有漫畫corner
要行樓梯上房呢, 我懷疑我地住新翼, 因為都幾新
房間真係少許簡陋...... 但都有廁所同浴缸......... 不過..... 唔好諗住係入面沖涼, 因為只有肥皂無洗頭水無Hair Dryer無雪櫃, 連大浴場都無Dryer, 房有冷暖氣同風扇, 所以要黎住又唔想去大浴場沖涼唯有自備洗頭水
算啦, 最後一晚又晨咁早要走, 唔重要lu
好多呀... 只係一部份, 果隻花咲蟹簡直係人生極品
毛蟹兩隻... 打包了
長腳蟹無花咲蟹咁正
雖然食物唔係好熱但我覺得還算美味
但果d熟左既三文魚真係唔係大好食, 所以我食剩了
蟹飯食唔落我又打包了, 留番第二朝做早餐
shabu shabu蟹脚, 鮮甜
忽然送來既燒蝦, 比較燶但我覺得都唔錯
應該係蜆, 有沙... 老公話沙不入惡人口
螺就一般啦
食完既情景, 我覺得唔算剩太多, 唔知係咪食得太跑, 覺得最後食既西柚超正, 又甜又JUICY
總括來說, 因為十月份花咲蟹當造, 真係超多肉超肥美, 第一次食呢款蟹, 印象深刻, 我想話食蟹的話真係好滿足, 平常去蟹本家d蟹都處理得好精美, 從來都無見過完整既一隻蟹, 呢度一隻長腳蟹, 一隻花咲蟹, 兩隻毛蟹, 真係大滿足, 以這價錢來說係超值啦, 完全無失望
至於點樣打包, 話說你可以去問廚房職員攞膠袋(跟住其他食客做就可以), 袋好你要打包既食物, 跟住比番廚房職員, 佢會比番張號碼紙你, 佢地會幫你雪住d食物, 第二朝check-out比張紙對面馬路間海之市領取番食物就得
我地太早去到未開門, 有個好後生既staff比番袋蟹我地, 但我地問佢有無冰, 跟住就比左袋冰我地
我地一早有準備, 就係帶左冰袋同冰皮月餅袋去, 以我地由女滿別番東京為例, 去到東京D冰完全無融, 不過係女滿別空港都有乾冰賣, 50YEN一包
沒有留言:
張貼留言